¹ Nyenkyo juri abhakuru bha abhasyengeri bhasikana hamwi na abhakaruka na abhang'ori na eribharaja ryonsego erya abhakaruka kweki bhakamubhoha Yesu bhakamuhira ku Pirato. Pirato akamubhurya. "Uuwe nuwe omukama wa abhayahudi?" ² Akakyukya, "Nuwe ogambhiri ego." ³ Abhakuru bha abhasyengeri bhagambha amang'ana maru aga amasitakyo eguru ya Yesu. ⁴ Pirato akamubhurya kweki, "Otakukyukya kyonse kyonse? Otakurora kya ego bharakusitakya kumang'ana maru? ⁵ Nawe Yesu atamukyukya Pilato, na kwa ego ekamurugurya. ⁶ Kira omwaka eribhaga rya enyangi hanu ryahikanga arahatirirwa omubhohwa umwi, omubhohwa unu bhasabhanga. ⁷ Bharingaho abhasarya mwigereja, gati ya abheeti abhakuniru bhanu bharakorera obhusarya bhwabho. Yaringaho omuntu umwi unu yabhirikirwango Bharaba. ⁸ Omuganda gwaja ku Pilato, na okumusabha akore kya ego yakora enyuma eyo. ⁹ Pirato akabhakyukya na akagambha, "Murenda mubhasikurire omukama wa abhayahudi?" ¹⁰ Kwa okubha yamanya nkwa orung'erwa abhakuru bha abhasyengeri bhamugwata Yesu na okumureta kuweki. ¹¹ Nawe abhakuru bha abhasyengeri bhabhasigirirya omuganda okukora ekituri kwa eriisi ega asikurirwe Bharaba kwa omweya gwaye. ¹² Pirato akabhakyukya na okugambha kweki, "Mukore egaki omukama wa abhayahudi?" ¹³ Bhakatema ekituri kweki, "Mubha mbhe" ¹⁴ Pilato akagambha, "Akoreri ng'anaki embhibhi?" Nawe bhakagendererya okutema ekituri bhukonguru bhukong'u "Mubhambhe." ¹⁵ Pilato arenda okuteremya omuganda, akabhasikurira Bharaba. Akamtema Yesu emijareti kweki akamurusya abhambhwe. ¹⁶ Abhasirikare bhamukangatya mpaka munsi wa orubhago runu ruringi munsi orubhanja rwa nyumba na bhakekuman'ya hamwi omuganda gwa abhasirikare. ¹⁷ Bhakamwibhohya Yesu enkanju ya erangi ya ejambharau, na bhakabhasya engofira ya amahwa bhakamwibhohya. ¹⁸ Bhakambha kumujera na okugambha "Turakukeran'ya, omukama wa abhayahudi." ¹⁹ Bhakamutema kumutwe na erihungu na okumutujira amate. ²⁰ Kya ego bhamara okumujera bhakamurusya enkanjuirya eya erangi ya ejambharau na okumwibhohya egingibho gyaye, na bhakamuhurukya kibhara okugya okumubhambha. ²¹ Bhakamusingiririya omuhiti wa kunjira kumubhera, unu yaringa arasoha mumugi kurwa mumugunda. Unu arabhirikirwa Simoni Mkirene (ese wabho Iskanda na Rufo): bhakamusingiri ryo okugega omusarabha gwa Yesu. ²² Abhasirikare bhamuhira Yesu hasi hanu habhirikirwanga Goligota (ensonga ya obhuhunjuri bhuni ni ahasi ya ekihanga kya omutwe) ²³ Bhamuhana amarwa ganu gasanga nibhwe na endurwe, nawe atanywa. ²⁴ Bhakamubharubha na okugabhana egingibho gyaye, bhakagatemera ekura okwamu ekibha kinu kira omusirikare owanyoore. ²⁶ Yanga nsa esatu gya nyenkyo hanu bhamubhambha. ²⁵ Bhakatura