¹ Ne nkisema kwao. "Ni kweii nkisemamwenu, baanzi yenu wantu wegookao hanu nkawana waonje ufu kabla nkawazati kuwaona ufaume wa Muungu?" ² Baada ya siku ndandatu Zumbe Yesu kawadoa Petuo, Yakobo na Yohana hamwe nao mwimani, ikedu, Ne avoka kubadiika mbee yao. ³ Nguo zakwe zivoka kung'aa mno, meupe sana, meupe kuliko mna'aza yeyose duniani. ⁴ Ne eliya hamwe na Msa wekuawiaho mbee yao naho ne wakatamwiya na Zumbe Yesu. ⁵ Petuo ne ajibu amwamba Zumbe Yesu. "Mwaimu ni vyedi swisi kwekaa aha. Tizenge makumbi matatu,dimwe kwaajili yako, tuhu da Msa na tuhuda Eliya" ⁶ (Kwa ajii nkekumanya cha kutamwiya waogoha sana.) ⁷ Zunde diawia na kuwagubika. Ne sauti yekuawaho mwe zunde yaamb. "Uyu ne mwanangu ni mkundae, Mtegezeni yeye" ⁸ Maa, wekuwaho wakakauwa, nkao kumwona yeyoso hamwe nao, isipokuwa Zumbe Yesu tu. ⁹ Wekuwaho wakaseya kuawa kwe mwima, kawafingiz wasekusema mbui yeyose kwa mntu yada yose wekuyaonayo. Mpaka mwana wa Adamu ondaho agubulwe kuwa mwe ufu. ¹⁰ Nee wwanyamaa na mbuu inu wao wenye akiniwatamwiya wenye kwa wenye ni mbuii yani inu na maana yakwe "Kugubulwa kuawa mwe ufu. ¹¹ Wamuuza Zumbe Yesu, kwa ajii yani waandikao wamba ni lazima Eliya eze kwaza. ¹² Akawamba ni kweii onda ezee kwanza kuokoa vitu vyose. kwa ajii iyaandikwa mwana wa Adamu onda enkigwe suuba nyingi na kuemewa. ¹³ Iya nagombeka kwenu Eliya keza kae na kumgosoavyo wakudavyo, inga viya maandiko yambavyo kwaajii ya yeye." ¹⁴ Na wekuuyaho kwa wahinywa, waona bunga kuu diwazunguka masadukayo wekuwao wakabisha nao. ¹⁵ Na wekumwonaho, bunga dose didunduwaa na kumguu kiya kuugusa. ¹⁶ Akawauza wahinywa wakwe, mwaminyana nao kwajii ya mbwai. ¹⁷ Yumwe mwesia bunga ne ajibu, "Mwaimu nkimweta mwanangu kwako,ananpepo mchafu aimgosoaye asekutamwiya. ¹⁸ Na amtenda azingize na kugwisa asi, na kuawa fuo mwe muomo na kugigina meno na kukankamaa. Nkimbeza kwa wahinya wako wamwaavye npepo, akini nkaokudaha. ¹⁹ Ne awamba "Kivyazi chesicho kuamini nonda nekae nanyi kwa muda wani? Nonda nidoea ne na nywinywi hata ini? Mweteni kwangu? ²⁰ Wamweta mwanawe, Npepo ekumwanaho Zumbe Yesu ne azingiza. Mbwanga kagwaasi na kuawa fuo mwe kanwa. ²¹ Zumbe Yesu ne amuuza tati yakwe. "Inu hali ni ya muda wani? tati yakwe kamba. "Tangu mdodo. ²² Saa ntuhu ogwa mwe mot, mwemazii na kwonda tionee mbazi msaidie." ²³ Zumbe Yesu kamwamba, Iya wakunda? kiya kintu chadahikana kwa yeyose aminiye". ²⁴ Maa tati yakwe da mwna akaiyaa na kwamba "Naamini nioneambazi kwese kuamini kwangu" ²⁵ Ukati Zumbe Yesu ekuonaho bunga dagukia kwao, Kakemea npepo mchafu na kwamba "Wee npepombubu na