¹ Eribhaga riyo yahaira nomuganda gwa abhantu na abheigiribwa bhaye Akagamba. ² Abhang'ori na mafarisayo bharekerira ekitumbi kya Musa. ³ Kwego kyokyonse bhanakyo bharatura okukora, mkore enu murabhekomya, Namie mtaja okuso-ha mumakorwa gabho, ko kubha bheki bharagamba amang'ana ganu bhatagamanyiri. ⁴ Mahene, bheki bharabhoa emiganda emiritu ginu mbukongu okugigega, kweko bharabhagegya abhantu kumariko gabho nawe bheki abhene bhatakusuntarya jora ekipara okugega. ⁵ Amakorya gabho gonsego bharagakora kokubha bharenda bhamawe na abhantu Name bheki bharagarihya omasandiko gabho bharangerya obhuene bhwa emtenda gyabho ⁶ Bheki bhaanjiri okukara ahasi yobhu tungi munyangi kora kubhitumbi bhija etungwa mwisyengerero. ⁷ Nokukerenibhwa kwentungwa ahasi yo mudira nokubhirikirwa "Abheigirya na abhantu. ⁸ Nawe bhenyu mutakwenderwa okubhirikirwa "Abheigirya" kokubha mna omwiigirya oumwi okubha bhenyu bhonse go mbahiri. ⁹ Mutakamubhirikira omuntu wowonse mukyaro hanu ega nisewenyu kokubha munawe esewenyu umwigo wonse aringi murwire. ¹⁰ Kwego mutaja okubhirikirwa bheigirya kokubha munawe omwiigiiga umusigo ng'o kiristu ¹¹ Nawe weki mukuru gati ya bhenyu alibha omugaya wenyu. ¹² Wowonse unu aretiirya arikibhana wowonse unu areikya aritiribhwa. ¹³ Nawe igorore bhenyu, abhang'ori na Abhafarisayo abhabhei murashasikira abhantu ubhukama bhwa na mutakubhendera bhanu bharaso-ha okukorago. ¹⁴ Tigaorore bhenyu abhaang'ori na Abhafarisayo abhabhei kokubhwa murabhamira abhasino. ¹⁵ Tigorore bhenyu abhangori na Abhefarisayo abhabhei, murambuka kuwaramba gwa enyanja nokwika okumukora omuntu oumwi akumye ganu mureigirya, nokubha nkyabhenyu murakora kabhiri omwana wa enyanja yomurure kya bhenyu nkyego muringi, ¹⁶ Tigaorore bhenyu abhakuru abhohoku bhenyu bhanu muragamba wowonse unu aratena kwisyengerero kitari kintu Nawe unu aratena kujaabhu yeriyengerero abhoherwe na emuma yaye. ¹⁷ Bhenyu abhaoku abhakangi nkiya ekinene okukira ekindi ejaabhu kasi erisyengerero rinu riturirwe (wakihu) ajabhu kuwaryubha? ¹⁸ Na wowonse unu aratena kubhutura kitari kintu nawe unu aratena kukimunene inu eringi eguru yaye abhoerwe nemumagaye. ¹⁹ Bhenyu abhantu abhaoku nkiya ekinene okukira ekindi ekitara kas ejaabhu inu eratuurwa bhujomu ekimwenso kinu kirarusibwa kumaryubha ²⁰ Kwego unu aratena kukitara aratea kyio na kubhintu bhyonsengo bhinu bhiriguru yaye. ²¹ Na unu aratena kwisyengerero aratera kuriyo na kuunu arekara munsi. ²² Na unu aratera kukiti ekikuru kuwaryubha na wowonse unu arekara eguru yakyo. ²³ Tigaorore bhenyu abhang'ori na abhafarisayo abhabhei kokubhwa murariho ekimwero kubhirungo kwego muratiga amang'ana amarito ga eragiriryo kiyabhira bhuene. Nawe ganu murenderwa okubha mugakoreri kuriko okutiga agindi okutiga okugakora. ²⁴ Bhenyu abhemiriri abhaoku bhenyu bhanu murayung'ya ebhibhungi ebhike nawe muramira engamia. ²⁵ Tigaorore bhenyu abhang'ori na Abhafarisayo abhabhe, kokubwa murogya kibhera ebhikombe nawe munsi ejwiri obhuchafu. ²⁶ Bhenyu Abhafarisayo abhaokumogye kwanza munsi wekikombe na munsi wekisaani norubhara rwakibhara ronse rubhe orurabhu ²⁷ Tigaorore bhenyu abhang'ore na Abhafarisayo abhabhei kokubhwa murahunka na negimbiira ganu gaakwa simti inu kwa kibhara garorokya majomu Name munsi gejwiri amagua ga abhaku na kila ekintu kinu nkibhibhi. ²⁸ Kwegoego monse kibhara murobhoke abhobhuhene embere ya abhantu kwokubhwa kwa munsi mwijwiri obhubhei. ²⁹ Tigaorore bhenyu abhang'ori na Abhafarisayo Abhabhei kukobha murahagaja egimbiraga abharoti nokugajomya embiira gya abhaene. ³⁰ Bhenyu muragamba kokubha tukekeri eginsiku gya bhesewetu tutanga tureka ya amwi nabheki okuitira amanyinga ya abharoti. ³¹ Kwego bhenyu muremahira bhenyu abhene okubha bhenyu mbana bha bhanu bheta abharoti ³² Kweki bhenyu murahikya okwiijurya aasi anu arenda obhusarya bhwa bhesewenyu. ³³ Bhenyu eginjoka abhana bha amajoka kue kisigoki muratiigame nobhujibha bhwa munyanja yomuiro. ³⁴ Kwego maha ndabharagirirya kubhenyu abharoti abhantu bha entungwa, na abhang'ori Abhamwi bhabho murabhete nokubhabhamba. Na Abhamwi bhabho muribhatema umasyengerero genyu no kubhkenhya okureka mumungi ogumwi mpaka ogundi. ³⁵ Ekimanyiriryo niga amanyinga, gonsego agabhahene ginu gyetika mukyaro, okwambira amanyinga ga Habhiri wobhuhene mpkaa kumanyinga ga Jakaria omwana wa Bharakia unu mweta gati ya abharabhu na ebhitara. ³⁶ Mahene ndabhakerya amang'ana ganu gonsego garikinyora orwibhuro runu ³⁷ Yerusalemu, yerusalemu, uwe unu orabheta abharoti nokubhatema amagina bharya bharatumwa kuuwe nkaringi nabhakumanya abhana bhaho Amwi kyego enkoko erakumanya ebhijuju bhaye insi wa amabhabha gaye Nawe oekirirya. ³⁸ Maha enyumba yao esagiri obhumo emure. ³⁹ Nose ndakubhurya okwambira bhanwego nokugendererya otakyandora mpaka anu orihaira. Anohkerwe unu araja kuu erina rya Tata