¹ Yesu hanu yamara okukeerya omuganda gwa abhantu amang'ana gayo gonse ego, okusoa mumugi gwa Kapernaumu. ² Mumugi gayo, yaringamo omukuru wa omutumwa waye na yaringa omuhunjiri bhukang'u Nawe omutumwa uyo yaringa omurweri omusingu. ³ Mbe omukuru uyo, hanu yegwa amang'ana eguru ya Yesu akatuma abhakaraka bha ekiyaudi ku Yesu ega, mugende mumusabhe yaje okuhwenya omutumwa wani. ⁴ Abhakaruka bhayo hanu bhahika ku Yesu bhaka mkomereryu bhukong'u ega omukuru huyo arenderwa omuturyu. ⁵ Kokubha ahanjiri ekyaro kyetu ng'o yatuagajira erisinagogi. ⁶ Mbe Yesu akemuka hamwi, abhakaruka bhayo okugya iika wa omukuru uyo. Hanu bhahika hang'i na enyumba yaaye omukuru uyo akatuma abhasani bhaye ku Yesu bhamkukerye omukuru Yesu tiya okwinyankya. Ntakwenderwa unumo hosowe iika wani. ⁷ Na nkyo ndaaji ega ntaana obhwera kora niije ku uuwe. Nawe agambe ering'ana rimwi ego omugaya wani hawene. ⁸ Kokubha oni ndigi insi ya abhakuru bhaani na niina abhasirikare bhanu bharinga insi waani. Hanu ndakeerye oumwi, ogende rumwi ego aragya. Na hanu ndakeerye oundi Njo rumwi ego araja. Na omutumwa wani ndamukyerya ega kora ekintu nyabhurebhe ni ego arakoru. ⁹ Yesu hanu yegwa gayo akarugura bhukongu. Akeekyukirya omuganda gwa abhantu bhanu bhaaringa bharamseta akagamba ega Ndabhakeerya ega koru gati ya Abhaisraeli bhonsego nkyari okurora omuntu wowonse owa eimani ya ekabhira inu. ¹⁰ Mbe ubhusani bhayo, hanu bhaahinda iika wa omukuru uyo bhakanyoora omugaya uhweneri. ¹¹ Eribhaga erindi ekego Yesu akagya mumugi gwa Naini. Aringi aumwi na abheehijira bhaye na abhantu abhandi abhaaru. ¹² Na hanu yaika haang'i mukiita kya omugi akasikana na abhantu bhagegeri omumira wa ekisaja, omusaja uyo yaringa mumwemwe, na ng'ina waabho yaringa omusino. Omukari uyo hamwi na hamwi na abhantu abharu bha mumugi guyo bhagyanga okumubhiika. ¹³ Okuru Yesu hunu yamurera omusino uyo akagwatwa ekyabhira akamkeryu ega otige okukura. ¹⁴ Akasuntara amachera ganu omuku yaringa ko akagakunya. Na abhantu bhanu bharinga bhagagegeri, bhakemirira Yesu akagamba ega mura ndakukerya ega hyuka. ¹⁵ Rumwi ego omusaja uyo akahyuka akeekaya, akaamba okuhaira kweki. Nho Yesu akamugwatya kung'ana waabho. ¹⁶ Abhantu bhayo bhonsego, bhakaragara bhukong'u bhaakamba okumukunya Waryubha bharagamba omuroti omukuru arwiriri gati yeetu. Bhakagamba kweki ega Waryubha yajiri okuturirya abhantu bhaye. ¹⁷ Amang'ana gayo gakumanyikana bhukong'u kukyaro kya Yudea kyonsego, nu kubhyaro ebhindi bhya hang'i. ¹⁸ Eribhaga Yesu yaringa wakoru gonsego gayo abhehigira bha Yohana omubhajiti, bhakaretera Yohana amang'ana gonsego. ¹⁹ Yohana onse akubhabhirikira abhabhiri bhaabho akabhatuma bhagye okumubhurya omukuru Yesu ega, Tumanyiri ega Kristu arija, nuwe kasi tuganyirire oundi? ²⁰ Ego hanu abhabhiri bhayo bhamuhikira bhakamukerya ega Yohana omubhatiji atutumiri ku umeki tukubhurye ega, Tumanyiri ega Kristu arija nuwe kasi tuganyirire oundi? ^{21 23} Eribhaga riyo riyo Yesu yaringa nerawenya abhantu abharu abharyeri gaabho yahwenyanga abhantu bhanu bhajuuribhwe na ebhihwi ebhibhi na akabha arabhasa kirya abhahukuru abhaaru bharore. ²² Nho Yesu akabhakyukya abhehigira bhayo ega, mugende mukyerye Yohana ganu gonsego muruuji na ganu mwigiri Ega abhakuru bhararora abhabheru bharagenda bha yanonkwa omuntu unu atakubhurya eimani yaaye ku oni. ²⁴ Abhabhiri bhayo hanu bhaagya Yesu akamba okubhurya omuganda gwa abhantu eguru ya Yohana, ega, mwaringa murigya okumahaki kukibhara? Omwanji gunu gurasingisibhwa singisibhwa na omuyaga? Hamuna! ²⁵ Mbe mwaringa muryagya okumahaki? Omuntu unu yeebhoheri egingibho ginjomu? Abhantu bhanu bharebho ha egingibhi gya obhuguru obhunene, na okwijomya kwa obhwaru bhwu ebhintu bhinu banabhyo bhatakwenda okwikara kukibhara, oranyora bharekora