¹ Lwiswi lulo vakima mpungate valamsole mgosi umwi na iyomba, ''Kukulya chilwa chisu vasava, kukuvala emyenda zisu vasava. Ila eve kulikola esola elina lyako ilikusinwe ensoni.'' ² Na lwiswi lulo atambi esoga lya mwa Yahwe na konde, na evisemo galave na usemu usoga na ipendezwa kuvawo vakwikala Israeli. ³ Yilitokezwe kuva yule walekwaga ku Sayuni na vawo awo vashala Yerusalemu valitanwe vanknde, yensoyenso yule atonilwe hansi akwikala Yerusalemu. ⁴ Yiniyi yilatokee anho Mugosha alasafishe uchafu wavaniki va Sayuni, na alasafishe emavalaga magazi ifuma hagate ya Yerusalemu, kunguno ya mwego gwa ehukumu na mwego gwa kupya na moto. ⁵ Hange higulya ya lugulu lonse lwa Sayuni na emahali pakwikuminga, Yahwe akwita ilunde lya lyonki kwitungo lya limi na moto akutumbula itungo lya usiku na yikave kano higulya ya konde yonse. ⁶ Kulave na mtaka hagate ya wukalo itungo lya kuzuiya limi, na epelelo na emfuniko ifuma mgate na llunde lya mvula.