¹ Nkanche vavo avovakutimizya emiko ezya zikavile zya ehaki na utone uwoukavile na ehaki. ² Vakuwima emahitaji ga ehaki yawo, vakuvivila evantu vane avo vali vapina va ehaki zyawo, vasumba emateka vawo, na kuvita avo vafwilwa na vava vawo mmavenda gawo! ³ Ukwita kii lwiswi lwa ehukumu hale lwinse lwa uvipya anho lulafika ifuma kutali, ulapelele na ilomba umsada kumwanani? Na ulaleke usavi wako? ⁴ Kuduhu edo kilashale, na ulalote mgate mwa evafungwa ninga igwa emiongoni mwa vaulagi. Mgate na magambo gonse gale kisila chakwe kikali ipungua; ebadala yakwe umkono gwakwe wagugololaga ninga egisi. ⁵ Nkanche kuwawo evantu va Asiria lelale lya kisila chane, umlanga gwa kisira chane! ⁶ Namlagikizwaga higulya ya ensi ya mpanzila higulya ya vantu vale vasombile uwingi wa kisira. Nulagikizwa chilwa enyara, chilwa cha muwenda, na kuvatova vavo kate matope ga mumtalo. ⁷ Ila eve ichi kikavile echombiuvawila, ninga yikavile vyene akwiganika. Nguno mgate na mwego gwakwe ni kuvipya na kusinwa ensi. ⁸ Nguno akuyomba, ''Vahanya wonse vakavile vatemi? ⁹ Vihe? kalno yi kavile kate Karkemish? Je Hamathi yikavile kate Arpadi? Je Samaria yikavile kate Dameski? ¹⁰ Kate emikono yane yakindaga utemi wa ebada ya esanamu, mbiyili esanamu zyao zya echonga ni nsoga kukila esanamu zya Yerusalemu, ¹¹ na kate evyonita kule Samaria na esanamu zyakwe zikavile na emaana, vihe nkakowole ikwita vivyo ku Yerusalemu na esanamu zyakwe?'' ¹² Itungo embalo Mugosha anho wayimdizya imilimo mgate na lugulu lwa Sayuni na higulya ya Yerusalemu, nkugalapilizya emihayo ya mwego gule guli na emanzila ya mtemi wa Asiria na kwigamba umsava gwakwe. ¹³ Kunguno akuyomba, ''Kunguzu zyane na kumasala gane yiyo nayitaga, na lwelewa, na nasinwaga emipaka ya vantu. Navivilega eakiba yawo, ni kate yilonayilelaga hansi kumwenyeji wakwe. ¹⁴ Na umkono gwane gwafumyaga ensawo zya ensi, kate vile umntu evyo akukuminga emagi kate evyo nakuminga ewelelo yonse. Kuduhu yule akupeperusha emanana gakwe ninga kulugulu milimo yakwe ninga ilila.'' ¹⁵ Vihe empasa yisifu ensava higulya ya vantu vale vakuyitumila? Vihe likwisifia ensava ezaidi ya yule akutumila kuputila? Ninga mwalanga gule gukumuusha umsava yule akuvile mti. ¹⁶ Vivyo hangi Yahwe na emajeshi akulagikizwa vavila mgate mwa vasomi va emajeshi; na hansi ya ukulu na iteketea kate iteletea kumoto. ¹⁷ Umwanga gwa Israeli kukuva moto, na msondo kuwakwe kukava ni moto kule gukuteketezwa na ilya embigili lwiswi lumwi. ¹⁸ Yahwe akuuteketezwa ukulu wa iporu lyakwe na mgunda gwakwe lilo lya stawi, vyonse enafasi na muvili; vilave kate vile mlwile yule akutaga emaisha gakwe. ¹⁹ Emavala ga miti zya mwipolu yilave mido sana, kwiyo moto gukowolile kugasolozya. ²⁰ Lwiswi lili, emabaki ga Israeli, umgana gumwa Yakobo kugo gwapelaga, vakesha itegemee kukilya ila eve vakumtegemea Yahwe, Mkonde wa Israeli. ²¹ Emabaki gaku Yakobo valasuve kumwa Seva wa nguzu. ²² Kwivitila vantu vawo, Israeli ni kate msengasenga kate epwani lya ebahali, Emabaki gawo du higene galasuve. Uvipya wa isemuzyo, na upandike wa wingi wa uhaki. ²³ Nguno Mugosha wa emajeshi, akwegela ileta uvipya ulasole enafasi hanya mgate na ensi. ²⁴ Hevyo hange Mugosha Yahwe wa emajeshi akuyomba, ''Vantu vane avomuwikala Sayuni, nikogohaga vantu va Asiria. Akumwangamiza inyu kumlaga na akumuulaga na vatumami higulya yinyu, kate vivyo yigelisha ku Vamisri. ²⁵ Mkamogohaga, kwitungo ifupe ekisira chane kikumala higulya yinyu, na kisira chane kikuleta uvipya.'' ²⁶ Hevyo Yahwe wa emajeshi akuguma mlanga higlya yinyu kate vile wayikinda Midiani mbinhi na ninga ya Orebu. Na akuusha umlanga gwakwe higulya ya ebahari kate evyowile kule ku Misri. ²⁷ Lwiswi lulo mlingo gwakwe guleushiwa mgate na mavega gawo va ijoki mgate na ensingo zyawo, nayo emira yikwuvipiwa kunguno ya uginu. ²⁸ Vavi vizaga Aiathi na wavitilaga Migroni; mgate Michmashi wagatuzyaga emahitaji gakwe. ²⁹ Vavukaga higulya ya enzila na vasuhaga kuko Geba. Rama utetema na Gibea ya Sauli yapelaga. ³⁰ Lila ku muzwi, eve na mwaniki wa Galimu! Degeleka Laishashi! Mpina Anathothi! ³¹ Madmena ni emkimbizi na mwikazi wa Gebuni vikumingaga vakupela ikova umsaada. ³² Ensiku zile zya lelo akusimulia kuko Nobi na akutingisha ulugu lwa mwaniki wa Sayuni, ulugulu lwa Yerusalemu. ³³ Lola, Mugosha Yahwe wa emajeshi akupunguzwa ematambi ku nguzu zya kogohya; umti murihu yilaputwe hansi avo vakwivuna valagwishiwe. ³⁴ Aladumbule emasaka ga mpaporu kumpansa, Lebanoni na ukulu wakwe ulagwishiwe.