¹ Nkanche winyu, vavipya avo mkalivipiwa! Nkanche vavo evasaliti avo mkali mkanilwe! Itungo haho mlave mwaleka uvipya, ninywe mlevipiwe. Itungo aho mlwiwaleka uusaliti, ninywe mlasalitiwa. ² Yahwe, kusayile isu kwakulinda eve, vakava mkono gwisu kila mlao, na mpizwa wiswe mgate na itungo lya uduki. ³ Vantu vakapela kukwigwa muzwi muhanya ahombiwaushiwa, ensi zyakasambala, ⁴ emateka vako vikumingaga kate wulunde wa nzige, kate nzige evyo zikuruka, vantu vataluki higulya yakwe. ⁵ Yahwe waushiwagwa. Akuishi emahali higulya. Akuyokazwa Sayuni kuhaki na uusawa, ⁶ Akuva eimara mgate na itungo linyu,, vingi va upizwa, emasala, na umanyi, uvova umwa Yahwe wuli mgate na ehazina yakwe. ⁷ Lola, vakombe vakulila mumuta, vamasala vumsanizya na konde kukulila kuusangu. ⁸ Ebarabara ehanya yalekwaga efaragha,kuduhu visafiri hangi. Emaagano gavinzikaga, umashahidi vakubwedeka, na wuta wa mntu ukalyeshimika. ⁹ Ensi yikuombolezya na ikalila hatali; Lebanoni yikuyaibisha na hatali; Sharoni yavaga kate ibalangu wazi; Bashani ni Karmeli zyagwishaga emadutu gakwe. ¹⁰ ''Egisi nkuwuka, ''Akuyomba Yahwe; ''Egisi nkuwushiwa higulya, egisi nkuwushiwa. ¹¹ Akudima mwitungo gwa uchafu na gulaute emaulule, na myuye yako ni moto ugo gule kutime eve. ¹² Vantu valatimwe na kuva kate enswakala, kate mivaaga mwipolu evyo gakuputwe na itimwa. ¹³ Enyu avo mli hatali mno tegeleki echo nakitumama, na ivyu avo mli bihi zumiukulu wane.'' ¹⁴ Vatezwa ezambi va Sayuni vakogoha enyamtilimya lyavasangaga vakavile na Seva. Unde yule mgate yisu akowolile kwikala mgate na moto mndaki? Unde yule mgate yisu akowolile kwikala mgate ya moto gwa emilele? ¹⁵ Enyu vale mkuyumba mgate mgate na ehaki na iyomba kunaminifu, umsava yule akumbweda emapalo ga wikandamizya, umsava uyu akukana isola erushwa, yule akwigwa mgate na ipanga esola zya usambe, na yule akakulola uvi- ¹⁶ Akutula ekaya yakwe higulya; esehemu yakwe ya ulindi yilave ngomwa ya mngamba, endila na manzi gakwe gakashe imelo. ¹⁷ Emiso gawo galamuona mtemi mngate usoga wakwe; valilole wnsi hanya. ¹⁸ Umyego gwako gulizukile wova, alilwe umtono, alihe yule yule wapima hela? Na alihe umsava yule akutisha emira? ¹⁹ Ukashe umuone umntu yule akapinga, vantu vale va elugha ya eajabu kwiyo ukakowole lyelewa. ²⁰ Yilole Sayuni, kaya ya esikukuu yisu; miso gawo gakuona Yerusalemu kate wikalo wa utungi mwihema kwilo likashe lifumiwe, vingi vyakwe vikashe vifumiwe ninga ngoye zyakwe zikashe ziputike. ²¹ Ebadala yakwe Yahwe mgate na ukulu wakwe akuva hakimo na isu, mgate na eneo lya manzi mingi na umfereji mingi kuduhu eviseme na umpira avo vakuvita haho na kuduhu emashuwa yile yikuvita kuko. ²² Nguno Yahwe ni ehakimu wisu, yahwe ni umwawamiko wisu, Yahwe ni mtemi wisu; akakukomboa (kukupizwa) isu. ²³ Ngoye zako zyalegeyaga, zikakowola kudima emilango mgate na eeneo lakwe; zikakowola izunguka emeli; haho emateka vayusambala, ninga evalema valavasinwe hibala kate emateka. ²⁴ Na venyeji vakuyomba, ''Ndyile;'' Vantu vale vakwikala hale vasalamchewe ukenaguzi wavo.