¹ Kangi hena mifiro, ikafuma ku Kaisaria Agusto alefunyire kirero akighamba ku haterwe vandu vachi ithanganyi. ² Ilyi nile itarwa lyevoka llehirikie igheri krenio ninge mangi wa Siria. ³ Henaikyo kila umwi akaghenda hena mri wakwe igheandikwa ighetarwa. ⁴ Nawe Yusufu akavuka hena mri wakwe wa Nazareti uke Galilaya akaghenda Yudea hena mri wa Bethlehemu, umanyikie mroi wa Daudi an'gu alefumie hena mbare ya Daudi. ⁵ Aleghendie fwo ighetarwa hamwi na Mariamu, wia alemwethere na agherwa iende kwa mwanake. ⁶ Luvaha kilefumirie ku vake kwia igheri lye lyakwe lyeghira mwana likafika. ⁷ Akaghira mwana wa kyumi, mgheghirwa wakwe wevoka, akamfyungira thori mwirinyi wakwe imthuia na mbeho. Niho akamvika hena iboho lyelighia kijo ng'umbe kwalia haraveghire nafathi hena nyumba ya vaghenyi. ⁸ Hena ughongolo, haleghire varisha valechii ikaa mashambenyi vakyaria makundi ghavo gha magonji kio. ⁹ Gafla, malaika wa Mndumi akavafumia, na iela lya Mndumi lykaaka ivathunguka , kaing vakaghira iovoha thana. ¹⁰ Niho malaika akavavia , Munaovoha , an'gu nnavaendie mburi njicha ningeyo iyaende iichwa kicha irwe mnu kwa vandu voshe . ¹¹ Ithanya mghekira andeghirwa vundu vwenyu mrinyi wa Daudi weniwe Kristo Mndumi! ¹² Iki nikyo mwarorwa, mwakolea mwana afwungiwe na thori alee hena iboho lyelighia vanyama. ¹³ Gafla hakaghira vakarungu vengi va mbinguni likavwarana na malaika vakamtumbisha Ruva, vakaghamba . ¹⁴ "Vurwe vwa Ruva akekaghu thana , mborere ikae ithangenyi hena vandu voshe achue kicha navo. ¹⁵ Kikava malaika vekinavuke ighenda ifwo kaghu, Varisha vakaviana voka kwa voka . "Fughendenyi Luvaha Bethlehemu, fughevona kindokyo kifumirie, ngekyo Mndumi afuvilirie . ¹⁶ Vakakathana na vakamkolea Mariamu na Yusufu, na vaka mvona mwana alee hena iboho lyelighia vanyama . ¹⁷ Navakinavone kwii, vakavavia vandu kia ngekyo vavirue ihuthu mwana . ¹⁸ Voshe vakinaichwe mbunii vakashangathwa nikia kirerue ni vavisha . ¹⁹ Mera mariamu akakathana iririkana ihuthu vyoshe fia emiifichwa akafivika ngoonyi yakwe . ²⁰ Varisha vakawia vakyamangilia na imthifu Ruva vundu vwa kila kindo vakichue na ivona, thafundu kivererue kwavo. ²¹ Ukinafike mfiri wa mnane na nive mfiri we mrina mwana vakamwiilagha rina Yesu, irina avenikiwe ni malaika wia kabla mda urenaingia. ²² Nahakinafike mfiri wetakathwa , na ieleshwa mifiri iirie, ianana na sheria ya Musa Yusufu na Mariamu vakamtika mwake hena nyumba yetathia kwia Yerusalemu mothia ya Mndumi. ²³ Thafundu kive andikiwe hena sheria ya Mndumi, Kila Mndu wa kyumi akya rughuna ndenyi ailaghwa afunyire kwa mndumi Ruva . ²⁴ Vavo vaveghendie ighefunya itathi ianana na kia kivererue hena sheria ya Mndumi Ruva, "Jothi ya mabeta mavana avi. ²⁵ Lolea haghire mndu hena Yerusalemu ningewe rina lyakwe achilaghwa Simioni Mnduu nile mndu wa keni amfuvie Ruva . We alekyavera vundu vwe