¹ Emite yilafulume mgate na emizi ya Yese, na ematambi agogakutokea na emizi zilaute evisumo. ² Na myego gwa Mugosha alashuki higulya yakwe, mwego gwa isima na kwiyelewa, na mwego gwa emaelezo na ukulu, na mwego gwa umanyi na vuva yi umwa Yahwe. ³ Utogwe wakwe ulave wuva wa Mugosha; akaohe ifumya ehukumu kunguno ya kile akukisha, ninga akufumya emamuzi kukile echo alikigwa. ⁴ Ebadala yakwe alahukumu mpina ku ehaki na akwita emamuzi kuusava na inyenyekia akwamulisha umgomo gwa welelo kumlanga na mlomo gwakwe, na myuye ya milomo yakwe, akuvaulaga vagenaguzi. ⁵ Ehaki yilave emkanda gwa mumkimbili gwakwe izunguka imatango gakwe. ⁶ Empugi alikale hakimo na ekelo na esuvi zilalale hansi hakimo na vana va mbuzi, ndama, vana va simba na endama hakimo na endama zinonile. Umwana undo alatongelele nawo. ⁷ Ng'ombe na edubu valadimwe hakimo. Na vana vavo valalale hakimo na. simba yilalye emasi kate ng'ombe. ⁸ Umwana alasapa higulya ya ishimo lyanzoka, na umwana yule wahekagwa alatule umkono gwakwe mgate ya pango ya enzoka. ⁹ Vakashe vagulalike ninga kuvipiwa mnate na lugulu msondo, kunguno welelo yilave yokalaga umanyi umwa Yahwe, kate manzi evyogakola mgate na ebahari. ¹⁰ Lwiswi lwinho emizi ya mwa Yese alimilile kate ebendela ya vantu. Etaifa lilamlonde umsave hibala, na emahali hawakwe hakusuhila. ¹¹ Lwiswi lwimulo Mugosha alaguusha umkono gwakwe hangi ilyokoa emabaki ga vantu vakwe ago gaselaga kuko Asiria, Misri, Pathrosi, Kushi, Shinari, Hamathi, na epwani ya ebahari. ¹² Akutula ebendela kunguno ya ensi na akukuminga Waisrali avovaleziwa na vantu vamwa Juuda avovasambala mgate na epembe ene zya welelo. ¹³ Akaugaluzwa iwuva lya mwa efraimu, na ukatili umwa Yuda alakomeshwe. Efraimu hange. ¹⁴ Ebadala yakwe valashuke hanse mgate na lugulu lwa Wafilisti lwande lwa kumweli, na hakimo valateke vantu valwande lwa kukiya valavamiwe na Edomu na Moabu, na vantu va Amoni valavadegeleki vawo. ¹⁵ Yahwe alaguvipye hana eghuba ya ebahari ya Misri. Ku mavimbi madaki gwako galiwima higulya ya umwana umwa Efurate na yilagawanyika mgate na umfereji mpungate, yiyo ukowolile ivita higulya kuvilatu. ¹⁶ Kulave na enzila ekulu kunguno ya emabaki ga vantu isuva ifuma Asiria, nguno kulina Waisraeli vawo vakwiza ifuma ensi ya Misri.