¹ Vengi Vajitakidie ivika findo fireriwe inuthu findo findo fia vitimirwe kati yeru. ² Thafundu Valefurikie ifwe, ningevo idungia ivoka ni vagherera va mitho na vahiri vagherumwa. ³ Hekinaikyo nainyi baada yelolea kwa uangalifu kia kiendie findo fyoshe fwo idungia ivoka nikavona ni kicha kwakwa ikuandikia hena mpangilio wakwe mghafurwa thana Theoflo. ⁴ Kimacha uirime imanya findo fia kufundishirwe . ⁵ Hena mifiri ya Herode, mangi wa Yudea, Haleghire mghetatha mrwe alechiilaghwa Zekaria, wa mbare ya Abiya .mka wakwe alefumie hena hena vefwu va haruni va irina lakwe alechiilaghwa Elizabeti. ⁶ Voshe valeghire keni mothia tha Ruva ;valechighenda haraghire ilanemika hena marunge ghoshe nafia fireriweni Mndumi. ⁷ Mira valeghire vavara. An'gu Elizabethi nilendatha, na kigheri kyo voshe vavi nile vaghothi mnu. ⁸ Luvaha kilafumirie ku Zekaria alekehe hena mbeho wa Ruva,akyaendelea na ndima yakwe ye tatha hena utaratibu lwa thamu yakwe. ⁹ Ianana na desturi yethaghua mghetatha kuni unga ahira, alethaghuriwe kwa kura iingia hena nyumba yetathia. nakwio aghefukija ubani. ¹⁰ Ikundi lyoshe lya vandu valekyateriva bwang'a igheri nnafukijwa ubani. ¹¹ Malaika wa Mndumi akamfumia akamka upande lwa Kumndumi lwa handu hatathia na ifukijira. ¹² Zakaria akakangika akinamvone; Iovoha likamghwia. ¹³ Mera malaika akamvia "kunaovoha Zakaria kwalia itereva lyafwo lyindefika. Mka wapfwo Elizabeth akughirira mwana , irina lyakwe kwamwiilagha Yohana. ¹⁴ Kwagheichwa kicha naifurahiwa na vengi vaghekufurahiwa ighirwa kwakwe. ¹⁵ Kwalia agheva vengi va Israeli vaghaluthwa kwa Mndumi .Akanywe divai wala njaii ngai na ava aichurwe mbeho wa Ruva mrwe idungia ndenyi ya mae wakwe. ¹⁶ Navandu vengi va Israeli vaghaluthwa kwa mndumi Ruva wavo. ¹⁷ Agheghenda mothia ya kyamu kya Mndumi hena mbero na nguju ya Elia .Aghehira kwii ivwighira ngoo tha vapapa kwa Vana , kimacha Varekyaichwa vagheghenda hena Kiugho na keni Aghehira kwii ili ivika tayari kwa Mndumi vandu ngevo vavikiwe tayari vundu vwakwe. ¹⁸ Zakaria akamvia malaika , "Nairima kwia imanyaki? ni mghothi na mka wakwa myaka yakwe indeve mingi mnu. ¹⁹ Malaika akarera , akambia. "Inyi ni Gabrieli, wia achimka mothia ya Ruva . Nilerumiwe ighekuvia ighekuendie mburi njicha . ²⁰ Lolea, kukarerefwo, kwathia chwii, kukairime irerafwo mpaka mfiri wia findofi fyaghefumia. Kwalia kuleheerwe irikilia firerofyakwa ningefwo fighetimithwa kwa igheri icha. ²¹ An'gu vandu valekyamvera Zakaria. Vakashangathwa ang,u alekya retha maghari Mengi mnu handu hetathia. ²² Mera ekinafume bwan'ga airime irera navo.Vakamanya ku avonire ndoro ake handu hetathia . Akaendelea irora ishara na akareghwa athirie chwii. ²³ Ikafuma mifiriu we tumika kwake thilanathie akavuka akavwia kenyi