¹ Yesu akalolea akavavona vandu wakyumi vathuri fundu mvafunya thawadi tavo hena vitangu (lazima ) ² Akamvona mjane umwi mkiva akifunya thendi takwe ivi. ³ Hena kwio akarera, "Keni nnamuwia , Mjane iu mkiva afunyire nyinyi ikela vengi voshe . ⁴ Iva vengi voshe vafunyire thawadi ifuma hen a vingi vafighire. Mira mjane iu, hena vakiva vwakwe, afunyire petha toshe aure hena iikaa yakwe." ⁵ Iho vandu vengi wakiurera ihusu nyumba ya mtatho, fundu ichembereriwe na maghwe mecha na matathi , akarera," ⁶ Hena mburi ifi mwafivona mifiri ikya cha ngeyo haraghire ighwe limwi ngeyo yareghwa kaghu ya ighwe lingi ngeyo liva barwa. ⁷ Hena vakamvetha, vakarera,"Mloshi, findo fi fyachefumia indii? Na niiki kyava luvengo ku findo fike haghwi icha? ⁸ Yesu akaghaluta , "Mulolie nicha kimetha munalembwa kwaku vengi vakacha kwa urina yakwa wakirera, "Inyi niwe, "na IKgheri lindefika, "Munavawaria. ⁹ Mukaichwa fira na vandu ilwa munavoha ang'u vindo tha ifi kimthari fivoke icha , mira mfiritho wa mwisho ukachefia tho. ¹⁰ Kangi akavavia ,"Ithanga limwi yavukia igavana na ithanga lingi, na vumangi kaghu ya vumangi vangi. ¹¹ Haghira fididimo virwe na njaa na tauni hena mathanga mata mata. Haghira vindo fyeovosha fyafumia , na mavengo gheovosha ifuka kaghu. ¹² Mira kabla vindofwo fwoshe, vavikia mavoko ghavo kaghu yenyu na imulitha vwathi, vamutika hena mitatho na hena mageretha imutika mothia ya vamangi na vaya varwe vundu va irina yakwa. ¹³ Kwa kwii mwarughuliwa ifunya miirikilie yenyu. ¹⁴ Hena kwio amuenyi ngoonyi kwenyu ku munachemba ikurerea yenu fia. ¹⁵ Kwaku namunika firero na kiafia , ngekyo vavichwa venyu voshe vakairime ifilegha kana ifikana ¹⁶ Mira vathima venyu navo vamulegha , venyu, mbare yenyu na vambwie venyu, na vandu mata hena imwe vavavwagha. ¹⁷ Mwadahwa ni kila umwi vandu vya irina yakwa. ¹⁸ Mira haghireho nanja unjivi umwi hena mirwe yenyu warekano. ¹⁹ Hena irimilia mwatikira vyoo tenyu. ²⁰ Mukamivona Yerusalemu ijungulikiwe ni majeshi iho manyenyi ku ikonde ka yakwe lindefika. ²¹ Iho vaya wake Yudea varichilie fumbunyi na vaya maghari ya mri vavake , kangi munavateka waya vake fijijinyi iingia. ²² Kwaku mifiri ii niyelighira, kimetha findo fyoshe fiandikiwe fiirime iikalia . ²³ Vwathini hena vaya vanyonge na vaya vakya ongetha hena mifiri yo! kwaku haghira vwathi varwe hena ithanga , na iding'a hena vandu va . ²⁴ Navwaghwa kwa kivo kya ipanga na vatikwa mateka kwa mathanga ghoshe na Yerusalemu yaivarwa ni vandu va mathanga , maka igheri ya vandu va mathanga iiyachevinganana. ^{25 26} Hcheghiva kweyo hena ruva , mwivi na nondo. Nahena ithanga hachighiva vwathi vwa vandu va mathanga , hena ivura ikuji vandu vwa mrindimo wa eve na mawimbi. ²⁶ Hacheghira vandu vathimia kwa ivoha na hena itarajia mambo ghaghefumira kaghu ya ithanga. kwahu nguju ta kaghu takuchwa. ²⁷ Kangi vammbona Mwana wa Adamu akicha maiwinyi hena nguju na ibuma irwe. ²⁸ Mira mambigha ghahamichedunga ifumia, mkenyi, vutirenyi mirive yenyu, kwaku ikirwa yenyu likegha ghwihi. ²⁹ Yesu akavavia kwa fwanyanyi,"Ulolienyi mtini, na miri yoshe. ³⁰ Igheri ikiyachipua mmwavona mweka na imanya ku fuli tayari ike haghwihi . ³¹ Kwio kwio , mukamivona mambo gha nghafumia , imwe manyeni ku vumangi vwa Ruva vakelaghwihi. ³² Keni, nnamuvia, irikali likaiereyo, mpaka mambo ghaghoshe ghafumie. ³³ Kaghuna mbai fyaira mira firero fyakwa fikairefwo na indii. ³⁴ Mira mukulolie mweka , kimetha ngoo tenyu tinachelemewa ni vuvichwa, iirwa na mibighanyiko ya maisha gha . kwaku mfiri wia wamuchia rutu. ³⁵ Tha mdegho kwaku kyava kaghu kya ithanga ithima . ³⁶ Mira muikae tayari magheri ghoshe mutereve ku mundinde nicha ikela ifi fyoshe fyafumia, na imka mothia ya Mwana wa Adamu. " ³⁷ "Igheri ya mthaghari alekyalosha mtathonyi na kio akafuma bwang'a na akaghenda ighelaa kirombo hena ifumbu lichiilaghwa miri ya mafura. ³⁸ Vandu voshe vakaichwa ikero churu kimetha vamwiramie matathonyi voshi.