¹ Ino kuvoka Makilunga aleghumba ruveu na onka. ² Na orika luvekeri maana luveode kindopo. Moma nyuvekeri uye ya kiamu kya shilindi sha muringa. Ngoo ya Makilunga nyivekeri uye o kiamu kya muringa. ³ Makilunga kadeda, "na kuve na nuru," na kukava na nuru. ⁴ Makilunga kaona nuru loi njicha, na kukava na nuru. ⁵ Makilunga kailangha nuru " msanyenyi" na moma kaulagha "Kiyo." Ikava kiukwanyi na kitalanga, mfuri o kuvoka. ⁶ Makilunga akadeda, " na kuve na ruveu gholosi ya muringa, na jilesane muringa na muringa". ⁷ Makilunga kavika ruveu na kalesana muringa ukeri guanda ya ruveu na muringa ukeri uye ruveu ikava kudo. ⁸ Makilunga kalagha "ruveu" Ikava kiukwanyi na kitalang'a mfuri o kavi. ⁹ Makilunga kadeda, "mringa ukeri guanda ya ruveu ukusangirie anduam andu kumu, na guanda iomie iguonuo." Ikava hudo. ¹⁰ Makilunga kailagha guanda iomie "Orika," na muringa uja ukusangirie kaulagha "Olubali bali." kaona kee nyi kicha. ¹¹ Makilunga kadeda, orika lufune mara: shidi sheefuna mbeu na shidi sheifuna ndunda na ndunda siode mbeu ikeri iposhi ndundenyi, kila kindo ko namna yake. ¹² Orika lukafuna shidi, shidi shefuna mbeu ya kila namna, na shidi shefuna ndunda isa mbeu yake nyikiri iposhi ko aina yake. Makilunga kaona kee nyi kicha. ¹³ Ikava kiukwanyi na kitalang'a, mfuri o karadu. ¹⁴ Makilunga kadeda, "Kuve na mianga ipo angenyi ilesana msanyenyi na kiyo. Na sive cha ishara, ko kigheri, ko mfuri na miaka. ¹⁵ Ive mianga ipo anganyi ili ifuna mwanga uye uye ya orika." Ikava kudo. ¹⁶ Makeri kavikya mianga midue ivi, mwanga mdue munu uitorie msanyenyi, na mwanga munina uitorie kiyo. Kavikya ng'eng'eri. ¹⁷ Makilunga kasipanga angenyi sifune mwanga uye ya orika, ¹⁸ itorie msanyenyi na kiyo, na ilesana mwanga ifuma momenyi. Makilunga kaona kee nyi kicha. ¹⁹ Ikava kiukwanyi na kitalang'a, mfuri o kaana. ²⁰ Makilunga akadeda, "Muringa uichure shifoje shiumbe shirukiye, na ndeghe sitoole uye orikenyi na ruveu." ²¹ Makilunga kaghumba shiumbe shidue sha olubali balinyi, anduam na kila kiumbe kirukie kyokyose kija, shiumbe shipedambuka na shichurie kila andu muringenyi, na kila ndeghe iode makungo va kila aina. Makilunga kaona kee nyi kicha. ²² Makilunga kashininga mbora, kadeda, "shaenyi na muongenjike, na muichure muringenyi ipo olubalibalinyi. Ndege siongenjike uye ya orika." ²³ Ikava kiukwanyi na kitalang'a, mfuri o katanu. ²⁴ Makilunga kadeda, " orika na lufune shiumbe shirukie, kila kiumbe ko namna yaake, nyamandu ye punga na shindo shipeafua, na nyamandu sa orika, kila kindo ko namna yaake." ²⁵ Makilunga kaghumba nyamandu va orika ko namna yaake, nyamandu se pungua ko namna yake, na kila kipeafua uyea orika ko namna yake. Kaona kee nyi kicha. ²⁶ Makilunga kadeda, "na jimughumbe mundu ko mbuana yedu, na apefanana naise. Vave na usima uye ya makunga va olubalibalinyi na uye ya ndeghe sa angani, uye ya nyamandu se punga, uye ya orika luose na uye kila kindo kipeafua uye ya orika." ²⁷ Makilunga kamughumba mundu ko mbuana yake ko mbuana yake nyale mughumba. Mundumi na mundumuka nyalevaghumba. ²⁸ Makilunga kavaningambora na kavavia, "shaenyi na muonge njike. Ichuurisenyi orika, na muitorie. Muve na usima uye ya makunga va olubalibalinyi, uye a ndeghe va angani, na uye ya kila kiumbe kirukiye kipedambuka uye ya orika," ²⁹ Makilunga kadeda, "Lambwa, ngavaningenyi kila kidi kipeshaa mbeu nacho nyukeri orikenyi, na kila kidi kiode ndunda nakyo kiode mbeu ndaani. Shipeva nyi kando kwanu. ³⁰ Ko kila nyamandu orikenyi, ko kila ndeghe ya angani, na kila kipeafua uye ya orika, na kila kiumbe nakyo kiode muomwa o urukie nyi ngafuna kila kidi ko kitevi kya kando." Ikaba kudo. ³¹ Makilunga kaona kila kindo alekighumba, lambwa, kikava kicha sana. Ikava kiukwanyi na kitalang'a mfuri o sita.