¹ Tunula, tunula, vala enguzu zyako, Sayuni; vala evazi lyako isoga, chelu kidehelwa; nguno kuduhu hange ileka itahiriwa ninga vale vakavile vasafi elingila kuwako. ² Ikung'ute eve msava ifuma maluwuwu wuka na wikale, eve Yerusalemu; simwa wambo hagati na singo yako, valugalililwe vamiki va Sayuni. ³ Nguno Yahwe akuyomba ivi, waguzwaga ebure, na ukukomboleka bila kuva na hela.'' ⁴ Nguno Mugosha Yahwe akuyomba ivi, ''Aho hambuke evantu vane vashuka hansi ku Misri likala kwitungo iguhi; Vaasiria vanyanyasa vavo mbihi. ⁵ Agese ni kintu kii echo ndinacho henaha- lyinili huuyombe umwa Yahwe- akuona kuva vantu vakwe vakusoliwa ebure du? Ninga vale vakuvatongelela vavo vakwita ekilege- lyinili hiitamko lyamwa Yahwe- lina lyane lyubwedeka limi lyonse. ⁶ Hivyo hange vantu vane vakulimanya lina lyane; vakwiza kuva lwiswi lulo kuva ene hemwene nkuyomba, ''Hene, Ndi Ene!'' ⁷ Ni kuusoga kii higulya ya lugulu ni migulu ya mkonde yule waletaga emagambo masoga, atangazwe konde, eyoasombile usoga wa uhanya, yule watangazyaga upizya, yule akuyomba kuva Sayuni, ''Seva wako akutawala!'' ⁸ Tekeleki enyu valinzi woshi mizwi zinyu, ku hakimo gumi ibubu lya utogwe, kunguno kumuona, kukila linso linyu, isuva kumwa Yahwe Sayuni. ⁹ Fumi muzwi kulyimba kuutogwe enyu vazya va Yerusalemu; Nguno Yahwe wvafarijika vantu vakwe; wakombolaga Yerusalemu. ¹⁰ Yahwe wavalagilaga kuva umkono gwakwe msondo mgate na emisoga ensi yonse; ensi yonse yikuwona upizya umwa Seva wisu. ¹¹ Wuka, wuka, endeleahatali na aha; mkintu umyaga ekintu chonsechonse echo ni cha uvi; ninga likale mgate yakwe; ikusi inyu vasava enyu vale msombile eviseme vyimwa Yahwe. ¹² Nguno ukashe uye hibala kukimba ninga ukashe uweki kukogoha; Nguno Yahwe akuva hambele yako,; na Seva wa Israeli aleuva mlinzi wako wa kunyuma. ¹³ Loli, umtumami wane akwita emasala; akuva higulya na akuwushiwa higulya, na akulinwa higulya. ¹⁴ Na vingi valakamalwe umsava - uwigelishe wakwe wigondaga hibala ya wigelishe wa mntu, hivyo hangi ulwande lwakwe mbiuli hatali na ekintu chonsechonse echo cha mntu- ¹⁵ Na hivyo umtumami wane akunyunuzia ensi nyingi na vatemi valafunge emilomo yavo kunguno yakwe. Kate kuva vakalivakowola lwilwa vakuona, kate kuva vakali kwigwa, na lwelewa.