¹ Mwe misi iyo, vituhu nee kuna bunga kuu na ne nkawokuwa na nkande. Zumbe Yesu akawetanga wahinywa wakwe akaamba, ² Nawafiia mbazi utifii unu, wasongwa n'kua na mimi kwa misi mitatu na nkawana nkande. ³ Nikawavuza waoye nyumbai kwao kisi koda wadaha kogwa mase siai, kwa saa. Na wekumwe waawa hae sana. ⁴ Wahinywa wakwe wakamwamba, n'ndatipate hahi mikate ya kugenyea kuwegwa awa wantu mwe ntendeo inu yekubadwayo? ⁵ Akawauza, vimo vimamo vingali vya mikate? klakaamba, mpungati. akaagiia utifii wekae ahosi. ⁶ Akadoa mikate mpungati, akamtongoa Muungu na akadurwa akaweuka wahinywa wakwe waiike he utifii. ⁷ Nee wana wasamaki wadodo wacheche na ekubindaho kutogoa, wahinywa wakwe wawapangie. ⁸ Klada, wakeguta. wakadodoa vimamo vyekusigaavyo, ngahu mpungati. ⁹ Wakuao aho wabua wantu elufu ne. Akawaeka waite. ¹⁰ Ahoaho akengia mwe mashua na wahinywa wakwe wakaita kwe si ya Dalimanuta. ¹¹ Nee Mafalisayo wakalawiia chongoi wakavoka kuhigana. Wakaonda wenkigwe ishala kuawa mbinguni kwa kumgeeza. ¹² Akageegeza kwa kina mwe moyo wa kwe akaamba, kwa mbwai uvyazi unu waondeza ishala? Nawamba nywinywi kwei nkakuna ishala yenduyoiavy igwe mwe uvyazi unu. ¹³ Ekubindaho akawabada akengia mwe mashua vituhu, akaita kutuhu, ¹⁴ Hadahadaha wahinywa wajaa kudoa mikta. Nkawokua na maikate zaidi ya kimamo kimwe ehekuwacho mwe mashua. ¹⁵ Akawaonya na kuwamba, muwe meso na mweinde na usongeezi wa mafa: sayo na usongeezi wa Helode. Wahina wakahinyana wowo kwa wowo "kwa via nkatina mikate. ¹⁶ Akawaonya na kuwamba, muwe meso na mweinde na usongeezi wa isayo na usongeezi wa Helode. Whina wakahinyana wowo kwa wowo "kwa via nkatiana mika. ¹⁷ Zumbe Yesu kadimanya idi akawamba, kwani mkahinyana kua nkakuna mikate? "Nkamzati kumanya" Nkamuelewa? Mioyo yenu itenda mihufu? ¹⁸ Mna meso nkamuona? Mna magutwi nkamviva? Nkamkumbuka? ¹⁹ Nekuwapangiaho mikate mishano, kwa wantu elufu shano, mdoa ngahu nyingahi zekumemazo vimamo vya mneikafe? waketika kumi na kiidi. ²⁰ Na nekuipangaho mikate mpangati kwa wantu elufu ne mdoa ngahu nyingahi? ²¹ Wakamwamba "nipungati" Akawamba, nkamzati kuelewa? ²² Wakeza Betisaida. Awo wantu wakamuetea Zumbe Yesu mntu mwesekuona, wakamsihi Zumbe Yesu amdonte. ²³ Zumbe Yesu akamtoza kwa mkono Yuda mwesekuona na mwengaa se ya uda nizi. Ekuswaho mate uanga ya meso yakwe, akaoteeza mikona yakwe uanga yakwe akamuuza, kuona mbwai? ²⁴ Akakaua uanga na kutamwiia, Naona wantu waoneka sa miti yendayo. ²⁵ Nee "enua" vituhu mikono yakwe uanga ya meso yakwe, yuda mntu akagabua mesoyakwe, akaona vituhu, na akaona kintu vyedi. ²⁶ Zumbe Yesu akambada aite kaya, akamhinya, "Wesekwengia mwe mzi" ²⁷ Zumbe Yesu akahauka wanafunzi wakwe kuita kwe vijiji vya kaiselia na fiipi. Wekuwaho siai akawauza wahionywa wakwe, "Wantu watamwiiavyo wamba mi ni ndai?" ²⁸ Wakamwetika wakaamba, Yohana mbatizaji watuhu waamba, "Elia na watuhu yomwe mwe wada manabii. ²⁹ Akawauza, Iya nywinywi mwamba mi ni ndai Petro akamwamba, "We u Kristu. ³⁰ Zumbe Yesu akawaemeza, wesekumwembia mntu yoyose kumhusu yeye. ³¹ Na akavoka kuwahina kuwa mwana Adamu lazima apate suumba kwa mbui nyingi endaaemewe nimvingozi na makuhani wakuu na wagondinaho endaakomwe mwe siku ya ntatu enda afufuke. ³² Katamwiia mbui izi bila kifiso. Petuo akamdoa nkandani na akavoka kumuegezea. ³³ Iya Zumbe Yesu akahituka na kuwakaua wanafunzi wakwe akamwegezea Petuo na kumwamba, Eniboka nyuma yangu shetani! Nkukunda mbui za Muungu iya za wantu. ³⁴ Ekubindaho akawetanga zumo da "Ati kuna mntu mwoonda kunitongea, eemee mwenye, adoe msaaba wakwe anitongee. ³⁵ Kwa via yoyose muonda kuhonywa maisha yakweenda ayaze na yoyose mwendaayaze maisha yakwe kwa sibabu ya Injii enda ayahoye. ³⁶ Yendaimfaidie mbwai mntu kupata ulimwengu wose akabinda apate hasaa ya maisha yakwe? ³⁷ Mtu adaha kuavya mbwai mbia ya maisha yakwe? ³⁸ Yoyose mnionea soni mbui zangu kwe uvyazi unu wa wakianga na wena zambi, mwanangwa wa Adamu endaamuonee soni endahoeza mwe ufalume wa Tatiakwe hamwe na malaika Watakatifu.