¹ Kwaokubha Kristo yanyankibhwa kumubhiri mwibhohe egisikha girya girya weki yanyankibhwa kumubhiri yarwa mo mubhusarya. ² Omuntu unu atakugendererya kweki okubha nayo orunamba rwa omubhiri naho amega ga Waryubha kuginsiku gyaye ginu gyatigara. ³ Kwaokubha gyaita kukora amang'ana ganu abha ekyaro bharenda okukora ufisadi eng'ana embibhi obhukeebhi, orunamba, eginyangi gya abhapagani na amasyengereryo ga amasanamu ganu gana obhusarya. ⁴ Bharaeganirirya ekiruguro okukora amang'ana gayo amwi nabho ego bharigambha obhusarya eguru yeenyu. ⁵ Bhararusya erisabhu kuweki unu yana obhwangu bhwa okwijibhya bhanu bhario na bhanu bhakwa. ⁶ Kwaokurara go bhakagya okubhahirira ering'ana rya Waryubha owabho bhanu bhamara okukwa okubha anuerabhe bhamara okujibhibhwa okubhe emibhiri gyabho okubha abhantu okubha bhanture okumenya okuring'ana na Waryubha okubha omutima ⁷ Obhutero bhwa amang'ana gonse bhuraja naha, mubhe obhumanyi bhunu bhunu bharingi bhwahene mubhe na omoyo omujomu. ⁸ Okutura okumanya amang'ana gonsego mubhe na ekitunyo okubha obhuhanje kwa okubha oumwi kwa okubha abhuhanje bhutakutuna okorekya obhusarya bhwabhandi. ⁹ Morokye obhuhanje kwakira kumuntu oumwi okubha omwing'eeryo. ¹⁰ Kyego oumwi weenyu yanyoora aribharu akitumire kukukarerana kya abhemiririri abhakomu bha ebhibharo ebhijomu ginu gyarusibhwa bhwa na Waryubha. ¹¹ Kyego omuntu arahaire mubhe kya obhutongeri bhwa Waryubha nanyore omuntu orakora emirimu gya Waryubha noho kwerira ering'ana Waryubha aratura okuking'ibhwa okuita ku Yesu Kristu obhukuru na bhuturo bhuna weeki na koko. Amina. ¹² Abhahanjwa mutige okubhara erisakya rinu riraja kubhasakya nnyore ekintu kirimo ekigeni kwa okubha kuna ekintu kinu kyabhanga kirorekerera kubheenyu. ¹³ Nao kyego murongerya okunyoora obhuturo bhwao kunyankibhwa kwa Kristu mujomerwa kwaokubha mujomerwe na mukiririrye mho obhusikuri bhwaobhukuru bhwaye. ¹⁴ Erabhe mutukirwe kwa erina rya Kristu munonkerwe kwaokubha na omutima gwa obhukuru na omutima gwa Waryubha yekeri eguru yeenyu. ¹⁵ Naho etigekubhaho yoyonse omwene okunyankibhwa naho omwiti, omwibhi omukori waobhusarya okwinyankirya na amang'ana ga abhandi. ¹⁶ Naho erabhe omuntu aranyankibhwa nyoore mmu Kristu atigeokurora eginsoni bari okunon'ya Waryubha kwaokubha kurina riyo. ¹⁷ Kwaokubha eginsa gihikiri kwa obhujibhya okwambira okubha ensega ya Waryubha. Naokubha erambira kubheetu erabha egaki kubharya bhatakurigwa ering'ana rya Waryubha. ¹⁸ Na nyoore omwene obhuhene okutuuribhwa okutira amakong'u erabha egaki erabha egaki kumuntu unu atana obhuhene na omwene obhusarya. ¹⁹ Kwaokubha bhanu bhonse bharanyanka okrekana na amega ga Waryubha okuana nafsi gyabha kwa omubhumbi omuhene okubha bharakora amajomu.