¹ Bathi, Ngathu ya Mkate urabeketherwe ileke haghwihi, ichiilaghwa Pasaka. ² Makuhani varwe na vaandishi vaka vikiana mrwe fundu vamwagha Yesu kwaku valevaovohie vandu. ³ Shetani akaingia voshi ya Yuda Iskariote, umwi wa vaya vathoro ikumi na vavi. ⁴ Yuda akaghenda akagaya na varwe va makuhani na varwe fundu airima ifunya Yesu kwavo . ⁵ Vakanuliwa , na vakaikana imnika petha. ⁶ We akairikia , na akashigha vundu amfunya Yesu kwavo kua na ifio ya vandu. ⁷ Mfiri wa mikate irabekerethwe ikafika, mifiritho nimthari igonji ya Pasaka lifunywe. ⁸ Yesu akavaruma Petro , na Yohana akarera, "Gendenyi mughefuchembea kijo kya Pasaka kimetha fuche fukiye?" ⁹ Vakamvetha, "Kwi nkwashigha fuche mbie kijo kyo?" ¹⁰ Akavaghaluta , "Ivanienyi, mukamiva mundeingia mrinyi , mndu wa kyumi akurukie nyungu ya mringa athangana na imwe . Muivarienyi hena nyumba ngeyo aingia . ¹¹ Niho mienyi mweni nyumba , "Mloshi akyakuvia , Kiekwi kyumba kya vaghenyi," handu ngheho na lighia Pasaka na vathoro vakwa?" ¹² Amurora kyumba kya gorofenyi kikeng'u tayari chembienyi ho" ¹³ Henawio vaghenda vakalolea kila kindo thafundu avevavirie. iho vakachemba kijo kya Pasaka. ¹⁴ Ikenda likinafike akaihaa na varumwi vaya . ¹⁵ Niho akavavia ,"Nighire hamu ndue yeya ngathu ii ya Pasaka na imwee kabla thiranainyia hena ilithwa vwathi yakwa. ¹⁶ Henakwio nnamivia ku , chikachenyi he mpaka ikamichekoloshwa ipfo hena vamangi vwa Ruva. ¹⁷ Niho Yesu akaondoa kikombe , na akamimalie ilomba , akarera, "Onduenyi iki na mughawiane rimwe mweka kwa mweka. ¹⁸ Kwaku nnamuvita, thikachenywechenyi ndunda ta mithabibu, mpaka vumangi vwa Ruva vakanichecha." ¹⁹ Niho akaondoa mkate, na akinamalie itereva , akaukandua na akavanika akarera, " Iu ni mwiri wakwa ngetho uwafunywa vundu vwenyu.Hirenyi kwii kwainji kumbuka inyi" . ²⁰ Akaondoa kikombe kwio kwio vahinamalie kijo kya kio, akarera "KIkombe ki ni ndaghano njisha hena nthakami yakwa ngeyo ikutikie vandu vwenyu. ²¹ Mira lolenyi. Wia mghekela mma ake hamwi nainyi iha methenyi. ²² Kwaku Mwana wa Adamu kya keni aghenda kyakwe fundu kitemiwe. Mira vwathi vwakwe mndetho ngewe iiria we Mwana wa Adamu akelelwa mma!" ²³ Vakadunga ivetha voka kwa voka niitho maghari yeru ngewe aghehira kindo kii. ²⁴ Niho hakafumiwa ikanania maghari yavo ku niitho akyatafijwa iva mrwe ikela voshe . ²⁵ Akavavia , "Vamangi va vandu va mathanga vaghire ikukwera vosha , na vaya vaghire mamlaka kaghu yavo vachiilaghwe vaheshimiwa . ²⁶ Mira kyathiakyo pere iva kwii wenyu imwe. Handu kwakwe, leka wia ngewe mrwe maghari yenu mdu . Na wia ngewe akyashighwa mnu nave tha mhirindima . ²⁷ Kwaku nitho mrwe , wia akemethenyi kana wia mhirindima? Kana thivia aikee methenyi we? Nainyi bado nike maghari yenyu tha mhirindima. ²⁸ Mira imwe ndeva hamwi na inyi hena mavwathi ghakwa. ²⁹ Nnamunika vumangi , thafundu Papa anjinikie inyi vumangi, ³⁰ Ku muirime iya na inywa methanyi kwakwa hena vumangi vwakwa Na mwaikaa hena fipfumbi vya vumangi mukitinyanyiria mbare ikumi na ivi ta Israeli. ³¹ Simioni , Simioni, umanye ku, Shetani aterevie ku airime imuleka tha ngano. ³² Mira nindekutereva , ku muirikilie yapfwo inakelwa. Iho ukinavwie he, uvadindishe venyu. " ³³ Petro akambia , "Mndumi , nindenikurinya nyanya ihenda naiwe ighepfungwa na hata kole ni ipfwa". ³⁴ Yesu akamghaluta, "Nnakuvia , Petro ,Nguvuvi ihauvukeyo ithanya , kabla kura nanjilegha kando kararu ku kunjiichipfwo." ³⁵ Niho Yesu akavavia, "Nikinamutike imwe muraure mfuko, mkunja wa vijo hana fyar, le mlevara iki? Waaghaluta Hai" ³⁶ Niho akavavia , "Mira luvaha, Kila aure mfuko