kwakwe. ²⁴ Henaikyo Zakaria akinawie kenyi ifuma hena ndima yakwe netathia, mkawakwe akatika mda. Nawe arafume kenyi kwakwe hena miri itano. Akaghamba . ²⁵ Iki nikyo ngekyo Mdumi akihirire kwakwa akinanjilolie kwainjipendelea kimacha ivutha iraghwa lyakwa mothia ya vandu . ²⁶ Luvaha hena mwiri wa matandatu mda wa Elizabethi, Ruva alemvirie malaika Gabrieli ighenda hena mri wa Galilaya uchiilaghwa Nazareti. ²⁷ Kwa bikra alevetherwe ni mndu wa kyumi ningewe rina lyakwe nile Yusufu. we nile mbare ya Daudi, na irina lya bikra tho nile Mariamu. ²⁸ Akacha kwakwe na akaghamba nndekurerea iwe kunikiwe mbora ndue !Ruva apatie kicha naiwe. ²⁹ Mera firero fya malaika , findeghe mkonda mrwe aramanye hariiki malaika aleghambie nndekurerea ikamshangatha, ³⁰ Malaika akamvia, kunaovoha, Mariamu an'gu kuvonire mbora ifuma kwa Ruva . ³¹ Lolea kwatika mda hena ndenyi yafwo kwaghira . Naiwe kwamwiilagha irina lyakwe Yesu. ³² Avamrwe na ailaghwa mwana wa akekaghu mnu. Mndumi Ruva amnika kifumbi kya kimangi kya Daudi papa wakwe. ³³ Aghevamrwe hena mbare ya Yakobo Yelele na Vumangi vwakwe vukaghire mishavo . ³⁴ Mariamu akamwia malaika , iki kyafumia kikwia , an'gu thiwali ilaa na mndu wa kyuminyi wowoshe? ³⁵ Malaika akamghalutha akamvia, mbeho mcha acha kaghu yapfwo. Henaikyo itho akyaghirwa aesherwe ailaghwa Mwana wa Ruva . ³⁶ Lolea, wenyu wa Elizabeti auremola wa mwana hena umri lwake wa vughothi Iu ni mwiri wakwe wa matandatu kwakwe wia avichiilaghwa ndatha. ³⁷ An'gu haghireho kirachiva kwa Ruva. ³⁸ "Mariamu akaghamba ," Lolea , inyi ni mhiri ndima wa kika wa Ruva leka kive kwio kwakwa fundu kirero Kyafwo. "Halafu malaika akamleka . ³⁹ Niho hena mifiriyo mariamu alevukie kwa fia aleghendie hena ithanga lighire fumbu hena ithanga lya Yudea. ⁴⁰ Alinghendie kenyi kwa Zekaria na akamrera Elizabeti. ⁴¹ Kilefumirie, ku Elizabeti akinaichwe mbongethiya mariamu, mwanake hena ndenyi yakwe akatola,Elizabeti akaiichurwa mbeho mcha. ⁴² Akarera kwa nguju akaghamba kwa irwi irwe ,"Kuvonire mborere iwe maghari ya vaka, na mwanake ake ndenyi yapfwo anikiwe mborere ⁴³ .Kiviekwia kwakwa ku, mama wa mrumi wakwa avekyashighwa ache kwakwa. ⁴⁴ Kwaku lolea, nikinaicwe hena marwi ghakwa irwi lyafwo nlya irikira, mwanake hena ndenyi yalwa akaruka kwaichwa kichwa ⁴⁵ .Aghire mborere mka wia airikilie ku haghefumia ieleshwa lya mambo ghaya ifuma kwa Mndumi. ⁴⁶ Mariamu akaghamba, ngoo yakwa iya mwirikira Mndumi. ⁴⁷ Na ngoo yakwa indeichwa kicha hena Ruva mghekira wakwa. ⁴⁸ Kwalia andeilolea mndu wa mhiri ndima wakwe wa kila. lolea,idungia ithanya mbore yoshe vanjiilagha aghire mborere. ⁴⁹ Kwalia wia we amwiirimie ahire findo firwe kwakwa , na irina lyakwe lyielesherwe. ⁵⁰ Mbora yakwe iya ifuma mbare mpaka mbare