1 Ginke gha ghinu yeesu yamara okugabha gosego gayo, akabhabhurya abheigiribha bhaye. 2 Mumanyiri okubha yegisiku egibhiri kuribha na sikukuru ya Pasaka, na mwana wa adamu arirusibha iri ateswee 3 Nawe abhakuru bha rishengerere na bhakaruka, bha bhantu bhasikana amwi kumweya ghobhukaro mukuru unuyabhiriki rwanga kayafa. 4 Kubhumwi bhakasemya obhungeni bho kumugwata Yeesu kobhugunyi na bhamwite. 5 Okubha bhagabha, etakoreka kumweya ghesikukuru, okubha etarija okukora bhamanye abhantu abhandi, 6 Omweya gunu yaringa Bethania kumweya ghe nyumba ya simoni omugenge. 7 Amuyaringa yanyoroserye kumeja omukari omwi yaja kuweki egegeri mukebhe ghaa arabasta inuyaringa namaguta gho bhojomu bhunene, nagetikirira eguru yomutwe gwae. 8 Nawe abheigiribha bhaye anubharora eghana iyo, bhakabhiirwa na kugabha "Niki okubha obhunabhi bhunu. 9 Nganu ghakaguribhe kwabei yaguru na kuanwa abhataka. 10 Nawe Yeesu, yanga amamjiri rinu, akabhabhurya, "kwaki muramunyakya omukari unu? okubha akureri engana njomu kuoni. 11 Abhataka munabho siku ngosego, nawe mutaribha naoni agati koko. 12 Okubha nyauma amaguta eguru yomubhiri gwani, yakora ego kurusumo ryoruku ryani, 13 Ndabhabhura abhukene osego engana iru erirarikwa kurure rye kyaro kigima, erigana inu yakora mukari unu nawe erigabha kurusumo ryokungituka. 14 N'go oumwi wabhara ekumi na bhabhiri unu ya bhirikirya Yuda Iskariote yagenda kubhakuru bha bhayaudi. 15 Na kugabha, "munganaki anundamugere? mbakamubharira Yuda ebhitita miro ngo esatu, bhegibhirya. 16 Kyego omwea gunu yatuna ghikega khukomojera 17 Ata urusiku robhabhiro ryemikate ginu gina bhutunduru abheigiribha bhamuseta Yeesu na kugabha, "niki urenda kukuretere ora bhakurya bhe pasaka?. 18 Mugende, "mujini kumuntu omwi rebhe na mumubhure, mwiigirya agabhiri, omwea ghani guikiri, nindamare ebasaka amwi nabhaigiribha bhani kumweya ghe sega yani. 19 Abheigiribha bhakora kyego Yeesu yabhorokija, na bhakasemya ebhokura bhe pasaka. 20 anuyaika kumugorobha, yekara kurya ebhokurya nabo amwi nabhara ebheigiribha ekumi na bhabhiri. 21 Anubharinga bhararya ebhokurya akagabha "maene ndabhakerya okubha oumwi wenu arinyanga. 22 Bheganirirya bhukongu, na kira oumwi akabha kumukerya, "nawe obhoene tari oni mukuru? 23 Akagabha, urya aratonga okobhoko kwaye ami naoni kumweya gheribhakuringo arinyanga. 24 Omwana wa Adamu arimuka, kyego yang'oribha nawe omuntu unu arimwanga omwana wa Adamu! ekabheri bhaene kumuntu unu kama atakebhirwe!. 25 Yuda unu akamwangiri akagabha au noni mwiighirya" Yeesu akamubhurya, ogabhiri eng'ana inu uwe mwene. 26 Anubharinga bhararya ebhokurya Yeesu yagega omukate, akagusabhira na kugusunura, akabhaana abheigiribha bhaye akagabha mugege murye ghunu mubhiri gwani 27 Akagega ekikombhe na kukumya akabhaana na kughabha "munywe bhosego kumwenya gunu. 28 Okubha ghanu manyinga gherira gano rani enueretirwa korusumo rya bharu kubhusakira bho bhusarya. 29 Nawe ndabhabhurya, ntarinywa kyeki omujabhibu gunu, adi urusiku rurya ndinywa eng'a amwi nabhenu kumweya gho bhukuru bha tata wani. 30 Anubharinga bhamariri okwibha amebho bharuka bhakagha kunkuku ya gisheka. 31 Ng'o Yeesu akabhabhurya, obhutiku bhunu benyu bhosego murikujura kokubha yaoni, okubha yan'goribha nditema omurisha, egingondi gherikemba ghirinyaragana. 32 Nawe okubha kokuyuka kwani ndibhakangatira kugwa gariraya, 33 Nawe petero akamukeerya, "nawe atabhosego bharisikana kokubha kwamang'ana nganu gharikunyora oni ntarikwanga. 34 Yeesu akamukeerya, obhuene ndakukeerya, obhutiku bhunu esarigoko etarakokorima, orinyanga marakasatu. 35 Petero akamukeerya, ata okubha kakyiri na uwe, ntakwangiri na bheigiribha bhosego bhakamukeerya bhuryabhurye. 36 Gikega egindi Yeesu akagya nabhoasi anuarabhirikirya Gentsemane na akabhakeerya abheigiribha bhaye, mwikare anu anundagya eyo nokusabha. 37 Akamugega Petero nabhana bhabhiri bha Zebedayo na akabha kyitegerera na kubhiirya. 38 Kimwi akabhakeerya, "omutima gwani gwani ghubhiirirye bhukongu ata okukwa mutame an na mubhe amwi na oni. 39 Akagha ebhere atuya kagwa kiutete na kusabha, akakeerya, :tata wani, okubha eraturika, ekikombe kinu kiturye etabha kyego ndenda oni okubha kyego urenda omwene. 