na auondoe hamwi na mkunja wa fijo. Wia araghire ngana nkayamtara akumbe ishamia yakwe aghue imwi. ³⁷ Kwaku nnamuvia, Fyoshe fia viandikiwe vandu vwakwa nimthari fuikalie "Kangi vamondorie tha mndu mghekonda torati "Kwaku kia kiletafijiwe vandu vwakwe nkyaikalia. ³⁸ Kangi vakarera ,"Mndumi lolea! HJaghogha mapua avi " Mira akavavia kifikie". ³⁹ Valunaye kijo kuya kio, Yesu akavuka , thafundu alechihira kila mfiri akaghenda ifumbu ya miri ya mafura. ⁴⁰ Vakimafike , akavavia, "Terevenyi ku munaingia migheshonyi" ⁴¹ Akaghenda kua navo kakenda tha handu hekumba ighwe, akapfuria ndi akatereva , ⁴² akarera, "Papa, kole nkwashigha , unjivutire kikombe ki .Mira thithafundun inyi nnashigha nyi, mira kukalie fundu iwe kufurie." ⁴³ Niho malaika ifuma kaghu akamfumia, akamrika nguju, ⁴⁴ Iho ake hena ivaviwa, akatereva kwa nguju mnu , na ndughuvi yakwe ikava tha madonyi marwe gha nthakami nghadonya mbai. ⁴⁵ Akivaralie itereva , akavaivaria vathoro vakwe , mira akavakolea valee kwaku vandeingiwa ni vwathi, ⁴⁶ akavavetha ,"Haniiki mulee? Vukienyi mutereve , kimetha munaingia migheshonyi". ⁴⁷ Ikendaya akyagaya navo lolea, ifio irwe ya vandu likafumia , na yuda , umwi varumwi ikumi na vavi niwe avathongolie. Akacha haghwihi na Yesu akambusu, ⁴⁸ mira Yesu akambia, "Yuda yeto mkwa rikwa kela mma mwana wa Adamu kwa ibusu. ⁴⁹ Igheriyo vaya vaveke haghwihi na Yesu vakinavone ikyo kindefumia , wakarera "Mndumi, kana fuvakave na mapua?" ⁵⁰ Niho umwi wavo akamkava mhirindima wa kuhani mrwe , akamtema kurwi kwakwe kwa kumndumi. ⁵¹ Yesu akarera iki kifikie ,Niho akabalia kurwi kwakwe , akamnura. ⁵² Yesu akarera kwa kuhani mrwe , na kwa varwe va mtatho na kwa vaghothi vaya vachie ighemvara , yeto , mmwacha tha ku mmwaghekavana na mrango , na mavungu, na mapua? ⁵³ Igheri tia handu hamwi na imwe mifiri yoshe mtathonyi, muvikie mavoko nghenyu kaghu yakwa mwe .Mira ili ni ikenda yapfo na nguju ya mma," ⁵⁴ Vamvwaara, vakamtika, vakammende kenyi kwa kuhani mrwe. Mira Petro akava akyammwivaria kwa kua . ⁵⁵ Vakinave vandekira moro hena uwanda wa voshi na vakinave vande ikaa kirombo handu hamwi, Petro akaikaa mghari yavo. ⁵⁶ Mhirindima umwi wa kika akamvona Petro handu aveikee haghire kilanga kya moro , avamlolea akambia, "Mndumi nawe aveke handu hamwi nawe . ⁵⁷ Mira Petro akalegha , akarera mka, inyi thimuichinyi " , ⁵⁸ Kakenda kadu he, mndu ungi akamvona akarera, "Naiwe ni nviumwi wavo ".Mira Petro akaghaluta , "Mndu wa kyumi thi inyinyi. ⁵⁹ Handu hathamwi kwii mndu wa kyumi umwi akavwilia akarera," Ni keni yoka mndu uu naweaveehe hamwi nawe , kwaku ni Mghalilaya" ⁶⁰ Mira Petro akarera "Mndu wa kyumi, thiichini ikyo nkwarera"Iho aekyarare, nguruvi ikauvuka. ⁶¹ Akaghaluka Mndumi akmlomba Petro .Na Petro akakumbuka kirero kya Mndumi fundu alemvie, "Nguruvi irana uruka , kwanjilegha inyi kando kararu" ⁶² Akafuma na bwang'a, Petro akafugha kwa ivaviwa mnu. ⁶³ Niho vandu vaya vakyumi vavekyamria Yesu ,Vakaberesha na imkava. ⁶⁴ Vakinampfuve mitho ,vakamvitha wakarera ,"Tafija! Niitho akukavie ? ⁶⁵ Vakarera findo fingi fingi fyemkonda Yesu na imlegha. ⁶⁶ Na kukinakye ikero, vaghothi na vandu vakavungana handu hamwi, varwe va makuhani na vagheandika .Vakamtika kitala. ⁶⁷ Vakirera "kole iwe ku Kristo , fuvie " Mira we akavavia "Na nikaemuvia , mwanjiirikia mwe, ⁶⁸ na kole nkamuvetha mwanjighatumwe" ^{69 71} Mira idungia luvaha na ipfwo mothia , mwana wa Adamu ava aikee kuvoko kwa kumdumi kwa nguju ya Ruva" ⁷⁰ Voshe vakarera, "Haniiki mfwa shigha he ukeni? Kwaku ipfwe pfweha fundeichwa ifuma hena mumuwakwe weka"