1 Lwaha ko ikanisa ja Antiokia, kuvode vanina va vaitori na vareghi. Vekeri Barnaba, Simoni (echedikirwa nigeri). Lukio o Kirene, Manaeni (mndwavo alakeri o ndakame ya Herode kirongosi o mri), nacho Sauli. 2 Vakeri vakenemtereva Mndumi na ipunga, Ngoo Mwele nyalededa, ''Ngiderenyi mbarinyi Barnaba na Sauli, vaute uya ngelevadikirya.'' 3 Kigheri kya kanisa ipunga, na etereva, na evikya moko uye ya vandu iva, vakavatia vadambke. 4 Koi kyo Barnaba na Sauli velemwadanya Ngoo Mwele valesoka edambuka seleukia; ifuma ipo valeida olubalubanyi eshikya njoro ya Kipro. 5 Vakeri mri o salami, valededa kidedo kya Makilunga ko Masinagogi va Wayahudi. Vose vekeri onduamu na Yohana Marko cha mtarama wavo. 6 Vedambuka katika njoro yose mpaka Pafo, valekoja na mndu umu msavi, Myahudi mwitori o vongo, ke nyechedikirwa Bar Mndumi. 7 Msavi ichu nyeletaramana Liwali Sergio Paulus, ekeri mndu aode urongo, mndu chunyalevadikira Barnaba na Sauli, kokitevi nyevouri naichwa kidedo kya Makilunga. 8 Kake Elimu ''Uja msavi'' (nyikudo rina jake jiletambalwa) nyalevakava; nyalereghesha emghalusa uja Liwali na fume katika imani. 9 Kake Sauli nyaledikirwa Paulo, nyekeri ameichuriswa na Ngoo Mwele, kamngatuja meso. 10 Kadeda ''Igwe mwana o mokituva, umeichuriswa na kila kindo kyose kyelembwa, na ekufuka igwe nyi mbichwa o kila kindo kya loi. Upekoma eghalusa njia sa Mndumi, sighorokanwe ke nopedima? 11 Lwaha lambwa, koko ko Mndumi ukeri uye yapo, upebarika meso. Upeona ruvapo ko kigheri ''mara jimu irindi na moma shikagwa uye ya Elimas; kaivoka etngeta aja etereva vandu vamlorije ko mwada koko. 12 Kigheri kyo Liwali eona kileffumya, nyaleidika ija kokitevi nyalerijwa ko shilosho sha Mndumi. 13 Lwaha Paulo na vamong'o vake valeida mringenyi ifuma Pafo vakashika Perge Pamfili. Kake Yohana kavatia kauya Yerusalemu. 14 Paulo na vamong'o sake valedambuka ifuma Perge vakashika Antiokia ya Pisidia. Ipo veledambuka katika Sinagogi mfuri sabato na edamya wanda. 15 Baada esoma sheria vaitori, vadue va Sinagogi nyalevadumya kidedo vakamba, ''Vandu, koje mwode shidedo shemninga ngoo mndu iha mwambe'' 16 Koi kyo Paulo kadeda nevakingwa moko; kaamba, ''Vomi va Israeli na inywe mnamwadanya Makilunga, adanyenyi. 17 Makilunga o iva vandu va Israeli alevasambura papa vedu kavauta vandu vafoje valemdamya katika orika lo Misri, na koko kwake kukateshwa kavalorija nja yake. 18 Ko miaka arubaini nyalevarimiji katika jangwa. 19 Baada evanyamara orika saba katika orika lo Kaanani, kavaninga vandu vedu orika lwavo ko urisi. 20 Shindo shi shose shilefumya saidi miaka mia inya na amsini. Baada ya shindosho shose, Makilunga nyalevaningwa opevaruvija mrasa Samweli Mwitoro. 21 Kigheri kyo, vandu valetereva mangi, nacho Makilunga kavanengwa Sauli mwana o Kishi, mndu o mbari ya Benjamini, nave mangi ko miaka arubaini. 22 Kweikyo le Makilunga kamsembela katika umangi, kamdosirya Daudi kee Makilunga alededa ngamemwona Daudi mwana o Yese ke mndu aorokya na ngoo yakwa; icho apeuta kila kindo ngakifudye.' 23 Ifuma ko mari ya mndu ichu Makilunga nyayendya Israeli mkira, Mndumi, chukundu alevavia apeuta. 24 Iki keleivoka ifuma, toleke iya mndumi echa Yohanakuvoka nyaleamba ubatizo otbu ko vandu vose va Israeli. 