¹ Luaha Petro na Yohana vavekanaenda hekalunyi kigheri kya kiterevo, magheri va saa tisa. ² Kuveode mndu um, kiweye tangu mbonika, nyekenakudikwa mfiri ose na nyekenararwa mongo o hekalu uchedikirwa mzuri, ili natereve sadaka ko vandu vakenadambuka hekelunyi. ³ Evaona Petro na Yohana vakeri kufui na ingia hekalunyi, nyale vatereva sadaka. ⁴ Petro kamkasia meso akeri na Yohana, kadeda, ''Jilambwe ise.'' ⁵ Kiwete uja kalambwa, akalambuja kee apepata kyo kyose ifuma kwavo. ⁶ Kake Petro kadeda, ''Inyi ngaode pesa nama dhahabu po, kake kija ngakiode nyikyo ngapekiende kwapo. Ko rina ja mndumi Yesu Kristo o Nazareth, dambuka.'' ⁷ Petro nyalemwiria ko kuoko kwake ko kujo, na imteshua uye: madende vake na shifundo sha mafua vake shikapata oru. ⁸ Katola uye, mndu uja kiwete nyaleimukana na idambuka; kaingia hekalunyi akeri na Petro na Yohana, akedambuka, aketola na imtereshe Makilunga. ⁹ Vandu vose valemwona akedambuka na umtereshe Makilunga. ¹⁰ Vakamanya kee nyuja akenadamia aja, mndu uja akenatereva sadaka aja mongo o hekalu; valerijwa na ishangaa ko kilevi kyo kilefumiya kwake. ¹¹ Ko chakundu ave mwode Petro na Yohana, vandu vose valekambija o kumbinyi lupelaghwa lo Selemani, valerijwa mnu. ¹² Petro eonakudi le, kavavia vand, ''Inywe vandu va Israeli, ngili mnarijwa? Ngiki mkenajilambwa ise, kwa kee nyise jauta ko oru lodu jivenyi ananyi idaso jedu?'' ¹³ Makilunga o Ibrahimu, na o Isaka, na o Yakobo, ncho Makilunga o va Papa vedu, nyalemsambura mndumwa wake mndumi cho Yes. Ichu ncho inywe mlemnengwa naimlengha o shangunyi lo Pilato, icho ememlekeja. ¹⁴ Mlemlengha Mwele na aode loi, na ngataake mkakunda uja echiaangha nalekejwa. ¹⁵ Inywe mlemwagha Mangi o ucha, naccho Makilhounga nyalemrusa ifuma ko varimu - na ise mashahidi va ikii. ¹⁶ Luaha, ko imani ko rina jake mdu ch mnamwona naimmanya, nyaleutwa iva na oru. Imani yo ileidwa ko Yesu nyilemnenga icho osese luushikye, oshangunyi lwanu moose. ¹⁷ Luaha, vedu, ngaichi mledambukakya utondonyi nakudo valeuta vasongoru vanu. ¹⁸ Kake kindo kisa Makilunga alevavia ovinyi ko miamu ya manabi vose kura kee Kristo apeja uasi luaha amarija. ¹⁹ Ko ikyo dumbujenyi na mghaluka, ili sambi sanu sisemberwa chee, kinesa kuche kigheri - kye o rokirwa na ikojana na oruu lo Mndumi; ²⁰ Ili luaha nadime imdume Kristo amu ame samburwa ko ajili yedu, Yesu. ²¹ Icho nyicho apeingia ruveu imwadije mpaka kigheri kye urighwa ko shindo shose, sha Makilunga aleshidedia ipo lfuri ko mom o manabii vaile. ²² Kake Musa nyalededa, 'Nyapeteshwa nabii cha cho ifuma ko vanduanu. Mpemwadanya ko kila kindo kisa ape mbienyi inywe. ²³ Ipefumia kee mndu uja icho alapemwadanya nabii icho nyapeaghwa nafume sholosi ya vandu.' ²⁴ Nyiho na manabii vose ifuma Samweli na vaja valevadia numa yake, valededa na valetangasa ko nifurii iyoo. ²⁵ Inywe nyi vana va manabii va olukndo lo Makilunga aleluta akeri na maakui, vedu ko Ibrahimu, 'Ikeri mbenyi apo vandu vose va orika vapenengwa mbora.' ²⁶ Nyiho andu Makilunga demteshwa mdmwa wake, kamduma kwanu kuvoka, ili navaninge mbora inywe mughaluke ifma unyamarinyi wanu.''