¹ Mambo ghekinthie Yesu akakumanyisha he kwa vagheloshwa hena Bahari ya Tiberia; kui nifo aghekumanyirishe weka. ² Simon Petro agheke hamwi na Thomaso achiilaghwa Didimas, Nathanael wa kana ya Galilaya, vana va Zebedayo na vagheloshwa vengi vavi va Yesu. ³ Simon Petro akavavia, "Inyi niaghenda igheloamapere." Navovakamvia, "Ifwe, nafwe faghenda na iwe." Vakaghenda vaingia hena ngalawa, mira kio ikyo kyoshe vapatievo kyokyoshe. ⁴ Ikero kukinakye, Yesu alemkie batenyi ya bahari, navo vagheloshwa varammanye iku nive Yesu. ⁵ Hata kwiyo Yesu akavavia, "Vathoro, mughire kyokyoshe kyeya? Navo vakamva, "Hai." ⁶ Akavavia, "Ghatenyi nyavu ughongo welighia wa ngilawwa, naimwe mwapata kimutarire."Hena ikyo vakaghata nyavu tavo vakaherwa iliduka he kwa liya liveure mapere mengi. ⁷ Bathi uya mloshwa ngewe Yesu alemfirie akamvia Petro, "Ni mndumi."Nawe Simon Petro akinaichwe iku ni Mndumi, akakupfunga thori yakwe (kwa liya aghelire ewe nicha) Niho akakukumba baharinyi. ⁸ Valoshwa vaya vengi vakacha hena ngilawa (Kwaku vaghekevo kua na pwani nighetha mita ighana limwi ifuma batenyi ya bahari, navo valeke vakiduka tia nyavu tilevie tiichue mapere. ⁹ Vekinafike batenyi ya baharivalevonire moro wa makaa kuya na kaghu yakwe haleghire mapere hamwi na mkate. ¹⁰ Yesu akavavia, "Endenyi mapere matare muloie luvaha li." ¹¹ Bathi Simon Petro akakwea na ighomoa nyavu iya iveichue mapere marwe, ghalevie mapere 153; hamwi na ku mapere gho ni le mengi yavu yo irandu kieyo. ¹² Yesu akavavia, "Njonyi muondue kyeghaghura." Haghireho hata umwi wa vagheloshwa agherere imvetha, "Iwe ni itho?" Vaghemanyire iku nile Mndumi. ¹³ Yesu akacha, akaondoa mkate uya, niho akavanika, akahira kwiyokwiyo na kwa mapereghaya. ¹⁴ Ii ilevie kando kararu kwa Yesu ikumanyisha kwa vaghemloshwa vakwe kwaku aghefufukie ifuma kwa vaghepfwa. ¹⁵ Kwaku vemva vemighaghura Yesu akamvia Simon Petro , "Simon mwana wa Yohana niakuvetha, kunjifurie inyi ikela iva?" Petro akamvia, "Iyee, Mndumi; Iwe kuichi iku inyi nikufurie." Yesu akamvia, Nika kijo magonji ghakwa." ¹⁶ Akavavia kando kakavi, "Simon mwana wa Yohana niakuvetha, kunjifurie?" Petro akamvia, "Iyee, Mndumi; iwe kuichi iku nikufurie. "Yesu akavavia, "Embea magonji ghakwa." ¹⁷ Akamvia he kando ka kararu, "Simon mwana wa Yohana, niakuvetha kunjifurie?" Niho Petro akavaviwa ni ngoo kwaliya aghemvirie kando kararu. "Ngetha Iwe kunjifurie?" Nawe akamvia, "Mndumi, kuichifyoshe; kuichi iku nifurie. " Yesu akamvia, Nika kijo magonji ghakwa. ¹⁸ Keni , keni niakuvia, kule mthoro kulechivirie iraa thori kweka na ighenda hohoshe kukyashigha; mira akucheva mghothi, kwaghola mavoko ghapfo na ungi akuraa thori na ikutika ngheho kuraashigha ighenda." ¹⁹ Yesu alereria kui netha aroreni kipfwa kiki ngecho Petro aghemtumbisha Ruva. Kwaku kuya aghererie kui, akamvia Petro, "Njiivaria. " ²⁰ Petro akaghaluka na imvona uya mloshwa ngewe Yesu alemfurie akavaivaria -Iu niwe uya aghekuaghamithire hena mbafu ya Yesu igheri ya kijo cha kyavukwau naimulitha,"Mndumi, niitho aghekuthaliti?" ²¹ Petro aghemvonire na niho akamvetha Yesu, "Mndumi, mndu iu ahira iki?" ²² Yesu akamvia; "Kole niashigha areghwe mpaka niche ikyo kukuvwere cho?" Njiivaria." ²³ Hena ikyo mburi ii ikathangana maghari ya vaya vandughu, iku mloshwa tho akapfwe we. Mira Yesu amviriewe Petro iku, mloshwa itho akapfwewe, "Kole niashigha we areghwe ivera mfiri niacha kikuvwere kyo? ²⁴ Iu niwe mloshwa afunyire vuonwa wa wa findo fi, na niwe agheandikie findo fi, na fuichi iku vuonwavwake ni keni. ²⁵ Haghire findo fingi mnu ngefyo Yesu alehirire. Kole kila kimwi kigheandikiwe, ngetha ku ithanga yoka lighetosha yo ifivika vitabu ngefyo figheandikiwe.