¹ Kumbuka, Yahweh, vaja valejifunya somu yeche. ² Mali sedu simeghaluswa ko vaghenu; numba sedu ko vaghenu. ³ Jimeva yatima, bila papa, na vakeku vedu nyi vajane. ⁴ Nyimuhimu jilihe hela ko mringo usa jikere nywa, na jilihe iliipata mbao sedu. ⁵ Ivo vanecha kodu vashikya numa yedu: jimde mwa na jinepata itotonapo. ⁶ Jakufuna ko Misri na ko Asiria kokitevi jipate kando kaskye. ⁷ Papa vedu vale uta sambi; navakeri sepo, jaku dika sambi savo. ⁸ Vedumwa valejiimukya, na kode ojitarama na moko vavopo. Jinepata mkate odu aja andu ⁹ jinealarisha iishi jedu kokitevi kya ipanga ja batenyi. ¹⁰ Njonyi sedu sava na modo chakundu viko kokitevi kya joto ja njaa. ¹¹ Vaka vakereachwa oru sayuni, na shidingobo ko muri o Yuda. ¹² Vana va vaitori vaaghwa na moko vavo, na ko de heshima Isainalorwa ko vasuri. ¹³ Ghoni vasoro vaketindikiwa Isuwa mbeu ko igho je sujya, na vaghomi vanagwa wanda shifurushi sha ng'ngu. ¹⁴ Vasuri valia mongo omari, na vasoro vatia musiki. ¹⁵ Iorokiwa ja ngoo imekoma na ichesa jedu koghaluki kifurigho. ¹⁶ Taji jaghuja mdonyi kodu, kokitevi jauta sambi. ¹⁷ Kokitevi ngoo sedu nyova ukerevava, na msoru odu nyukesija, ko shindo shi meso vedu vake ruma. ¹⁸ Amu ifumbu jilee ova, shite sha urikenyi shinechesya uye yake. ¹⁹ Kake igwe, Yahweh, nyune ongosa kierikyose, na nyupendamya ko kitiri kapo kya enzi shizazi nashizazi. ²⁰ Ngiki ukere jighadima kieri kyose, Ngiki ukerejiti ko furi sose? ²¹ Jiurighe kwapo, Yahweh, naise jipe uya. utauhya furi sose chakundu sekeri iho kala. ²² Shinginesho kee uve nyojilegha na nyaode nyasi kodu iida kinina.