munyumba eginene gya ekikama. ²⁶ Bhono mwaringa muryagya okumahaki omuroti? yee! Ndabhakerya ega Yohana arakira wowose. ²⁷ Kumang'ore amarabhu Waryubha arahairira eguru ya Yohana aramukerya Kristu, ega igwa ndamutuma omugumbi waani akukangatire naho akuseemerye enjira. ²⁸ Yesu akagamba kweki, omi ndambhakerya ega, gati ya abhantu bhonsego, atariho omukuru okukira Yohana. Kora ego kubukama bhwa Waryubha omuke okukira abharikyaye ng'o omukuru okumukira. ²⁹ Mbe abhantu bhayo bhonsego hamwi na abhatobhya bha erigoti hunu bhegwa amang'ana gayo bhakaekirirya ega, ekina kya Waryubha kubheene kyaringa ekijomu. Abhantu bhayo mbo bhunu Yohana abhatirirye. ³⁰ Nawe Abhafarisayo na abhehigirya bha amaragiriro ga Waryubha, bheeki bhakanga ganu Waryubha yendanga, kwo okubha bhangiri okubhatijwa na Yohana. ³¹ Yesu akugamba kweki ega, abhantu bhanu bharanhakanya mbahuukunye naki? Mubhantu bha egaki? ³² Bharahuukana na abhaana bhanu bheekeri mumudiira bhararagiriranya ega Tubhateemeri ameembo ga okusurumbara, nawe imutaaramiri. ³³ Kwa okubha hanu Yohana omubhatiji yaaja atararinga ararya emiakate kora okunyu wa edivai. Bheenyu muragamba ega, agwaterwe na ekihwi ekibhibhi. ³⁴ Na hanu omwana wa Adamu yajiri weeki ararya emikate na okungwa edivai. Bhoono bhenyu muragamba ega mumaahe ni muhubharu, kweeki mumureebhi! Na mumusaani wa abhatobhya bha erigoti na bha obhusarya. ³⁵ Kora ego, bhonsego bhanu bharamusuuka Waryubha bhararokya ega egitungwa gyaye na gyahene. ³⁶ Yaringa omufarisayo umwi unu yabhirikirwanga Simoni. Akararika Yesu yaaje okurya ikumuye. Nho Yesu akasoha munyumba ya omuntu uyo akekara kumeja. ³⁷ Mumungi guyo yaringamo omukari umwi unu yaringa amanyikani ega mumuntu omusarya. Mbe omukari uyo hanu yegwa ega, Yesu orarya owa omufarisayo akasoha muyo na enchupa enjomu ya abhuruge bhwa abhuguri obhunene. ³⁸ Akemirira hang'i na amaguru ga Yesu akamba okukuuya, amesori gaaye garonyanga kumaguru ga Yesu. Akabha aragehya na entuukya gyaye arabhusu amaguru ga Yesu na okugahaka obhurange. ³⁹ Omufarisayo uyo hanu yarora gayo akeete gegera munkoro yaeye ega omuntu unu akaabheri omuroti akumanyiri ega omukari unu aramukunya mumuntu wa egaki. Akamanyiri ega weeki mumuntu omusarya. ⁴⁰ Yesu akamukurya Simioni niina ering'ana ndeenda okukerya. Wonse akamukyukya ega omwihigirya nkeerya Yesu akagamba ega. ⁴¹ Bharinga ho abhantu abhabhiri, bhonsego bharinga bharatongwa egimbirya na unu yaringa abhaheri esiri. Oumwi wabho yaringa aheerwe esiri ya edinari magana gatanu, omurikyaye wonse akahanwa esiri ya dinari mirongo etanu. ⁴² Abhabhiri bhayo hanu bhabhurwa egimbirya gya okuaka egisiri gyabho unu yabhahana esiri akabhabhira bhatige okumuhira mbe ya abhahiri bhayo ng'uuha yamuanja bhukong'u okukira omurikyaye. ⁴³ Simoni akamukyukya ega, Ndamanya ng'o unu yabhirwa esiri enene. Yesu akagamba ega okyukirye bhujomu. ⁴⁴ Yesu akamukyukirya omukwi huyo akamukerya Simoni ega oramurora omukari unu? Hanu usoheri munyumba yaho otankara bhisya kwa okung'ana amanji ga okogya amaguru gani. Nawe weki yoogerya amaguru gani na amesori gaye na okugehya na egintukya gyaye. ⁴⁵ Uuwe otunkeranya kwa okumbusu nawe kya ego nsohari munu weki akyari okurosa okumbusu amaguru gani. ⁴⁶ Otunsukiri kwa okuhaka omutwe gwani amaguta nawe weeki ahakiri amagutu gani obhurage. ⁴⁷ Kwa ego ndakukerya ega kwa bhurya amega ga omukari uyo mumaaru eroorokya ega obhusarya bhwaye, obhwani bhumariri okwabhirwa. Nawe wowonse unu yabhiirwe omusarya bhuke, uyo aranyora yaana amega makego. ⁴⁸ Yesu akamukerya omukari uyo ega obhusarya bhwaho bhwabhiirwe. ⁴⁹ Abhageni bhanu bharinga kumeja hamwi nawe bhakahamba okwibhurya ega niwe unu arabhira kora obhusarya. ⁵⁰ Hayo Yesu akamukerya omukari uyo ega oturibhwe kwa okubha unyikirirye! ogende na omurembe.