¹ Kwitungo lyinilo, Herode mbi wigwa ehabari ya higulya ya Yesu.. ² Wav'awila v'atumami wakwe, "Mwinuyu ni Yohana Mbatizaji wahembukaga kufuma kuvafwile. Kumbe inguzu zinizyo zili higulya yakwe." ³ Kunguno Herode mb'i wa mdima Yohana wa mtunga na kumtaga mwigereza kunguno Herode, umke umwa Filipo ilumbu lyakwe. ⁴ Kunguno Yohana wavawila, "Yikav'ile sawa kumsola u'msav'a kuwa mke wakwe." ⁵ Herode mbi wamuulaga kumbe eve mbi waw'ogoha vantu kunguo vamuona Yohana kuv'a mlaguzi. ⁶ Kumbe eve kwitungo lya kuutwa Herode aho mbi lyafika mwaniki umwa Herodia wasapa hagati ya vantu na kumutogisha Herode. ⁷ Mngati ya kumuwela mbi na elyahidi kuva ekiapo kunguno alampe chonsechonse echo alamlombe. ⁸ Ebaada ya kuyangulwa na nyina, wayomba, "Mpage ene henaha mngati na kulomba umtwe kumwa Yohana waku Vabatizya." ⁹ Umtemi mbi e'namisayo ya k'ulomba mwaniki, ila kunguno na mlah'e gwakwe, kunguno ya wose awo mbi vali hachilya hakimo nawe mbi wav'atuma kunguno yutakiwa yiveziwe. ¹⁰ Mb'e watumwa Yohana aletwe kufuma kuwigeleza ¹¹ hene aputwe imtwe gwakwe na chaletwa kitulilwe higulya ya sinia na mbi wapiwa mwaniki na wikifila kumwa nyina. ¹² Hene vahemba wakwe wiza kugusola umuwili na kuguzyika, ebaada ya eli vaya kumuwila Yesu. ¹³ Nawe Yesu ah'o mbiwigwa genaga witenga kufuma aho mbi ali wahina mngati ya mashuwa waya esehemu eyo yatylwa. Itungo idale aho mbi lyamanya uko mbi ali, vamlonda lwamigulu kufuma kamjini. ¹⁴ Hene Yesu mbi wiza hambele yao waleona idale ikulu. Wavaonela ehuruma na kuvapezya malwile gawo. ¹⁵ Ipindi aho yafika, vahemba mbi viza kuwakwe na kuyomba, "Yiniyi ni esehemu yibalangu, na lusiku lwavita tayari. Vasabele emakutano ili vaye kuvijiji vakagule chilya cha kuwao. ¹⁶ Kumbe eve Yesu wavawela, "Kuduhu emaana ya kuya vasava. Vapi inywe ya chilya" ¹⁷ Mbi v'amuwila, "Henaha kutite emikate itano na samaki ivili du."" ¹⁸ Yesu wayomba, "Yileti kuwane." ¹⁹ Hene Yesu walagilizya idale likale hansi hamaswa. Wasola emikate itano na samaki iwili. Walola mwigulya kwilunde, walomba na kugumega mikate wav'apa vahemba. Vahemba v'avapa idale. ²⁰ V'alya wonse na kwikuta hangi vakuuinga evipande vyonse vya chilya na wokazya vikapo ikumi na viwili. ²¹ Aw'o mbi valya mbi vakadiriwa kuva vagosha vihumbi vitano, vakavazilwa vakima na vana. ²² Hene haho wavatuma vahemba vangi mngati ya mashua, itungo lyinilo umsava wavadaha idale waye. ²³ Ebaada ya kuwadaha idale vaye ku wavo walina kwigulu kulugulu kulomba ewene du. Itungo aho yafika impindi mbi ikwenuko inene du. ²⁴ Kumbe eve emashuwa mbi yile hakati ya bahari mbi yuyumbayumba kunguno emavumbi ga myaga mbi uli wa mndaki. ²⁵ Mngati ya uziku wa zamu ya mnane Yesu wavawila, mbi uyumba higulya ya manzi. ²⁶ Itungo vahemba vankwe aho mbi vamuona uyumba higulya ya bahari mbi wogoha na kuyumba, "Ni katavi," na kuyomba kusauti mngati ya hali ya wova. ²⁷ Yesu wavawila kuwakati umo wayomba, "Ipi myego! ndi nene! mkogohaga." ²⁸ Petero wasuva na kuyomba, "Mngosha, mbi eve mbwile niza kuwako higulya ya manzi." ²⁹ Yesu wayomba, "Izingi." Lakini Petero wafuma mngati ya mashuwa na wayumba higulya ya manzi kuya kumwa Yesu. ³⁰ Kumbe eve Petero aho waona mavimbi, wogoha, na kulamla kuzyama, hansi, witana ku sauti na kuyomba, "Mngosha, nyokowe!" ³¹ Mangu mangu Yesu wagolola umkono gwakwe wamsola Petero na kumuwila, "Ev'e uyo wina usondo, kunguno wali wava na wuv'a?" ³² Hene Yesu na Petero vingala mngati ya mashuwa, umuyaga mbi gwapela kuyuma. ³³ Vahemba mmashua mbi vamntanezya Yesu na kuyomba, "Hana eve uli Mwana wa Seva." ³⁴ Na aho vavuka wafika mngati ya nnsi ya Genesareti. ³⁵ Na vantu mngati ya ieneo lyinilo aho mbivammanya Yesu, vatuma epola kila isehemu zya mwambo, na kuleta kila umo umulwile. ³⁶ Mbi vamlomba kuva vakole kukumya uwupinelo wa mwenda gwake na vangi awo mbi valekumya vapeziwa.