eguru yaye orubhao runu rwandikwa erisitakya, "Omukama wa Abhayahudi" ²⁷ Bhamubhambha hamwi na abhebhi bhabhiri, oumwi rubharika ryaye obhuryo na oundi bhumosi bhwaye. ²⁸ (Itegeerera; omuchafya gunu, Na amang'ore gakahika ganu gahaira gutarimo emichafya gya kare). ²⁹ Bhonse bhanu bhahitanga bhakamutuka, bharasingisya emitwe gyabho na okugambha, ohoo uuwe unu urabhune erisyengerero na okurihagaja kwa eginsiku esatu, ³⁰ Iturya omwene na witume hansi kurwa kumusarabha. ³¹ Kwa ego abhakuru bha abhasyengeri bhamujera na okugambhana, hamwi na abhango rya na okugambha, "Yabhaturya abhandi nawe atakutura okwiturya omwene. ³² Kristo omukama wa abhaisraeli iika hansi bhono orwe kumusalabha tuture okurora na okwikirirya. Nabharya bhanga bhabhambirwe hamwi nawe kweki bhamujera. ³³ Hanu yahika ensa ensansabha, ekisunte kikaja eguru ya ekyaro kyonsego mpaka nsa kenda. ³⁴ Eribhaga rya ensa kenda, Yesu akatema ekituri kwa eriisi erinene, Eloi, Eloi, lama sabaktani?" ensonga yaho, "Waryubha wani, Waryubha wani kwaki orantiga?" ³⁵ Abhamwi bha bhanu bhanga bhemiriri hanu bhegwa bhakagambha, "Maha aramubhirikira Eliya." ³⁶ Omuntu oumwi akakenya akjurya esiki mwigodoro na okuitwa eguru kumuti gwa erihungu, akamuhana anywe. Omuntu umwi agambha, tiga turore nyoora Eliya araje okumwikya hansi. ³⁷ Kweki Yesu akakura kwa eriisi rinene akakwa. ³⁸ Erishuka rya mwisyengerero ryabharuka bhibhara bhibhiri kurwa eguru mpaka insi. ³⁹ Omukuru umwi unu yaringa yemiriri aramumhirira Yesu, hanu yarora akwiri kwa omwanya guyo akagambha, "Hene unu omuntu unu yaringa omwana wa Waryubha. ⁴⁰ Bhanga bharisho abhakari bhanu bhamahanga kwa hare Gati yabho yaringamo Mariamu Magdarena, Mariamu (ng'ina waye Yakobo omuke wa Yose) na Salome. ⁴¹ Hanu bhanga Galilaya bhamuseta na okumukorera. Na abhakari abhandi abharu kweki bhakamusingirira kugya Yerusalemu. ⁴² Hanu yahika mugoroba, na kwa okubha rwanga orusiku rwa okuseren'ya, orusiku enyuma ya esabhato. ⁴³ Yusufu wa Arimathaya akaja harya. Yaringa oumwi wa eribharaja unu yanga arakumi bhwa, omuntu unu arabhuganyi rira obhukama bhwa Waryubha. Kwa obhuhari okugya, ku Pilato na okusa omibhiri gwa Yesu. ⁴⁴ Pirato akarugura ega Yesu amariri okukwa, akamubhirikira omukuru urya akamubhurya nyoora Yesu akwiri. ⁴⁵ Hanu yanyoora obhuhene kumukuru ega akwiri, akamwikiririrya Yusufu okugugega omubhiri. ⁴⁶ Yusufu yanga aguriri ensande. Akamwikya kurwa kumusa rabha akamubhoha kwa ensanda, na okumutura musi ya embhihira inu yasimbhwa hagati ya eritare. Kweki akatihiri ngitya eringina mukisehu kya embhihira. ⁴⁷ Mariamu Magdarena na Mariamu ng'ina waye Yose bharora hasi hanu abhikirwe Yesu.