¹ Dhahabu nyachafuka; nyikuda dhahabu njicha ya ghaluka! magho macha vatarahrika kila mrorovoo mtaenyi. ² Vana vakalaa va sayuni vekeri na thamani yelemeja ya dhahabu njicha, kake Lwaha vaode thamani yedhidi majagi manina, kasi moko ya mfinyanzi! ³ Ata mndumi o urika nyana maruva vavo ko ivalori ja vana vavo, kake o vandu vakwa ngava nyati ngidye, chakundu mbuni ko ibatenyi. ⁴ Ulami o vana vanina usaaneonga nyukere ilikya momuwakke ko nyoda; vana vanotereva kando, kake kode ko kitevi kyavo. ⁵ Ivo valeichivya ija kando kya ghali munu va keredemya na njaa urikenyi; ivo valelelwa ko irara nguvo sa sambarau, Lwaha valee ipo marungunyiva takataka. ⁶ Kipungo kya mpu ovandu vakwa nyinduwe kuliko sodoma, na nyileghaluswa movinyi na kode usaleteswa koko imtaramapo. ⁷ Vaduwe vake vakeri vailye kuliko dheluji, vailye kuliko mavava; misese yavo nyekeri micha kuliko igho, usese wavo nyokeri cha yakuti samawi. ⁸ Ionwa javo nyumeva onjuu cha moma; vai chikye urikenyipo. njonyi savo sionye mafuenyi vavo; nyara iomye cha ng'uu. ⁹ Ivo valeaghwa ko ipanga vekeri naorokiwa munu kuliko ivo vaikosa kando, vaja valedeka, vakatochwa ko ikosa sheja mdemenyi. ¹⁰ Moko vavaka vasa vaode uruma nyava ora vana vavo; vava kando karo kieri mpu ovandu vakwa andu ekeri ana nyamarwa. ¹¹ Yahweh nyalelora ghadhabu yose; nyalipulwa nya shi yake ikanje. nyaleasa modo wake sayuni nyale teketesa misingi yake. ¹² Vaitori va uraka valenmi nipo, vemya va urikenyi kee vavichwa ana vashindani valedimaiingia mongonyi mo Yerusalem. ¹³ Ishi shilefumya kokitevi kya sambi sa vedumwa unyamari mo vaduwe vasa valepulwa ndakame sa uja aode haki mbele sake. ¹⁴ Valetanga, ko mndu alaneona, urikenyi, vekeri vakuvikya iiluha ko ndakame kudo kode usa aleidikijwa iada nguvo savo. ¹⁵ "Damya kwacha! ugwe nyuiluhye! "vandu vale vakaria iru. "damya kwacha damya kwacha! ulaade1 "kudo vakatanga; vandu valeamba miongoni mo vandu valai chi, "apedima damya iha sepo." ¹⁶ Yahweh amenyi kava taghanyisa; anavalambwa sepo. vanavaeshimu vaduepo, navanavalora ukundo ko vasuripo. ¹⁷ Meso vedu vale kwama, valelambwa mana ko msaada; koifuma minara yedu ye ringa jilela mbwa taifenyi jisajilapendima funa. ¹⁸ Valevadya ndufura sedu, jiledima dembuka urike nyi kodupo. mwisho odu nyokeni na furi sedu sileeta lwa, mwisho odu nyuleshika. ¹⁹ Valejikambira vekeri vaanguhye kuliko taio ye. Valejikambira ko ifumbu na ijiwinda nyikenyi. ²⁰ Hewa ko mbuwa sedu- moshiwa mafuda yahweh- nyicho aledwa ko irungu; Usa nyicho aleamba, wanda omkirinje kyake jipedamya anduamu na vadu valaichi." ²¹ Imbenyi na iorokiwa, mpu o edomu, igwe uchedamya nchi ya usi. Kake kwapo kikombe kipeiswa; vapenangwa na ifuna nguvo. ²² Mpu o sayuni, kipungo kyapo kipeshika mwisho, ape ongenja vepungwa vapo mpu o edomu, nyapemkava; Nyaperugwa sambi sapo sose.