¹ Yeesu akagendererya okwihirirya Abhafarisaayo na abhasyengeri abhakuru kwa ebhirengyo ebhindi ega,. ² "Obhukama bhwa murwire bhura hunkana na obhwenga bhunu omukama umwi yaakorera omwana waaye. ³ Omukama uyo akatuma abhakori bha emirimu bhaaye, bhagye okubhirikira bhanu yaaringa araarikiri okuja mubhwenga, nawe, bhonsego bhakaanga okuuja. ⁴ "Kweki, akatuma abhakori bhemirimu bhaaye abhandi ega, "mugende mubhakerye abhantu bhanu naharaarika ega, 'mmariri okuseemya kira ekintu kya obhwenga. Ngoogeri eging'ombe gyani eginure hamwi na egintugo egindi eginure ebhintu bhyonsego bhimariri okubha mugende mubhwenga. ⁵ Nawe, bhanu bhaaringa bharaarikirwe bhakajeera bhakagya kumirimu gyabho oumwi akagya kumugunda gwaye, na oundi akagya kumugunda gwaye, na oundi akagya kubhyasara bhaye. ⁶ Abhantu abhandi bhanu bhaatama bhakabhagwata abhakori bha emirimu bha omukama urya, bhakabhatema bhukongu na okubheeta. ⁷ Mbe, hanu omukama uyo yeegwaganu gabhanyooreri abhakori bha emirimu bhaaye, akajima, bhukongu. Akatuma abhasirikare abheeti bharya na okusamba omugi gwabho. ⁸ "Kimwi, omukama uyo akakerya abhakori bha emirimu bhaaye ega, "Ebhintu bhyonsego bhya obhwenga bhimariri okuseemibhwa, nawe bhanu naararika okuja mubhwenga, bhataaringa bhareenderwa. ⁹ Mbe bhoono, mugende kuginjra gya nyamansana, bhobhonse bhanu wa kanyoore mubhakeerye bhaaje mubhwenga. ¹⁰ Abhakori bha emirimu bhayo bhakagya kuginjira gya nyamansaana bhaka kuman'ya abhantu bhonsego bhanu bhaanyoora, bhabhe abhasarya kasi abhaheene, obhwenga bhukeejura abhageni. ¹¹ "Nawe hanu omukama urya, yaasoha munyumba munu obhwenga bhwaringa bhurakorekera, okumaaha abhageni, akamurro omuntu oumwi unu ataaringa yeebhoheri emyenda gya obhwenga. ¹² Akamubhuurya ega, "omusaani waani, osoheri egaki munu enu oteebhoheri emyenda gya obhwenga? omuntu uyo, akabhurwa erya okugamba. ¹³ Kimwi, omukama uyo akakeerya abhakoribha emirimu bhaaye ega, "Mumubhohe omuntu unu amaguru na amabhoko na muwese kibhara mukisunte. Eo g'yo, abhantu bhari bhanga bharakura na okusya ameeno". ¹⁴ Yeesu akamarisirya kwa okugamba ega, "Abhantu bhanu bharabhirikirwa okusoha mubhukama bhwa murwire m-bakego bhanu bhaasorwa okusohamo ¹⁵ Mbe, Abhafarisaayo bhakagya bhakeeku manya okutuna enjira ya okumugwaya yeesu kwa aman'gana gaaye. ¹⁶ Kimwi, bhakatuma ku yeesu abheehi gira bhaaringa, na abhantu abhandi bhanu bhaaringa abhabheeri bha omukama Herode Anipa. Bhayo bhakamwino gorya ega, "Ee omwihigirya, tumanyiri ega, uuwe m-muntu wa heene na ega, oreehigirya obhuheene eguru ya amang;ana ga waryubha. Tumanyiri ega, uuwe otakoobhoha omuntu wowonse, kora akabha omutungi wa eguru. ¹⁷ Bhoono mbe, otukeerye uuwe orararo egaki. Tureenderwa okutobha erigooti kumutungi omukuru, kasi-ha ¹⁸ Nawe, yeesu akamanya eniku yaabho, akabhakyukya ega, "Bheenyu bhanyarwa mbe, kweki murasakya okuntega?. ¹⁹ Munyorokye egimbirya ginu murarihira erigooti. Bhonse, bhakamuhaana omunyaraga gumwi. ²⁰ Nho, yeesu akabhabhuurya ega, "Epicha inu na amang'ore ganu gang'ore rwe kumunyaraga gunu m-byawi?. ²¹ Bhakamukyukya ega, "M-bya omutungi omukuru yeesu akabhakeerya ega, "mbe, mumuhaane omutungi omukuru ebhya omutungi omukuru, ²² Hanu bheegwa erikyukya rya yeesu, bhakaruguura bhukon'gu bhakamutiga hayo, bhakeemuka. ²³ Orusiku ruyoruyo, Abhasadukaayo