¹ Yesu anuyaringa aragenda okurwa mwishengerero, ohumwi waabhe igira bhaye akamubhurya, "Omwiigirya, maha amagina ganu gararu gurya na maagajwa!' ² Akamubhurya maa amaagajwa gayo mmanene? Ritario kane egina rimwi rinu rirasaga eguru yerindi rinu ritakugwisibha ansi." ³ Nawe Yesu anuyaringa yekeri eguru munkuku ya emijeituni enyuma yerishengerero, Petro, Yakobo, Yohana, na Andrea bhakamurya kwa obhwibhise. ⁴ "Tubhurye, amang'ana ganu garibhari? ki ekimanyiriryo kyamanga na ganu okurabhoka?" ⁵ Yesu yamba okubhabhurya, "Mubhe bhang'eniga omuntu wowonse atige kubhabhurya. ⁶ Abharu bharija kwerina yani bharagamba, na oni ng'o ndibhabhurya abharu. ⁷ Anu muriigya eriibhe na omujujumo gweriiye mutakobhoa; amang'ana ganu garendwa garobhoke rakini obhutero bhukyari. ⁸ Ekyaro kirimuka enyuma we kyaro ekindi, obhukama enyuma obhukama kuribhao no murigito ahasi amaru, na mweko bhunu nu bhwambiro bhobhururu. ⁹ Mubhe meso bharibhaira mpaka mwibharaja, na mritemwa kokubha kushengerero, mrimiriribhwa ember ya abhantungi na bhakama kwa orusumo ryani, kwa obhwimiriri bhwao. ¹⁰ Naho eringana embere okwanja rirarikwe mubhwaro bhonsego. ¹¹ Anubharibhagwata bharibhahana, mutobhoa kukinu muraja okugamba musi ye ndengo hiyo, mrianwaki ekyokugamba; mtaribha bhanyu bhanu muriaira mtari omutima omurabhu. ¹² Omuiri arimusitakya omuiri kumwita, tata na omwana waye abhana bharimirira enyuma ya tata wabho na okubhakora okwitwa. ¹³ Murijimirwa na kira muntu kokubha ya erina ryani. Okubha unu arina girirya mpaka mubhutero, omuntu uu areturya. ¹⁴ Anu muriroro obhujimu bho obhusarya bhwimiriri arya ritakwendwa kwimirira(unu arasoma na okumanya) eyo bharingi musi ya Yuda bhakenyere muginkuku. ¹⁵ Nawe unu aringi eguru wa enyumba ateka ansi ya enyumba, amwi kugega kyo kyonse kinu kiringi kibhara. ¹⁶ Na unu aringi mumugunda atainda okugege emwenda gyaye. ¹⁷ Nawo tiga orore abhakari bhanu bharinda na bhanu bharanenwa okubha kunsiku giyo! ¹⁸ Musabhe okubha kutarwirao embeo. ¹⁹ Okubha kuribhao na amanyanyaso amanene, anu gakyaringa okubhao, kwanu Waryubha yabhumba ekyaro, mpaka bhono, hatari, okubha etari bhao kweki. ²⁰ Mpaka omukuru anu arisuya eginsiku gutario omubhiri gunu guriturya kwa kubharya bhanu bhasorya, bhanu aribhasora arisuya eginamba gya eginsiku. ²¹ Eribhaga riyo kama omuntu onse onse aribhabhurya, mumae, Kristu aringi anu! amwi mumae, aringi arya mutakaamini. ²² Okubha abhakristu abhobhubhei na bharoti abhobhubhei bharirwa na bharirusha okorokya na maruguro, okubha bhabhan'gene eratura okubha abhasorya. ²³ Ebhe meso! Namara kubhabhurya ganu gonsego bhubhabhurye gaya omweya gutaraika. ²⁴ Okokubha amanyanyaso ga eginsiku ginu, eguru riribha ekisunte, omweri gutarirusha obhurabhu bhwaye. ²⁵ Njota girigwa okurwa murutumbwa na eginguru ginu giringi mukyaro girisingisha. ²⁶ N'go bharimurora omwana wa Adamu araja mwisaru kwa eginguru nene na obhukuru. ²⁷ N'go yatuma maraika bhaye na aribhakumanwa amwi abhasoryo bhaye okurwa mbara nene enna gye kyaro, okurwa kubhutero wa ekyaro mpaka kubhutero wa Waryubha. ²⁸ Okubha kumuti mwigire kama erisha rinuriratura okurwa na okutura bhwangu amasha gaye, n'go murimanya okubha omusunjwe guri an'yi. ²⁹ Nigo erigi, anumurirora aman'gana ganu anugarija, mumanye okubha aringi an'gi, na ebhiseku. ³⁰ Okubha ndabhabhurya, orwibhuro ruru rutariita are kwakubha amang'ana ganu gakyari kuja. ³¹ Orwire ne kyaro bhiriita, okubha amang'ana ganu gatariita kweki. ³² Nawe eguru ya orusiku ruyo amwi enkaga, atario unu amanyiri, okubha maraika wekyaro, okubha mwana atari tata. ³³ Mubhe meso, mumae kwakubha mtamanyiri enkagaki garibha.(mkomerere omuchafya gunu, "Mubhe abhamairiri, mumae na musabhe kwa kubha" gutari mo muman'goryo gakare). ³⁴ Nkyo muntu unu aragya okutara akatiga omugi, gwaye na okumutura omugaya waye okubha omutungi wa omugi, kira umwi na omurimu gyaye. Na kumuragirirya omurindi yekare meso. ³⁵ Okubha mubhe meso! okubha mutamanyiri ndua omukuru wa omugi anu ariinda hika, eraonekane mugorobha, bhutiku na hagati obutiku, Anu ensarigoko eriragura amwi nyenkyo. ³⁶ Anu arija rumwigo, atarija kunyora oreri. ³⁷ Kirya ndagamba kuuwe ndakigamba kurira muntu okwikara kyo!"