¹ Lola, mtemi akutawala kuhaki, vakulu valatongelele kuhaki. ² Kila umwi alave kate wikalo ifuma mgate na muyaga naipelelo ifuma mgate na kivugwa, kate emifereji mgate na esehemu yanhya, kate mtaka mgate na mangamba mhanya mate na ensi yile yazova. ³ Hange emiso gavavo vakuona gakashe iwona galaone giti, na matwi gavale avo vakwigwa galigwe visoga. ⁴ Vale vatungi valiganike kuumakini kuumanyi wao, na vale vantama valasunsumule visoga na kuurahisi. ⁵ Umlee ashe itanwe hange mkulu, ninga mlambu akashe itanwe mkulu. ⁶ Nguno umlele akuyomba ulele, na myego gwakwe kukupanga emavi na ensembo ya ava vakavile kumsanizya Seva, na akuyomba emagambo emavi ehusu Yahwe. Na akuvavezya vava na enzala kuva ngele na vale kukigaule igayiwa manzi. ⁷ Enzila ya mlamba na uvi. Amanyile ibuni emipango mivi ya kuvakonga emasikini kulamba, na ninga kate emasikini akuyomba hana. ⁸ Ila vantu wa ikuzyo vakupanga emipango ya lyeshimiwa na kunguno ya ensembo ya vale vaikuzyo kulimelile. ⁹ Wuki higulya, enyu vakima avo mlivabuhu na tekeleki muzwi gwane, enyu vanki vale mkavile vaangalifu mpulike ene. ¹⁰ Nguno kwitungo ifupi mno lya emwaka ugimu winyu ulaveleke, inyu vakima avo mkaangalila, nguno emavuno ga emizabibu ga lakwama, emavuno gakashe gigele. ¹¹ Tetemi, enyu vakima avo mlivanyonge, tuki enyu avo mkavile vaangalifu sini emyenda zinyu emisoga msige wazi; ¹² Vali emyenda zya magunila mgate na mikimbili zinyu. `Nkanche vale valivalisolele emigunda misoga, kumizabibu gule gwauta mno. ¹³ Mgate na ulongo wa vantu vane kulamele emiva yambigiri, ninga higulya ya kaya ya utogwe na kaya yile ya shangwe. ¹⁴ Nguno lilalekwe, kaya yileyamsongamano ulave efaragha, kalugulu na emnara vilave emapambo edaima, utogwe wa punda, udemi wa visaviwa; ¹⁵ empaka myego gukugaye isu ifuma higulya na ibalangu gulave mgunda gule kukuuta, na mgunda gule kukuuta gulaswelwe kate ipolu. ¹⁶ Vale va ehaki valaishi hibalangu na mgate ya ehaki valikale mgate na mgunda gule gukuuta visumo. ¹⁷ Umlimo gwa msava wa ehaki yilave ni ya konnde, na ematokeo ga yule wa ehaki, ni utungi na lliamini edaima. ¹⁸ Vantu vane valaikale mgate ya wikalo wa konde, wa mgate ya kaya esalama na esehemu esoga hakusuhila. ¹⁹ Ila eve ninga kate ni emvula ya mawe na ipolu lwavipiwagwa, na kaya yatimwagwa, ²⁰ yule kule yulene lwande lwa hamelo mwa emfereji alabairkiwe, na yule ne yule akuzifila eng'ombe na epunda kwidima.