40 Akabhagira abheighiribha bhaye akanyora bhareri egintiro na akamukeerya Petero "Kwaki mutaturii kugabha naoni kwe kega imwi?. 41 Mukeshe murasabha naye mutarija kusoa mubhubhibhi, omutima gu riwazi, nawe omubhiri dhaifu. 42 Akagha ghaye ryakabhiri nakusabha akakeerya, tata wani okubha en'gana inu etakuturika ndenda kinywera ekikombe kinu amega gao ghakumibhe, 43 Akinda kyeki naakanyora bhareri engitiro okubha ameso gabho gharinga marito. 44 Akabhatiga kyeki akagha ghaye akasabha marakasatu aragabha man'gana gharya gharya. 45 Kukyega eindi Yeesu akabhaghiry, "Kane mukyareri na kumunya? mumahe ejikegha giikiri na omwana wa adamu arateswa mukubhoko khomusarya. 46 Mwimuke, tugende, maa urya aranga aikiri. 47 Omweya gunuyaringa araaira, Yuda oumwi wabharya kumi na bhabhiri akaika erikemba erinene rikaika hamwi nawe riraryura kubhakuru bhamashengerero nabhakaruka bha baantu mbaja nagipanga na gindungu. 48 Kyeki omuntu unupanga ukumwanga Yeesu yaringa abhasimiri, kukubhakeerya urya, ndimubhusu, n'go weki mumugwate, 49 Gikega giyo yaja kuyeesu nakugamba, "ndakukerawa muigirya? Na akamubhusu. 50 Yeesu akamukeerya, "musani kora rinu rikureteri, "ngo bhakaja na kumorokya Yeesu amabhoko na kumugwata. 51 Orore, omuntu umwi unuyaringha amwi na Yeesu, yanyorosha okubhoko kwaye, akachomora epanga yaye, na akamutema omusakirya wa omukuru, na kumukebha okutwi kwaye. 52 N'go Yeesu akamukeerya, indya epanga yao anuoirusirye, okubha bhosego bhanu bharakurera eoanga bharimarya kyepanga. 53 Muramanya okubha takutura kumubhirikira tata wani, naweki akatumira abhasirikare okukira ekumi na kabhiri yabha maraika. 54 Nawe kwaki okubha amangoribha gakaturiri kuikibha ego nigo erenderya kukurwa. 55 Omweya guyo Yeesu akarikeerya erikemba, "kwaki mujiri na gipanga na gindugu kungyata kyomusarya? kira orusiku nekaranga embere yarishengerero nanga ndorokererya na mutangwata!. 56 Nawe gosego ganu gakoreka okubha amangoribh gabhatumwa gaikibhe, "ngo abheigiribha bhaye bhakamutinga na bhakea ekyanjo. 57 Bhara bhamugwata Yeesu bhamuira owa kayafa owakuani omukuru haasi anu abhangorya na bhakaruka bharinga bhekumene amwi. 58 Nawe Petero yamurwira enyuma kwa are na kumweya gwa kuani mukuru yasoa munyubha na kyikara amwi nabharindi arore kinu kiribha. 59 Abhe abakuru bhabakuani ne ribharaja ryosego bhanga bharatuna obhukiriribha bhobubhei kurwa kuyeesu, okubha bhature okumwita. 60 Nawe bheyorokya abhekirirya bharu, nawe bhatanyora enga na yoseyose, nawe abhekirirya bhabhiri bharwira ebhere. 61 Na kugabha, "omuntu unu yaghabha, "Ndatura kuribhutura erishengero rya waryubha na kuriagaja kwengisiku esatu 62 Omusyengeri, yemirira na kumukeerya atakutura kukeerya? bhanu bharakugabhira kuuwe?. 63 Nawe Yeesu yekara kiri omusyengeri akamukeerya, Nawe waryubha kyego arekara na kusingirirya, aratubhurya kamaumwe kiristu, omwana wa waryubha. 64 Yeesu akamukeerya uwe omwene ogabhiri eringana rinu nawe ndakukeerya kwabhira bhonwego na kugenderera orimurora omwana wa Adamu, yekeri kukubhoko kwobhurwo okye ginguru, na arija kumweya rya masaru gha murwire, 65 Ng'oomusyengeri yatamura egingibho gyaye na kugabha, "amwangiri! nawe turenda kweki obhumirirya bhaki? omaye kweki mwigwiri aramwanga. 66 Kweki mureganirira-ki? bhakekirirya na kumukeerya, "arenderya oruku" 67 Nawe bhakamutujira amate mubhusu na bhakamutema engumi, na bhakamutema amakofi kwa mabhoko gabho. 68 Nokugabha, tumaire owe kiristu muwi akutemeri? 69 Ginkega ngiyo Perto yaringa yekeri kibhara kumweya rioru na mukori wekikari yamugwako no kumukeerya, onse waringa amwi na Yeesu wa bhagariraya, 70 Nawe yanga kubhukangati bhabhosego na kugabha, tamanyiri kinu- oraghabha. 71 Anu yanga kibhara yoryigi omukori ohundi wekikari yamurora nokumukeerya bhari bhariamu, omuntu uyo onse yariaringi amwi na Yeesu wabha Nazareti. 72 Akaakana kweki ko-kugabha onintamanyiri omuntu uyo. 73 Eribhaga erengi okubha- bharya bharinga bhemiriri angi, bhamugyako petero no kugabha, obhuene uwe onse nawe nigumwi wabho ata ekighabho kyao kirorokya. 74 Ngo yabha kwiima na kutena, onintamumanyiri omuntu omu, na omweyaguyo esarigoko ekakonkorima. 75 Petero yaituka amangana ganu yakeeribha na Yeesu nawe esarigoko etarakonkorima orinyanga kasatu.