kiziwi, nakwamba mwekee, usekwengia kwakwe vituhu" ²⁶ Kaiya kwa nguvu na kumhangisha mwana na npepo kaawa. Mwana kaoneka inga kafa. Nee wangi wagombeka "Kafa". ²⁷ Akini Zumbe Yesu amdoa kwwa mkono akamwemu, na mwanane agooka. ²⁸ Iya Zumbe Yesu ekwengiaha nyumbani, Wahiya wakwe wakamuuza nkandai, "kwa ni nkatokudaha kumuavya. ²⁹ "Akawamba, "Kwa sia inu nkalawa iya kwa kuomeza. ³⁰ Waawa hada kugombeka Galulaya nkukunda mntu yeyose amanye weiho. ³¹ Nee akawahinya wahinywa wakwe, kawamba "Mwana wa Adamu ondaegalwe mwe mikono ha wantu na wonda wamkome ondaho afe. baada ya siku tatu onda agubulwe vituhu. ³² Iya nkaokumanya asemayo na waogoha kumuuza. ³³ Nee wekubuaho kaperanaumu, ukati ekuwa ho mwe nyumba ne awuza."Nee mkatamwiya mwambwai siai"? ³⁴ Akina wawa wanyamaa. ne wawa na mabishano siai kwamba ni ndai ni mkuu zaidi. ³⁵ Kakaa si akawetanga kumi na mbii hamwe, ne asema nao. Inga yeyose akunda kwa wa bosi ni lazima awe wa mwisho na mndima wa wose." ³⁶ Kamdoa mwana mteke akamwika gatigati yao akamdoa mwe mikono yakwe akamba. ³⁷ "Yeyose amhokeaye mwana mteke enga uyu kwa zina dangu, inga kanihokea mimi na ikawa kanihokea mimi nkanihokea mimi tu Iya na mwekuntuma" ³⁸ Yahana kamwamba, "Mhinya timwona mntu avya npepo kwa zina dako tikamwemeza kwa ajii nkatitongea." ³⁹ Ne Zumbe Yesu amba "Mwesekumwemeza kwa ajii nkana mwonda agosoe ndima nkuu kwa zina dangu, nee baadaye ambe mbuii mbaya yoyose uwanga yangu? ⁴⁰ Yeyose mwese kuwa kinyume nasi yu upande wetu. ⁴¹ Yeyose mwonda akwenke kikombe cha mazii ya kunywa kwa ajii uhamwe na kwistu, kweii nkana ze sawabu yakwe. ⁴² Yeyose awakoseshae awa wadodo waminio mie, nee nivyedi kwakwe kufugiwa iwe da kusagia mwe singo na kuasigwa bahalini. ⁴³ Ingamkono wako ukakukosesha usenge. Ni vyedi kwengia mwe ugima biala, mkono kuliko kwengia mwe hukumu ukawa na mikono yose. mwe moto "Wesiokufa". ⁴⁴ "(Tozeza mitali unu, "Hantu ambao funza nkafa na moto wesiokuzimika " nkaumo mwe makatasi yakae), ⁴⁵ Inga muundi wako ukabananga, usenge ni vyedi kwako kwengia ugima ukawa na kilema, Iya kwasi gwa mwe hukumu na miundi miidi. ⁴⁶ (Tozeza misitai inu, "Hantu ambaha funza nkafa na moto wesiokufa". Umo mwe makasi ya kae. ⁴⁷ Inga ziso dako dikakukosesha ding'oe. Ni vyedi kwako kwengia mwe ufaume wa Muungu ukawana zisodimwe, kuliko kuwa na meso maidi wasigwe kuzimu. ⁴⁸ Hantu henaho fuza wesiokufa, na moto wesio kuzimika. ⁴⁹ Kwa ajii kiya yumwe akoezwe ni moto. ⁵⁰ Munyu ni mtana, inga munyu ukaza utana yakwe, wonda uigosoe vivihi ntana vituhu? muwe na munyu miongoni mwenu wenye, mwuwe na amani na kiya yumwe."