¹ Ntekeleki ene, enyu va esembo zya ehaki, enyu avo mlimkola Yahwe: Lola mgate na magambo gule gwachongwa, na isembwa ifuma hale ahokowile. ² Mloli Ibrahimu, uvava winyu, na Sara, yule wamuntu inyu; Nguno ahobiali na upina umvava mwinikili, namwitana umsava. Nambariki umsava na kumvezya umsava kuva vingi. ³ Hene, Yahwe akuyifariji Sayuni; Akuyivezwa emakaya gakwe gonse gale ago gali na upina hijangwa lyakwe akulevezya kate Ebustani, na ijangwa elilo liwazi hapelo na ebonde lya mongo gwa Yordani kate bustani ya Yahwe; Utogwe na vilave vyakuwakwe, kalumbilo na muzwi gwa lyimba. ⁴ ''Vaga emakini kuwane, vantu vane; na tekeleki ene, vantu vane! Nguno kufumya isemuzyo, na kuyita ehaki yane kuva miko ya ensi. ⁵ Ehaki yane yile mbihi; wupizwa wane ukuya hibala, na emikono yane yilayihukumu ensi; Epwani yikundindila ene; Nguno valina naba ya ilindila umkono gwane. ⁶ Wushi emiso ginyu higulya ya malunde, na lola ensi hansi, nguno emalunde hakusiniwa hatali kate lyonsi, na esni yikusakala kate mwenda, na venyeji vakwe valafwe kate nsasi. Ila eve uupizya wane ukwendelea edaima, na ehaki yane yikashe yileke itenda milimo. ⁷ Tekeleki ene, enyu vavo mmanyile ehana, enyu vantu wane vavo msombile miko yane mgate na mwego yinyu: Mkogohaga ematusi ga vantu, ninga ikatishiwa etamaa na unyanyasaji wao. ⁸ Nguno Nonda valemlye vasava kate mwenda, na eminyoo yili mlye vasava kate upamba; ila ehaki yane yilalekwe edaima, na upizwa wane mgate na evizazi vyonse.'' ⁹ Tunula, tunula, vala eve msava kunguzu, zya mkono gumwa Yahwe. Tunula kate lwiswi za kale, ekizazi cha itungo lya kale, Vihe yikavile eve yule waangamizya endimu zya ebahari , na yule wayetima ezoka? ¹⁰ Vihe ukakazizye ebahari, emanzi ga ekina kitali, na kwita ekina cha ebahari kuva enzila ya upizya ivita? ¹¹ Efidia yimwa Yahwe yikusuva na iya Sayuni kukilio cha utogwe na utogwe wa milele yilave mgate na mitwe zyawo, na miseyo na lyombolezya vilaziniki hatali. ¹² ''Ene, ene hemwene yule nkuvapa efaraja. Ku kii uwogohe vantu, avo vakufwa, vana va vantu, valevitwe kate manyi? ¹³ Ku kii warikavilaga Yahwe Mutunda, umsava ezyo wawusha emalunde na itula msingi gwa ensi? Enyu avo mlina wova wa emara kumara ekila lwiswi kunguno ya kisila cha moto gwa vanyanyasaji aho alalwita emaamuzi ga lyangamizya kilihe ekisira cha vanyanyasaji? ¹⁴ Umsava yule ainamila hansi, Yahwe akutumama mangu kumulekula, akashe afwe ninga mgate na hansi ya ishimo, ninga akashe agayiwe umkate. ¹⁵ Nguno Yahwe Seva winyu, gale akugita ebahari yiyumbe, hivyo emavimbi gakwe gavune kumkondu- Yahwe wa emajeshi helyine lina lyakwe. ¹⁶ Ntule emihayo yane mulomo mwako, na nakukumbilaga eve kumtaka gwa mkono gwane, ili nkowole ilina kwilunde, itula umsingi gwa ensi, na itamkiya Sayuni, 'Inyu mle vantu vane.'' ¹⁷ Tunula, tunula, imilila higulya, Yerusalemu, eve ukunywa mgate na kikombe cha ekisira kimwa Yahwe ifuma mnkono gwako; wanywaga mgate na kikombe, kikombe cha uduki, na wanywaga na imala. ¹⁸ Kuduhu ninga umwi mgate na vana yule wamuuta wa kumtongelela umsava; kuduhu ninga umwi mgate mwa wonse yule wamilele na kumdima umkono gwakwe. ¹⁹ Uduki winuwu uvili mbizyavafumila inyu- unde akusaya hakimo ninyu? - Mbiuli na uvipya, na nzala na lupanga. Unde yuyu akuvafariji eve? ²⁰ Vana vako vazimia; valola kila ekona ya mtaa, kate swala mgate na mtego; Vakalililwe na kisira kimwa Yahwe, Ilapilizyo lyamwa Seva wako. ²¹ Ila agese tekeleka lyimili, eve yule umbwedekile na ikolwa, ila eve ykavile ku mvinyo: ²² Mugosha winyu Yahwe Seva, yuye akumuyangula vantu vakwe, akuyomba ivi, ''Lola, Nasolaga kikombe cha uhanya mmkono gwako- uhanya na kikombe cha kisira chane - iliyakakowolaga mywa hangi. ²³ Nkukutula mgate na mkono gwa vatesaji, vale vakuwilaga eve, Lala hansi, ili kuyumbe higulya yako'; vagwetaga umgongo gwako kate uuwanja na kate vasava.''