¹ Abraham nacho nyaledua muka ungi, rina jake nyalelaghua Ketura. ² Nacho kamfeja Zimrani, Jokshani, Medani, Midiani, Ishbaki, na Shua. ³ Jokshani kamfee Sheba na Dedani. Wana wa Dedani vavekeri nyi Waashuru, Waletushi, na Waleumi. ⁴ Vana va Midiani vavekeri nyi Efa, Eferi, Hanoki, Abida, na Eldaa. Iva vose vavekeri vana va Ketura. ⁵ Abraham nyalemuninga Isaka shindo shose shija aveshiode. ⁶ Na kigheri kija edamije, alamepa nyalevaninga vana va masuria vake sawadi na ivadamada orika lo mashariki, kuacha na Isaka, mwanake. ⁷ Isi nyiso sivekeri sa mifuri ya miaka ye ndamia jake Abraham orikenyi, miaka 175. ⁸ Abraham kaomwa muomwa o mwisho nacho kapa ko usuri mucha, musuri nacho aleighuda mifuri, nacho kasangiriwa na vandu vake. ⁹ Isaka na Ishmaili, vana vake vakamurika mbakonyi ya Makipela, mdemenyi o Efron mwana o Soari Mhiti, mbako ikeri kufui Mamre. ¹⁰ Mdeme icho Abraham nyaleuura ko vana va Hethi. Abraham karikwa aja anduam na Sara mkaake. ¹¹ Baada ya kipu kya Abraham, Makilunga kamuninga mbora Isaka mwanake, na Isaka kadamia kufui na Beerlslshsiroi. ¹² Na luaha iva nyivo vavekeri vana va Ishimaeli, mwana o Abraham, usa Hajiri Mmisri mtumishi o Sara, alemfee ko Abraham. ¹³ Iva nyivo marina va vana va Ishimaeli, ivokia mshao o kuvoka: Nebayothi - mshao o kuvoka o Ishmaeli, Kedari, Adbeeli, Mibsamu, ¹⁴ Mishma, Duma, Masa, ¹⁵ Hadadi, Tema, Yeturi, Nafishi, na Kedema. ¹⁶ Iva nyivo vavekeri vana va Ishimaeli, na iva nyivo marina vavo, ko shiongo shavo, na ko shituonyi shavo; maseyidi ikumi na vavi vadiana na mbari savo. ¹⁷ Iiyo nyiyo ivekeri miaka ya Ishimaeli, miaka 137: kaomwa mwomwa wake o mwisho nacho kapa, kasang'iriwa anduam na vandu vake. ¹⁸ Vaja valedamia ifuma Havila mpaka Shuri, nayo nyikeri kufui na Misri, ielekea Ashuru. Valedamia ko ilushana kati yavo. ¹⁹ Iva nyivo vekeri matukio ko kitevi kya Isaka, mwana o Abraham: Abraham nyalemfee Isaka. ²⁰ Isaka nyaveode miaka makumi vaana kigheri akemudua Rebeka, mpuu o Bethueli Mshami wa Padani Aramu, munduavo na Labani Mshami. ²¹ Isaka kamtereva Yahwe ko ko kitevi kya mukaake nyavekeri mughumba, na Yahwe kamuidikija kiterevo kyake, Rebeka mukaake ka ng'ana. ²² Vana ivo vakeri ndoonyi yaake vakaanza loghia, nacho kadeda, "Ngiki kindo kii kinafumia kokwa inyii?" Kande mvesera Yahwe kindo ikyo. ²³ Yahwe kambia, "Maorika vavi vakeri ndoonyi kwapo, na maorika ivo ve vavi vapeleka na iposhi ndoonyi yaapo. Orika lumu lupeva na oruu kuliko lungi na uja msima nyapeva isinga ja munina. ²⁴ Kigheri kye kia kyeshikiya, lambwa, kuveode vana vavi mbasa ndoonyi yake. ²⁵ Okuvoka ifuma nyavetoroduu osese loose cha nguvo mbii sake. Vakamlagha rina jake nyicho Esau. ²⁶ Baada ya ihoo mwanavo kafuma kuokonyi kwake amuode munduavo Esau tutunu nacho kalaghua rina jake Yakobo. Isaka nyaveode miaka makumi sita kigheri jake Yakobo. Isaka nyaveode miaka makumi sita kigheri mukaake avafee vana vo. ²⁷ Vasoro vo vakaleha, Esau nyavekeri molasa nyama loi, mundu o musundunyi, kake Yakobo nyavekeri mundu o sau, kigheri kyose nyakeri kanyi mahemenyi. ²⁸ Nacho Isaka kamukunda Esau ko kitevi nyeekeja nyama sija sekenaendua na Esau, kake Rebeka nyemukundie Yakobo. ²⁹ Yakobo kakora musori. Esau kacha afuma musudunyi, nyavekeri aichue njaa. ³⁰ Esau akamwambia Yakobo, "Nilishe mchuzi mwekundu. Tafadhari, nimechoka!" Na hii ndiyo sababu jina lake aliitwa Edomu. ³¹ Yakobo kambia, "Kuvoka ngikumbia haki yapo yombonika o kuvoka." ³² Esau kambia, "Lambua, ngakeri kufui na ipaa. Nyi ngikiyo kokwa haki ya muonika o kuvoka?" ³³ Yakobo kambia, kuvoka uape kokwa inyi," Ko ikyo Esau kaapa kiapo na ko njia iii kava amekumba haki yaake ya usima o mbonika ko Yakobo. ³⁴ Yakobo kamuninga Esau boflo anduam na musori o mwela. Nacho kaja na kanyua, najo kakure na idambuka. Ko njia iii Esau kava ameimena haki yaake ya mbonika o kuvoka.