¹ Eribhaga rya njiro hanu ryahika, abhakuru bonseego abha abharya eriku eguru Yeesu bhana bhone okumwita. ² Bhamusibhika, bhaka mkangatya, na okumuhikya ku-riwari pilato. ³ Kweki kwa eribhaga Yuda, unu yaringa yamwira enika, yarora ega Yeesu amariri eniku, yarora ega Yeesu amariri okujibhibhwa yegwa obhubhi na okuhindya ebhibhara mirongo esatu ebhya egi mbhirya ku-musyengeri omukuru na abhakaruka. ⁴ Na akagambha, "Nakora obhusarya kwa okurira eniku amanyinga ganu gatea na obhubhi, Nawe bakakyukya, Eratutunyaki bhetu? Ghamahe gayo uuwe omwene. ⁵ Kweki yabhirekera hansi bhirya ebhibhara bhya egimbirya mwisyenge rero na akeemuka akagya akerigenta omwene. ⁶ Omukuru wa abhasyengeri yabhigega bhirya ebhibhara bhya egimbhirya na akagambha, etari bhujomu okutuura egimbhirya ginu mukibhumbhiko kwa okubha ngyaobhughuri bhwa amanyinga. ⁷ Bhagambhana kwa obhumwi na egimbhirya gigura omugunda gwa omumogi ogwa okubhikira abhageni. ⁸ Kwa ekisigo kinu omugunda guyo gwabha gurabhirikirwa, "omugunda gwa amanyinga mpaka rero inu. ⁹ Kweki erigana inu yanga ehahirwe na omuroti yeemia ryahika, okugambha, "Bhagega bhibhara mirongo esatu bhya egimbhirya, erisabhu rinu ryaturwaho na abhantu bha Israeri kwa orusumo rwaye. ¹⁰ Na bhaikorera ku-mugunda gwa omumogi, kyaego omukuru yanga yandagirirye, ¹¹ Bhono Yeesu yemirira kubhukangati bhwa liwali na liwali akamubhurya, "uuwe ori mukama wa abhayehudi? Yeesu akamukyukya, Nuwe oragambha ego, ¹² Nawe eribaga linu yasitakibhwa na abhakuru bha abhasyengereri na abhakaruka, atakyukya kyonsekyonse. ¹³ Kweki pirato akamukerya, "Otaregwa amasitakibhwa eguru yaho?. ¹⁴ Nawe atakyukya ngana hata imwi, kwa ego liwali yejurwa na ekiruguro ¹⁵ Bhono ku-nyangi bhwanga busimuka bhwa liwali kumsikurira omubhohwa umwi unu wasorwa na omuganda. ¹⁶ Eribhaga riyo bharinga na omubhohwa omukumiru erina ryaye bharabha ¹⁷ Kwa ego eribhaga rinu bhanga bhekumenye hamwi, pilato yabhabhurya, "Niwiunu murenda tumusikurire kwa orusumo rwenyu? Bharabha hamwi Yeesu unu arabhirikirwa kirisitu?. ¹⁸ Kwa okubha yamanya ega. bhamariri okumugwata kwa okubha bhanga na erisikina. ¹⁹ Kumweya gunu yanga arekara kukitumbhi kyaye ekya okujibhya, mukaye ajamuhirira engana yoyonse kwi muntu uyo unu ataana obhubhibhi kwa okubha nyankibhwe bhukongurero mu-kiroto kwa eguru yaye. ²⁰ Ng'o abhakuru bha abhasyengeri na abhakaruka bhakabhangenererya emiganda gimusabhe Bharabha, na Yeesu yeetwe, ²¹ Liwali akababhurya, "Niwi gati ya abhabhiri murenda oni msimu hatire kubhenyu? "Bhakagambha, bharabha. ²² Pilato akabhakekrya, Mukorereki yeesu unu arabhirikirwa kirisitu bhonsego bhakakyukya, "Mumubhambhe. ²³ Wonse