¹ Andu Petro na Yohana vekeri vakededa na vandu, navadewe na vedumwa vakanisenyi na masadukayo valevavadya. ² Vekeri valeilusha mnu ko kitevi Petro na Yohana vekeri vanavalosha vandu ko kitevi Yesu nyenevavia ye ya yeruka ifma ko varimu. ³ Vakamwada na vakamdera kipungonyi mpaka kitalang'a kija kilevadya, ko kitevi ko meva kyu kwanyi. ⁴ Mekoje vandu vafoje vekeri valeichwa kidedo valekiadija; vafoje vanelumi veleetalwa vekeri magha vatanu. ⁵ Naanelu ko mekya furilevadya, vaduwe vavasuri nawajavereghya, ko anduamu vakakusang'irya Yerusalem. ⁶ Anansi vetoro mdwe andu evekeri, na Kayafa, na Yohana, na Eskanda, na vose vekeri vandwavo va vetoro mnduwe. ⁷ Andu vekeri vavadera Petro na Yohana makidi yavo, valevaesera, ''Kokitevi kinga, ana koirina jinga mmeuta iki?'' ⁸ Ke, Petro, amu nyaichurishwa Ngoo Mwele, kavavia, ''Inywe vaduwe vavandu, va suri, ⁹ chakundu ise furi yainu jinaveserwa kokitevi ya kindo kicha jijajileutya ko mndu icho nyaluwe - ko kitevi kiki mndu chuu aleutwa ucha? ¹⁰ Ana imanyike ijo kwanu na kovandu vose ipo Israeli, ke koirina ja Yesu Kristo o Nazareti, usa mlemnenekera, usa Makilunga alemrsa ko varimu, ko mwido wake na nduchu apeimukana iha o shangonyi lwanu akeri na moo. ¹¹ Yesu Kristo nyigho jisa undwe moshumbya mlejimwva, kake najo jileutwa jiwe igho jing'anye ja mbarinyi. ¹² Kuode ikirwa ko mundu ungi wowose. Amu kuode rina jinga wanda ya ruveu vale ningwa vandu, najo koijo jipedima ikirwa.'' ¹³ Lwa vameona omiri o Petro na Yohana, naimanya kee vavekeri vandu kukudokudo valao urango, valerijwa, vakamanya kee Petro na Yohana vavekeri andu amu na Yesu. ¹⁴ kokitevi vale mwana munduuja echirwa aimukye andu amu navo, veode kindo kye deda leikipo. ¹⁵ Kake andu vavekeri ivavia vedumwa vakre oshangunyi lo mbumbu ya barasa, vale ngurana ivokoivo. ¹⁶ Valeamba, jipe vavikakuda vandva? Naloi kee lai sile tika iidia kwavo unamanyika ko kila mnd adwe Yerusalemu; jipedima jileghaijopo. ¹⁷ Kake, kee kindo kyo kila ing'arie ko vand, kejivamye valadedekavi ko mndu wowose ko riji. ¹⁸ Valevadikira Petro na Yohana vakavavia too valadede nama vala loshie ko rina ja Yesu. ¹⁹ Kake Petro na Yohana vakavatolwa vaka vavia, ''Koje nyikicha mesonyi va Makilunga i vaadanya inywe iisa Makilunga, utenyi mvenyi.'' ²⁰ Amu ise jipedima itia ideda shindo jimeshiona na iishiichwa.'' ²¹ Aandu vamevakemya Petro na Yohana, valevatija vadambuka. Vadima iida kyokyose kyevabulapo, kokitevi vandu vose vekemtereshe Makilunga kokija kye meutika. ²² Mdu avekeri ameadija hai koichirwa eodwa ko miaka makuvana. ²³ Aandu vanevetija vavenyi, Petro na Yohana valecha ko vandu vavo na ivavia shose shisa vaitori na vasuri vake vale vavia. ²⁴ Vameichwa valerava andamu ko Makilunga naimba, ''Mndmi, igwe nyule umba ruveu na orika mringa ukusalalie na kila kindo kwashi, ²⁵ igwe usa, ko Ngoo Mwele, ko dumbja papa odu Daudi, mtumwa wapo, uleamba, ''Ngiki vandu valaichi valeuta unagwa, na vandu valekusara shilapeva? ²⁶ Vaitori vaorika valekupuna anduamu, vadue vakusang'irye anduamu kokitevi kya Mndumi na masihi wake.'' ²⁷ Kiichwa, vose Herode na Pontio, Pilato, anduamu na vandu valeichi na vandu va Israeli, valekusang'iria andamu ko mrichu kokitevi kya mtumwa wapo Mwele Yesu, usa ale mshija mafuda. ²⁸ Valekusang'iria andamu vakauta shose shisa koko kwapo na ukokondo wapo shiikimbiwa fma ipo kvoka shilamefumia. ²⁹ Lwaha, Mndumi, valambwe ikangiswa java, na nde vasaria vatumwa vapo ideda kidedo kyapo kyapo omiri wapo. ³⁰ Ili kee una chira koko kwapo ichira, shipefumia sha lao shidime ifumia iidia rinajapo ja mtumwa wapo Mwele Yesu.'' ³¹ Vememanja itereva, and veksang'irie andu amu jikasinjika, na vose vakaingiwa Ngoo Mwele, vakadede kidedo kidedo kya Makilunga koo miri. ³² Ifoje jidwe ja vaja valemanya valekaa, moomu ko ngoo imu: na kveode namamu wavo alemba kee kyokyose ekiede kivekeri kyake amonyipo; shivekeri shavo vose. ³³ Ko pinya nde vendmwa vavikeri vekulo vajavo ja iruka ja Mndumi Yesu, na mbora ndue nyivekeri uye yavo vose. ³⁴ Kuveode mndu wowose o anduamu avo enenechiwa nakindopo, kokitevi vandu vose veode kireghwa kya shivanja ana nmba, valeshikmba naiende pesa sa shija vemekumba. ³⁵ naishidera madendenyi va vaja vedmwa. Na ivavua jileutika ko uja aichi, kochakundu veuri. ³⁶ Yusufu, Mlawi, mndu ifuma Kipro, nyaleningwa rina ja Barnaba na vaja vedumwa (ikyo kitambalwa, nyi mwana o sia). ³⁷ Aode mdeme, nyalejikumba na iende pesa, kasidera wanda ya madende va vedumwa.