fanjiwa na mbeho mcha aelesherwe aleke kaghu yakwe. ²⁶ Ilerughuliwe kwakwe iiria mbeho mcha ku we aghefwa we aranamvona kristo Mndumi. ²⁷ Mfiri umwi aleigjire voshi ya hetatha akikwa ni mbeho mcha . vathathi vakwe valemuendie mwanake, Yesu imhirirafia fya sheria. ²⁸ Niho Simioni akamuondoa mavokonyi ghakwe, na akamtumbisha Ruva na irera, ²⁹ Luvaha mhiri wafwo aghende kwa mborere mndumi ianana na kirero kyafwo. ³⁰ Kwaku miyho ghakwa ghande vona ikirwa lyafwo, ³¹ ngetho uvonirwe kwa mitho ghavandu voshe. ³² We ni kilanga vundu vwa kwa mathanga na vurwe vwa Israeli. ³³ Papa na mama wa mwana vakashangathwa kwa findu filetereu kaghu yakwe . ³⁴ Niho Simioni akavanika mborere na akaghamba kwa Mariamu mae wakwe,"Arania kindo kicha , mwanakeu agheva thawabu yereka na ikirwa kwa vandu vengi hena Israeli na kivonwa vandu vengi vakilagha. ³⁵ Kangi ni ipanga nlyagheokea ngoo tha vandu voka , Kimacha maririkanagha ngoo ghave mecha". ³⁶ Mroti wa kika avechiilaghwa Ana aleke hena nyumba ya mtatho. We nile mfuvu wa Fanueli ifuma hena mbare ya Asheri. Aleghire myaka mingi mnu . Nawer avechikaa na mmi wakwe kwa magheri mfungate vakinaondoane, ³⁷ na mihandu akava mjane kwa miaka makumi mnane na fina .Kangi awahie Ivuka hena handu hetathia we na alechighenda ighemtereva Ruva handu hamwi na ilomba kio na mathaghari. ³⁸ Na kigheri kyo alechiie haya handu vake akadunga imvia Ruva na havache Ruva . ³⁹ Vakinamalie kila kindo valekyashighwa ihirwa , ianana na sheria ya Mndumi , vakawia Galilaya , mrinyi kwavo, Nazareti. ⁴⁰ Mwanake akaleha akaghira nzinya , akaleha hena keni na mbora ya Ruva ileke kaghu yakwe . ⁴¹ Vathanyi vakwe kila mwaka valechighenda Yerusalemu vundu vwa mfiri mrwe wa Pasaka. ⁴² igheri aghire myaka ikumi na ivi, vadeghendie he igheri nlyashighwa fundu kichiviriwe, vundu vwa mfiri mrwe. ⁴³ Na Vakinareghwe mifiri yoshe vundu vwa mfiri mrwe , valedungie iwia kenyi. mera mthoro Yesu alereghue nyuma kwia Yerusalemu na vathi vakwe varamanye ki. ⁴⁴ Vovaleichi ku akenavo hena ndambo imwi. mera vakaghenda mfiri mthima .Niho vakadunga imshigha kighari kya vandu na vamburie vavo. ⁴⁵ Vakinaherwe imvona Vakawia Yerusalemu vakadunga imshighafwo. ⁴⁶ Ikava mfiri kararu ,vakamvona hena handu hetathia, akiva maghari ya valoshi , akyavaarinia na ivavetha matwali. ⁴⁷ Voshe vamuaranilea vakashangathwa ni maririkano na findo akyajibu. ⁴⁸ Vakinamvone vakakangika .maewakwe akamvia mwanakwa hamiiki kufuhiririe kwii ? Arania ,papa wafwo nainyi fuvekya kushigha kwa ilya vwasi mnu. ⁴⁹ Akavavia, "Haniiki muvekyanjishigha? mumanyireku nnashighwa ikaa hena nyumba ya Papa wakwa? ⁵⁰ Mera varanye kyo avekyadu nganya kwa firerofwo. ⁵¹ Niho akaghenda hamwi navo Kenyi Nazareti namivemghevaichwa vo. mae alethughene findo fyoshe ngoonyi yakwe. ⁵² Kangi Yesu akakathana ileha heni keni na Vurwe vwa Ruva na Vandu.