¹ Sauli waleidikijana kipu kyake. Mkono icho nyiho akenawawinisa kiungi kya kanisa jiwekeri Yerusalemu; na waidikije wose vwasasarikye nganasa ya Yudea na Samaria, kila wode wandumi. ² Wandu vwadasi wamakilunga wakamlika Stefano na iwuta ndenga ndue. ³ Kake Sauli nyawituwitie kanisa. Nyaingije numba ko numba na iburumsawaka uja na vwomi, na iwakumba geresani. ⁴ waidikija waja vwesasarikie bado wenahubiri kidedo. ⁵ Filipo kasoka mri o Samaria na imtangasa Kristo ipo. ⁶ Iwokia iho mandiko wakaichwa na iona shindo aleshiuta Filipo; wakadera msingisirio ko kija alekiamba. ⁷ Ifuma iho wandu wafojie waleichwa, pepo wawichwa walewafuma wandu kunu wakenafurigha munu, na wafoje welue na shiwete wakachirwa. ⁸ Na kuwewode sia ndue mrinyi cho. ⁹ Kake kuwewode mndu umu mriu cho rina jake Simoni, ewekenauta usauvwi; ekenauta na wandu wakarijwa na orika la Samaria, na kigheri akeneamba icho nyi mundu mwinyari. ¹⁰ Wasamaria awose iwokia mnina na mdue wakamwadanya; wakaamba;''Mndu chu nyi pinya ya Makilunga amu nyi ndue.'' ¹¹ Wakamwandanya, ko ikya vwalerijwa ko kisengo kilehie ko usavwi wake. ¹² Kake kigheri waleidikija ke Filipo nyalehubiri umangi o Makilunga na ko rina ja Yesu Kristo, wakabatiswa, womi na waka. ¹³ Na Simoni icho amonyi nyaleidikija icho andu alebatiswa nyalewa andwamu na Filipo; iho iwona shindo shileutika, kaingasio. ¹⁴ Kigheri wadumi wa Yerusalem vweichwa ke Samaria wamewadija kidedo kya Makilunga, wakawaduma ko Petro na Yohana. ¹⁵ Kigheri wakenasoka wakawaterevwia; kimbi wamwadije Moo Mwele. ¹⁶ Iho andu Moo Mwele alamewasokya nama umu oawo; vwekeri na batisa ko rina ja Yesu. ¹⁷ Nyiho andu Petro na Yohana wakawawekia mawoko, nawo wakamwadija Moo Mwele. ¹⁸ Kigheri Simoni kaona Moo Mwele amefunwa idia iwekya mawoko na wadumi kashigha nawanengie pesa, ¹⁹ Kaamba, ''Nginengienyi pinya, ii kinesa icho ose ngapemvwekia mawoko nawadije Moo Mwele.'' ²⁰ Kake Petro kambia; pesa sapo andwamu na iwe idekyedekye kwacha, ko kitevi nyukineita o kundo lo Makilunga locha ko pesa. ²¹ Luwode andu ko kindo iki po, kitevi ngoo ya chi - iele kiamunyi kya Makilunga po. ²² Koikyo kusunjukwe unyamarin wapo na imterewa Makilunga kikoje apekusunyukwashisaro sha ngoo nyapo. ²³ Am ngaonie nyukeri uroinyi o mvwawiro na ndusu sa sambi.'' ²⁴ Simoni katalwa na iwawia, ''Mterevwenyi Mndumi kitevi kyakwa, amu shindo shose mleshideda shidima shiche ngifumia. ²⁵ Kigheri Petro na Yohana vwaleona na ihubiri kidedo Mundumi, vwaleuya ko njia yo; vwalehubiri injili shiongo shifojie sha Samaria. ²⁶ Achi iho malaika o Mndumi nyalededa na Filipo nacho kaamba, ''Lambwa na uende kivwari kya kusini jia ichienda wanda ya Yerusalemu kivwari kya Gaza.'' (Njia ii nyikeri makidi ya jangwa). ²⁷ Kalangara na kaenda. Lambua, kwewode na mudu o Ethiopia, mndue wanda ya kandase; malaika o Ethiopia. Aderijwa wuye kiningi kyake kyose; nacho nyalekojwa ameenda Yerusalemu ndedasa. ²⁸ Akerinawuya adamije igharinyi jake akenasoma chuo kya mwiroti Isaya. ²⁹ Moo Mwele kadeda na Filipo, ''Seria kufui na ighari iji uwadaje najo. ³⁰ ''Iho Filipo kaenda muwinyi, kamwadaja akenasoma chuo kya muwiroti Isaya; kaamba, ''Nanichi kindo akenasoma?'' ³¹ Muethiopia kaamba, ''Ngapedima kuda mundu alamengisongoja?'' Kamterevwa Filipo nadoje igharinyi nadamie andwamu nacho. ³² Lwaha mregho akenasoma Muethiopia nyi iji; Nyasongorwa cha imondo jikenadamadwa mashinyonyi jiudeshinjwa na mbele imondo jilewowa sau, jipungwa momu wake po: ³³ Ko iraghadishwa jake hukumu yake ikafunwa: Ngacho apewia ifee jake? Maisha vwake walefunwa orikenyi.'' ³⁴ Kudo towashi kamwesera Filipo, kaamba, ''Ngakuterevwa, nyi mwiroti unga akenadedwa shindo shake, kitevwi kyake, au sha mndu ungi?'' ³⁵ Filipo alewoka deda, alewoka ko mregho ichu o Isaya ihubiria shindo sha Yesu. ³⁶ Wakeri njia, wakashika andu kuwode mringa; towashi kaamba, ''Lambwa, kuwode mringa iha ngikyo kyalema ngalabatiswe?, ³⁷ shidedoishyo, ''Muethiopia katalwa ''ngaleidikija ke Yesu Kristo nyi Mwana o Makilunga, ''Shikeri mregho ya kala). Muthiopia katanawa ighari jimkane. ³⁸ Wakaenda mringenyi, andwamu na Filipo na towashi, Filipo kambatisa. ³⁹ Kigheri wafuma mringenyi Moo o Mndumi ukamdamada Filipo kwacha; towashi alemwonapo, kaenda njia yake ekawa ngulili. ⁴⁰ Philipo kafuma Azoto. Nyaleidia nganasa ya na ihubiri injili miri yose mpaka kashika Kaisaria.