nyabhurebhe bhakaaja ku Yeesu. Abhasadukaayo mbo bhaaringa bhaaree higirya ega, obhukyuki bhwa abhakubhutariho, Nho, bhakamubhuurya yeesu ega. ²⁴ "Ee omwihigirya, musa yaaturagirirya mumaragiriryo gaaye ega, nyoore omusaaja araakwe na atige omukari waaye ataana abhaana, omumura waabho amutete omukari uyo, naho amwibhurire omumura waabho abhaana. ²⁵ Mbe, bhaaringa-ho abhamura muhungati abha endaimwi omutangi akateta omukari, akamara akakwaatareebhura omwana mbe, omumura waabho wa kabhiri akamugabha omusino uyo. ²⁶ Omumura waabho wa kabhiriwonse akateta omukari, akamara akakwa atareebhura omwana na omusino uyo. omumura waabho wa kasatu wonse, akamugambha omusino uyo, akakwa atareebhura nawe omwana ekabha egoego kubhamura bhayo bhobsego bhaakwa bhateebhwiri nawe omwana. ²⁷ Kubhutero, omusino uyo wonse akakwa. ²⁸ Bhoono otukeerye, orusiku runu abhantu bharihyuka, omukari uyo, aribha wawi gati ya abhamura muhungati bhayo? kwa okubha bhonsego muungati bhaaringa bhamuteteri?. ²⁹ Yeesu akabhakyukya ega, 'Bheenyu murabhura bhukong'u kwa okubha mutamanyiri ganu gaang'orwa mumang'ore Amarabhu, kweki mutamanyiri obhuturo bhwa waryubha kya ego, bhuringi. ³⁰ Orusiku runu abhantu bharihyuka bhatarireta kora okutetwa Bharibha kya bhamaraika bhamurwire, bheeki bhatakuteta kora okutwetwa. ³¹ Nawe, eguru ya okubhyuka kwa abhaku, bhoono mutarasoma mumang'ore Amarabhu ering'ana rinu waryubha yaabhakeerya ega. ³² Oning'-waryubha wa Abharahamu Esaaka na Yakobho? Yeesu akagendererya okugamba ega, "mbe, waryubha ataringi waryubha wa abhakunawe ng'-waryubha wa abhahoru. ³³ Hanu emiganda gya bhantu bheegwa gayo, bhakaruguura bhuko ng'u kwa ameehigiryo gaaye. ³⁴ Abhafarisaayo hnu bheegwa ega yeesu yaaringa ahigiri bhasadu kaayo kwa obhugambi bhwaye, bhakeekuman'ya hamwi. ³⁵ Kimwi, bhakagya ku yeesu, na oumwi waabho unu yaaringa omwihigirya wa amaagiriryo, akasakya okumutega. Akabhuurya ega, ³⁶ "Ee omwihigirya, eriragiriryo erikuru okukira agandi gonsego ga waryubha n-diiha? ³⁷ Yeesu akamukyukya ega, "Omuhanje omukuru waryubha waaho kwa omutima gwaho gonsego na kwa enkoro yaaho yonsego na kwa obhung'eni bhwaho bhonsego. ³⁸ Riyo ndyo eriragiriryo erikuru okukira amaragiriryo erikuru okukira amaragiriryo agandi gonsego, kweki ndyo riina obhwera okukira agandi ³⁹ Eriragiriryo rya kabhiri ryonse riina obhwera kya riyo, ryonse riragamba ega, "omuhanje omurikyaho kya ego oreehanja uuwe omwene?. ⁴⁰ Amaragiriryo gonsego ga musa na ameehigiryo gonsego ga musa na ameehigiryo ga abharooti gareesigira amaragiriryo gabhiri gayo". ⁴¹ Abhafarisaayo hanu bhaaringa bhakyeekumeenye hamwi hayo, yeesu akabhabhurya ega, ⁴² Mureeganirirya egaki eguru ya kiristu omutuurya m-muhiirwi Bhakaukyukya ega, M-muhiiri Daudi. ⁴³ Yeesu akabhabhuurya ega, nyoore gayo n-ga heene, kwaki omutima gwa waryubha gwamoorokererya Daudi amubhirikire kiristu ega "omukuru, aragamba ega. ⁴⁴ Omukuru waryubha yaamukeerya omukuru waani ega, Ikara orubhaara rwani rwa obhuryo, okuhikira hanu ndituura abhasigu bhaabho hansi ya amaguru gaaho? ⁴⁵ Nyoore audi aramubhirikira kiristu ega, "omukuru, bhoono kiristu aratura egaki okubha omuhiiri waaye?. ⁴⁶ Atariho omuntu wowonse unu yaatura okumukyukya ryoryonse kora okwambira orusiku ruyo, atariho wowonse unu yaasakya kweki okumubhuurya yeesu amabhuuryo agandi.