25 Nacho Yohana akeri anemara uya wake, kadeda, 'Mnakusara inyi nyiu? Inyi chi ujapo. Kake adanyenyi, icho anecha numa yakwa, ngainyaryepo elegesa shandu sha madende vake.' 26 Vandodu vana va mbari ya Abrahamu, na vaja kati yedu mamtereva Makilunga, nyi kokitevi kyedu kee kidedo ki ko mkira nyaledumwa. 27 ko vaja vakedamya Yerusalemu, na vamangi vavo, valemmanyapo ko uloi nama valeumanyapo kidedo kya vaitori ambae isomwa, kila Sabato; koikyo valisisa kidedo ko vaitori valemhukumu kipu Yesu. 28 Kake valeona kindo kichapo ko kipu kyake, vakamtereva Pilato na mwaghe. 29 Vemarija shindo shose shilereghya ko kitevi kyake, vakamsosa ifuma kidinyi vakamlara irungunyi. 30 Kake Makilunga nyalemrusa ifuma ko varimu. 31 Nyaleonwa ko furi ifoje ko vaja valedambuka onduamu nacho ifuma Galilaya edambu Yerusalemu. Vandu iva lwaha nyi mashahidi v avandu. 32 Kweikyo jinavaendye kidedo kicha kinagusa ahadi valenengwa akui vedu. 33 Makilunga nyaledera nadhiri hisi kodu, yana vavo, kokitevi ikyo nyalemrusa Yesu nemburigha kavi arukye. Hiji kavi jilereghya katika Zaburi ya kavi: 'Igwe nyi Mwanakwa, inu ngameva ndiyo wapo' 34 Kake uloi ke nyelemrusa ipuma ko varimu kimacha osese lo wake lulanyamarike, nyalededa kudo: 'Ngapekunenga umwele na mbora sa loi sa Daudi' 35 Iki nyikyokitevi kadeda kavi katika Zaburi ingi, ''Upeidikija mwele wapo eona abuhye po.' 36 Kwaikyo kigheri kya Daudi hidumika ukundo o Makilunga katika ushao wake, nyalelaa, nyalelarwa onduamu na papa yake, nyaleuona unyamari, 37 Kake nyaleruswa na Makilunga haleona unyamari po. 38 Koikyo imanyike kwanu, mndu wanu, eidya mndu ch, msamaha o sambi umededya. 39 Ko icho apegiadanya apeitalya loi na shindo shose koikyo sheria ya Musa ipewa ninga loi po. 40 Kwai kyo mvenyi vaangalifu ko kindo valekideda vaitori kilafumye kwanu: 41 ''Lambwa, inywe mnamena, na mnderijiwa na muisije; ko kitevi ngakenerunda uya katika furi sanu, uya ambao mpedima eaminipo ata kama mndu apevaongoja.'' 42 Kigheri Paulo na Barnaba vekure, vandu vakavatereva vadede shidedo ishi furi ya Sabato inacha. 43 KIgheri isanga o sinagogi oisija Wayahudi vafoje vaongofu sabiti valevavadya Paulo na Barnaba, vakadeda navo akavavia vadambuke katika mbora ya Makilunga. 44 Sabato ileradya, kufui na mri wose ukakusang'irya eichwa kidedo kya Makilunga. 45 Wayahudi veona isanga, vakaichura na kriso na ededa shidedo velelegha shindo shilededwa na Paulo valemdenga. 46 Kake Paulo na Barnaba valededa ko ngitimita vakaamba, ''Kyekeri nyi lasima kidedo kya Makilunga kidedya kuvoka kwanu. Kokitevi mnajitindikya kwacha ifuma kwanu nekuona mwinyarya moo o ndarasi, lambwenyi jipevaghalukya orika. 47 Chakundu Mndumi elejiongoja kamba, ''Ngavadera inywe cha kilangaro ko vandu va orika, koikyo mwende ukiro ko pande sose sa orika.'' 48 Orika loichwa kudo, vakaorokya ejisifu kidedo kya Mndumi. Vafoje valesamburwa ko uzima o ndarasi valemwiichwa. 49 Kidedo kya Mndumi kileinga nwe orika lwose. 50 Kake Wayahudi valevateleva valefuma na vake muhimu tena vadue va muri iva valeongerija evinika kati ya Paulo na Barnaba valevakumbanja ya mrasa o muri. 51 Kake Paulo na Barnaba valenanasa orikongo la madende vavo. Koikyo vakadambuka mri o Ikonia. 52 Valoshwa vaakadya na sia onduamu na Ngoo Mwele.