kwa vaya vamfurie We. ⁵¹ Arorere nguju hena kuvoko kwakwe; avaghavie vaya ngefyo valeringie vandu vwa maririkano gha ngoo thavwo. ⁵² Aveghathnire mbai vanake va kimangi ifuma hena vifyumbi fyavo vurwe naivavuthia kaghu vaya vandu vambai . ⁵³ Alevaighutishire vaghire nja kwa findo ficha, mera vathuri andevaritisha mavoko ghawia. ⁵⁴ Afunyire mthaada kwa Israeli mhiri ndima wakwe, Kimetha ikumbuka irora mberere mavoko ghoka. ⁵⁵ Thafundu alererie kwa vapapa veru kwa abrahamu na mbare yakwe telele. ^{56 58} Mariamu aleikee na Elizabeti miri iraru ni handu akawia kenyi ⁵⁷ kwakwe. Luvaha magheri ghavefikie kwa Elizabeti ighira mwana wakwe na akaghira mwana wa kyumi. Vandu vakwe vahawihi na vavo na vambiwe vakwe valechue mndumi fundu alemkwere kwa mthamala wakwe, na vakafurahi hamwi nawe. ⁵⁹ Kangi alefumirie mfiri wa mnane ku valechie ighemrina mwan . Kivekya shigha imwilagha rina lyakwe , Zekaria ,"kwaivaria rina lya papa wakwe . ⁶⁰ Lakini mae wakwe akaghamba ,Haiailava Yohana . ⁶¹ Vakamvia , haghireho hata umwi hena venyu vafwo vovoshe achiilaghwa kwa irina iyo. ⁶² Vakamhirira ishara ndie wakwe irora wealekyashigha irina ailaghwei. ⁶³ Ndie wakwe akashigha kambao keandika , na akaandika,"Rina lyake ni Yohana ."Voshe vakashangathwa niki. ⁶⁴ Kwafia mmu wakwe ukarughuliwa na ulimi lwakwe lukava uchs. Akarera na imthifu Ruva . ⁶⁵ Iovoha lyikavachia voshe valeikaa hawifi navo. Findo fi fikaira hena ithangana matumbugha Yudea. ⁶⁶ Nafyoshe vafichue vakavika hena ngoo thavo vakaghamba ," mwanau ni waaimanjila ? Ang'u Kuvoko kwa Mndumi uvebe hawihinawe. ⁶⁷ Ndiye wa Zekaria aleichurwe mbeho mcha aelasherwe na akafunya Vuroti akaghamba. ⁶⁸ Anikwe matumbi, Mndumi ,Ruva wa Israeli kwalia aghenjere, alehangaikie na ikirwa kwa vandu voshe. ⁶⁹ Andefuvuthiria ikirwa hena nyumba ya mhiri ndima wakwa Daudi Ifuma ifwo kaghu ya mhiri ndima wa Daudi . ⁷⁰ Thafundu alererie kwa mumu wa varoti vakwe valekeho hena magheri gha kala. ⁷¹ Afukira ifuma hena vavichwa veru mavukonyi ghavoshe vafundahie. ⁷² Ahira kwii irora mborere hena papa weru, naimanya ndaghano yakwe ielesherwe , ⁷³ mmaaurerie hena Abrahamu papa weru . ⁷⁴ Aleighie mma, ku agheirima imhirira kwa iriamma bila iovoha , akina kirwe ifuma hena mavoko gha vavichwa. ⁷⁵ Hena vurwe na keni mothia yakwe mifiri yeru yoshe. ⁷⁶ Naiwe mwake kwa ilaghwa mroti wa ake kaghu mnu, ⁷⁷ Ivavilia vandu vakwe ku, vakirwa kwa irira lye tethewa thambi thavo. ⁷⁸ Iki kilefumirie vundu vwa mbonea ya Ruva weru, an'gu ra ifuma kaghu lyafuchia, ⁷⁹ laka lyavo vake mmenyi na hena mmawa kifwa. Ahira kwii kwaighatia marende ghakwe hena irira lya mborere". ⁸⁰ Luvaha mwanake wia akaleha akavaghire nguju ngoonyi na aleikee thakenyi mpaka mfiri wefuma kwakwe kwa vaisraeli.