agambha, "Kwaki mbhusaryaki bhunu akoreri? Naho bhagendererya okutirya eriisi eguru bhukongu, "mumubhambhe. ²⁴ Kyaego kumwanga pilato yarora atakutura kukora ngana yonseego. nawe kumwanya guyo ekituri kyanga kyambiti, Akagega amanji akesabha amabhoko gaye, kubhukangati bhwa omuganda, na okugambha, oni ntana bhubhi eguru wa amanyingana omuntu unu unu ataana obhubhibhi, Mugamahirire ganu bhenyu bhene, ²⁵ Abhantu bhonsego bhakagambha "Amanyinga gaye gabhe eguru yetu na abhana bhetu,. ²⁶ Kweki akamusekuri bharabha kubheki, Nawe yamtema emijeriti Yeesu na akabhana bheki kugya okumubhambha. ²⁷ Kweki abhasirikare bha liwali bhakamugega Yeesu mpaka praitorio na omuganda omunene gwa abhasirikare bhonsego bhakamwi kumanirya. ²⁸ Bhakamurusya emyenda gyaye na okumuribhohya enkanji ya erangi enkangaru. ²⁹ Kweki bhakakora engofira ya amahwa na kutura eguru ya omutwe gwaye na bhakamuturira erihungu mukubhoko kwaye okwa obhuryo. Bhakegama kubhukangati bhwaye na okumujera na okugambha "Turakukerasiya omukama wa Abhayahudi. ³⁰ Na bhakamutujira amate na bhakayega erihungu na okumutema kumutwe. ³¹ Eribhagatirimu bhamujeranga, bhakamurusya enkanju na okumwi bhohya egingibho gyaye na okumukangatya okugya okubhambhwa ³² Anu bhahuruka kibhara, bharora omuntu kurwa kirene erina ryae simeoni, unu bhamusingi rirya okugya nabho okubha anyore okugugega omusalabha gwaye. ³³ Hanu bhahika ahasi hanu habhirikirwanga Gorogota ensonga yaye, ahasi wa ekihanga kya omutwe. ³⁴ Bhamuhana amanji amaruru ganu gasanganibhwa na enurwe anywe. Nawe hanu yairabha, atatura okwinywa. ³⁵ Eribhaga rinu bhanga bharambha mbha, bhagabhana egingibho gyaye kwa okutema ekura. ³⁶ Bhekara na okumumahirira. ³⁷ Eguru ya omutwe gwaye bhatura amasikyo eguru yaye gau gareyo rokya "unu ni Yeesu, omukama wa Abhayahudi. ³⁸ Abhebhi bhabhiri bhabhambhwa hamwi na eki, oumwi orubhara rwa obhuryo waye na oundi rwa obhumosi. ³⁹ Bharya bharinga bharahita bhamjera, bharasingisya emitwe gyabho. ⁴⁰ No okugambha, "Uuwe unu waringa erenda okunyamura erisyengerero na okurihagaja eginsiku gisatu, witurye omwene! kya ego oringi omwana wa waryubha ituma hansi orwe kumusalabha! ⁴¹ Kwa omwanya gurya gurya abhakuru bha abhasyengeri bharinga bharamutuka, hamwi na abhongoryo na abharuka, na okugambha, ⁴² Yatuuryo abhandi, nawe atakutura okwiturya omwene. Weki nu omukama wa abhayahudi Na yetume hasi kurwa kumusalabha ng'o turamwikirirye. ⁴³ Yesiga waryubha. Tigo warubha amuturye bhono kama arenda, kwa okubha yagambha, onindi mwana wa waryubha. ⁴⁴ Na bharya abhebhi bhanu bhanga bhabhambhirwe hamwi nawe kweki bhahahira amanganaga okumujerwa. ⁴⁵ Bhono kurwansa ensasabha kyanga