¹ Luvaha ili likinaire igheri yetawala Artashasta mangi wa Uajemi, Ezra b akacha ifuma Babeli. Vaghemthongolea va Ezra nile: Seraya, Azaria, Hilkia, ² Shalumu, Ahitubu, ³ Amaria, Azaria, Merayothi, ⁴ Zerahia, Uzi, Buki, ⁵ Abishaua, Fineasi, Eliazari ngewe mwana wa Haruni, mtathi mrwe. ⁶ Ezra akacha ifuma Babeli nile mtaalaam mgheandika wa sheria ya Musa, ngeyo Yahwe, Ruva wa Israel alevanikie. Mangi akamnika kila kindo alombie kwa liya kuvoko kwa Yahwe kuleke hamwi. ⁷ Vagheghirwa vatare va Israel, na vatathi, valawi vagheimba, vagheria na vaya valethaghuriwe ihira hena nyumba yetathia kangi wakaghenda Yerusalem hena mwaka wa mfungate wa mangi Artashasta. ⁸ Nawe akacha Yerusalem mwiri wa katanu hena mwaka itho. ⁹ Nawe akavuka Babeli mfiri wevoka wa mwiri wevoka. Nile mfiri wevoka wa mwiri wa katanu ngeho alechie Yerusalem, hena liya kuvoko kucha kwa Ruva kugheke hamwi nawe. ¹⁰ Ezra alefunyire ngoo yakwe ithoma, ihira na ifundisha fundu fweivaria sheria ta Yahwe. ¹¹ Iki nikyo kirero ngekyo mangi Artashasta alemnikie Ezra mteithi na mgheandika wa sheria ta Yahwe na fundu Israel vatiivaria. ¹² Mangi wa Vamangi Arshasta, hena mtathi Ezra Mgheandika wa Sheria ta Ruva wa kaghu. ¹³ Niafunya kirero iku mndu wowoshe wa Israel hena vumangi vwakwa hamwi na vatathi na valawi ngevo vaghire kulu ighenda Yerusalem, vairima ighenda hamwi naiwe. ¹⁴ Inyi mangi na vaghenjitasha vakwa mfungate, fuamuruma voshe ighenda ighemanya fundu Yuda na Yerusalem ihuthiana na sheria ta Ruva, ngeyo ike mavokonyi ghapfo. ¹⁵ Kuashighwa uende Dhahabu na Petha ngeto valefunyire hena Ruva wa Isrel, ngewe handu achiikaa ni Yerusalem. ¹⁶ Petha ilefunyirwe hena ifura na Dhahabu yoshe ilefunyirwe Babeli hamwi na vilefunyirwe hena ifura valefunyire vandu na vatathi hena nyumba ya Ruva ike Yerusalem. ¹⁷ Hena ikyo ughue fyoshe thadaka ya magonji oro, maghonji mchu na kyenywa, uvifunye hena kitalo ngeyo ni nyumba ya Ruva wapfo hena Yerusalem. ¹⁸ Vika kwiyo hamwi na ifungu ya petha na dhahabu, fyofyoshe kwafivona fyakunulia iwe na venyu imnulitha Ruva. ¹⁹ Findo fifunyirwe hena ifura fivikwe mothia yapfo fundu fwehira hena nyumba ya Ruva Yerusalem. ²⁰ Kindo kyokyoshe kingi ngecho kiashigha hena nyumba ya Ruva wapfo ngecho kuashigha, Vughuri vwakwe vwafuma hena hazina yakwa. ²¹ Inyi mangi Artashasta, nindefunya kirero hena vaghevika hazina voshe mrinyi itolang'a mfo Ezra akilomba kwenyuaashighwa inikwa kyoshe, ²² na ikela talanta ighana limwi na petha fipimo ighana fya ngano, bathi ighana ta divai na bathi ighana ta mafura, kangi na munyu iraghire ithia. ²³ Kyokyoshe ngecho kireriwe ifuma kwa Ruva wa kaghu, kihirike ikyo hena utukufu wa nyumba yakwe. Haniki iding'a yakwe liche hena vumangi vwakwa vana vakwa? ²⁴ Fwavanika taarifa vo hena imwe iku vanamutotha ushuru wowoshe kana kodi kwa mtathi, mlawi, mgheimba, mgheria kana hena mndu athaghuliriwe hena ihira Nyumbenyi yetathia na mhiri hena nyumba ya Ruva. ²⁵ Ezra, hena hekima akunikie Ruva, kuashighwa ithaghua vagheamua na mndu aeleliwe ivahirira vandu hena mri itolang'a mfo na itasha wowoshe aichi sheria ta Ruva wa pfo. Kangi kuashighwa uloshe vaya ngevo varaichi sheria. ²⁶ Funya athabu hena wowoshe arakya ivaria sheria ya Ruva kana sheria ya mangi, ikiirimika kipfwa, thaminywa iondolewa mari takwe kana ipfungwa. ²⁷ Atumbishwe, Yahwe Ruva wa vaghefuthongolea veru, ngewe alevikie voshi ya ngoo ya mangi netha itunzwee Nyumba ya Yahwe Yerusalem, ²⁸ ngewe aendeletha ndaghano kwa kwa hena uaminifu mothia ya mangi, na vaghemshauri vakwe na varwe vakwe vaghire mamlaka nilinikiwe nguju mavoko gha Yahwe, Ruva wakwa, na inyi ni kavavunganya vaghethongoa ifuma Israeli ighenda hamwi na inyi.