¹ Niho mangi Dario akarera kwa nguju vaghelolea vagfhelambua hena nyumba yekumbuka Babeli. ² Hena mri wa Akmetha ipfo media chuo kilevoniwe: mambo ghakwe/ghekumbukwa ghalererie: ³ Hena mwaka wevoka mangi Koreshi alefunyire kirero mburi ya nyumba ya Ruva Yerusalem: na nyumba iaghwe ive ughongo lwefunyira matathi, mitingi, mithingi yakwe ivikwe, vwacha vwakwe vuve makumi mtandatu, ⁴ na vupana vwakwe vuve makumi mtanatu, thehemu itha ruta maghwe marwe na thehemu imwi ya mbao jishaa, na vughuri vo vwalihwa ifuma nyumba ya mangi. ⁵ Luvaha filewighirwe he findo fya dhahabu na petha fileke hena nyumba ya Ruva ngefyo Nebukaneza alefiondorie na ifitika Babeli ifuma hena Nyumba yetathia Yerusalemu Nyumbenyi yetathia. Na kwafivikahe hena nyumba ya Ruva. ⁶ Luvaha Tetanai mrwe wa jimbo itolanga mfo, Bozenai na varwee valeke hena mri itolang'a mfo, vakaikaa kua ⁷ Vakaleka ndima ya nyumba ya Ruva weka. Vaghethongoa na vaghothi va Kiyahudi vaagha nyumba ya Ruva handu haya. ⁸ Niafunya kirero iku nilathima lihirike hena vaghothi va kiyahudi vakyaagha nyumba ya Ruva: Mthango ifuma kwa mangi na ushuru itolang'a mfo, Lwatumika hena ivaliha vandu iva netha iku ndima yavo inairima imka. ⁹ Kyokyoshe kikyashigha, ng'umbe njidu magonji kana magonji gha itathi yeokolewa fundu fwa Ruva wa kaghu ngano munyu, Divai na mafura thafundu kileriwe ni vatathi va Yerusalem- vanikwe findo fi mifiri yoshe haraghire ilekwa. ¹⁰ Vika kwiyo netha iku vaende itathi kwa Ruva wa kaghu na vatereva fundu fwakwa mangi na vana vakwa. ¹¹ Inyi niarera he wowoshe atenya kirereki, chuma kifunywe hena nyumba yakwe. Na avikwe kaghu yakwe. Na nyumba yakwe yabadilishwa iva kindo kichafukie(kiravie ) hena mburi ii. ¹² Ruva u athababishire irina yakwe liikaeha amvuta mangi kana mndu aghaluta kirero ki kana ivuta nyumba ya Ruva hena Yerusalem. Inyi Dario nirerie netha lihirike kindo kicha. ¹³ Na hena mburi ya kirero kirumiwe ni mangi Dario, Tatenai mghethongolea, mri itolang'a mfo na Sheshthar-Bozenai na varwee. vakahira kila kindo Mangi Dario alererie. ¹⁴ Hena kwiyo vaghothi kiyahudi vakaaagha thafundu Hagai na Zakaria valevarorere hena utabiri. Vakaagha thafundu kirero kifunyirwe ni Ruva wa Israeli na Koreshi, Dario na artashasta mangi wa Uajemi. ¹⁵ Nyumba ikathia mfiri wa kararu wa mwiri wa adari, hena mwaka wa mtandatu watawala mangi Dario. ¹⁶ Vandu va Israel, vatathi, valawi na vandu walerehekea ivikwa wakfu nyumba ya Ruva hena inuliwa. ¹⁷ Vakafunya ng,umbe ighana limwi, magonji ighana limwi na magonjji ghengi maghana ana ghevikwa wakfu nyumba ya Ruva. Mburi ta kiumi na ivi valefunyirwe tha itathi ya thanbi fundu fwa Vaisraeli voshe kwa kila mbare hena Israel. ¹⁸ Kangi vakavanika shuhuli vatathi na valawi mghavanyiko wa ndima ya Ruva hena Yerusalem. Thafundu kile andikwe hena kitabu kya Musa. ¹⁹ Hena ikyo vaya valeke vutumwenyi vakasherekea pasaka mfiri wa ikumi na kana wa mwri wevoka. ²⁰ Vatathi na valawi vakaelesha voka kangi vakachinja pasaka ya itathi mburi ya vaya valeondoriwe bila ifura vakiva navo voka. ²¹ Vandu va Israeli ngevo walelighie nyama ya Pasaka ni vaya valevwirie ifuma kuyavalefumie na vandu, there vecha va ithanga liya na imthaghua Yahwe, Ruva wa Israel. ²² Valenuliriwe na ishangilia mfiri mrwe wa mikate iraghaghie hena mifiri mfungate, kwa liya Yahwe andevwighira inuliwa ighaluta ngoo mangi wa Ashuru, naivanika nguju hena ndima ya nyumba, nyumba ya Ruva wa Israel.