kisunte kyaro kyonsego mpakansa kenda. ⁴⁶ Hanu yahika nsa kenda, Yeesu yakura kwa eriisi rinene, waryubha wani, waryubha wani, ndarora untigiri?. ⁴⁷ Kwa eribaga riyo bhanu bharinga bhemiriri harya bheegwa, bhakagambha, Aramubhirikira Eliya. ⁴⁸ Rumwi ego oumwi wabho akakerya okugega eriije na okurijuryo ekinywebhwa ekiruru, akatura eguru ya omuti na okumuhana anyore okunywa. ⁴⁹ Nabhonu bhatama bhokagombha, 'mumutige omwene, mutige turore kama Eliya araja okumuturya. ⁵⁰ Kweki Yeesu akakura kwa eriiisi rinene na akairusya omutima gwaye ⁵¹ Maha, erisyuka rya mwisyengerero ryabhoruka mbhara ebhiri kweka eguru mpaka insi. Na erirobha rikarigita na amatare gakabharuka bhiibhara. ⁵² Egimbhihira gyasikuka, na emibhirigya abharabhu mnyaaru bhanu bhanga bhareri egintiro bhahyurwa. ⁵³ Bwarwa mumbhihira omwanyagwa okuhujuka kwaye bhasoha mumugi omurabhu, na bakeyorokya baru. ⁵⁴ Akida urya na urya bhanga bharamumaha yeesu bharora ekirigiti na amangana ganu garinga garebhuka, bhakajurwa na obhobha, na okugambha, "Hene unu yanga omwana wa waryubha. ⁵⁵ Abhakari bhanu bharinga bharamuseta Yesu kurwa Galilaya kwa okumukorera bhanga harya bharamaha kurwa hare. ⁵⁶ Hagati yabho bharingamo Mariamu Magidarena, Mariamu ngina wabo yakobho na Joseph na ng'ina wa abhana bha Zebhedayo ⁵⁷ Hanu yahika mugorobha akaja omuntu omunibhi kurwa Arimathaya, unu yabhirikirwa nga Yusufu, unu kweki yanga omwihigiribhwa wa Yesu. ⁵⁸ Yaagya ku Pirato na okusabha omubhirigwa Yesu kweki Pirato yaragirirya ahanwe. ⁵⁹ Yusufu akagega omubhiri akagubhoha na ngibho ya amakafu amarabhu pee. ⁶⁰ Na akagurarya mumbhihira yaye erigya Erimu yaringa arisongweri kwitare. kweki ahiringitya erigina rinene rikaribha ekiseku kya embhihira na akagya gyaye. ⁶¹ Mariamu magidarena na Mariamu oundi bhanga harya bhekara bhamahiriri embhihira. ⁶² Orusiku runu rwaja runu rwaringa orusiku rwa okwisemya, abhakurubha abhasyengeri na amafarisayo bhekuman'ya hamwi ku pirato. ⁶³ Bhakamukerya, omukuru rwaringa orusiku rwa okwisemya, abhakurubha abhasyengeri na amafarisayo bhekuman'ya hamwi ku pirato. Bhakamukerya, omukuru turahifuka ega kwa eribhaga nerya omung'enererya yanga muhoru, yakagambha, kumweya gwa eginsiku esatu arihyuka kweki. ⁶⁴ Kwa ego ragirirya embhihira yangararwe bhwahene mpaka orusiku rwa akasatu; nawe abhahigira bhaye bhaterija kumwibha na okugambha kubhantu, "Yayuka kurwa mubhantu, Na obhurigani bhwa obhutero bhuribha obhubhibhi okukira obhwa okwambha bharya. ⁶⁵ Pirato akabhakerya, "Mugege abhamiririri, Mugende mukore obhurindi kya ego muratura. ⁶⁶ Nigo bhaja bhakakora embhihira kubha engoru, erigina ryatemwa orubhaso na okutura abharindi