¹ akahauka aho na kuita kwe mzi wao, wahina wakwe wakamtongea. ² Sabato yekubuaho, akavoka kowahiya mwe Sinagogi, wangi wamsikia na kwehewa wakaamba, "Kapata hahi mahinyo aya? Ni viogo vyani ivi ekwenkingwavyo? Agosoa vii mijiza inu kwa mikono yakwe. Je uy nkie yoda seemaa, mwana ya Maiamu na mdogu yao kina Yakobo, Yose, Yuda na Simoni. ³ Je waumbwe wekaa hanu hanu hamwe naswi. Na nkawokutamiwa ni Zumbe Yesu. ⁴ Zumbe Yesu akagombeka, Nabii nkakosa hishima isipokuwa kwe mzi wakwe na ndogoze wekumwe na nyumbai kwakwe. ⁵ Nkekudaha kugosoa mijuza aho, iya kawaikia mikono watamu wacheche akawahonya. ⁶ Kehewa sana kiajii ya kwesekoamini kwao. akabinda akavuia mizi ya hehi akawahinya. ⁷ Akawetanga wada wahina kumi waidi akavoka kuwaagiiya waidi waidi. akawenka mamlaka uanga ya npepo wachama, ⁸ na kuwamulu wesekudoa chochote waitaho isiplwa ngoda du wesekudoa mkate, wala mkoba wala hea mwe bindo. ⁹ Miya wavae viatu, na nkio nkazu mbii. ¹⁰ Miya wavae viatu, na nkio nkazu rubii. Na akawaruba, "Nyoruba yoyose mwendayo mwengine ekaani aho mpaka mwendahomhauke. ¹¹ Na mzi wowose ukesekumihokea wala kumitegeeza, haokeui, kwao ekung'onteni navumbi ya miundi yenu iwe ushuhuda kwao. ¹² Nao wakaita uku wabiikia wantu wasosoa na kueka zambi zao. ¹³ Wawaguusa npepo wangi na kuwasisa watamu mavuta wakahonywa. ¹⁴ Mfaume Helode ekusikiaho ayo, kwa via zina da Zumbe Yesu diwa dikamanyikana sana, wekomwewaamba, yohana mbatizaji kafufuka na kwa sibabu iyo inu ningovu ya mijuza yago yagosoa ndima ndani yakwe. ¹⁵ Wekumwe wao wakamba, "Uyu ni Elia," Miya wekumwe wakamba, "Uyu ni nabii, inga yomwe mwe wada manabii wakae" ¹⁶ Lya Helode ekusikiaho aya akaamba Yohana nekundumuae mutui kafufulwa. ¹⁷ Mana Helode mwenye kaagiia Yohana agwiwe na kumfunga geeza kwa sibabu ya Helodia (Mkaza kaie fiipol kwa via ye nee kamtegua. ¹⁸ Kwa mana Yohana nee kamwamva Helod, "Nkio halali kumtegoa mkaza kakio." ¹⁹ Miya Helodi ne kavoka kukimwa na nee akaonda kunikoma, iya nke kudaha. ²⁰ Mana Helode ne akameogoha Yhana ; kamanya ati ni montu hakimna mtakatifu, na kambada vyedi. Ekuendeleaho kumtegeeza nee asininika sana, iya katamiwa komtegeeza. ²¹ Hata wekubuado ukati mtana ukawa uhehi msiwakuvyaigwa helode akawandaia maafisai wakwe kaamu, na makanda na wada wakuu wa galilaya. ²² Ne mwanawe ya kivyee ya Helodia akengia na kuvina mbele yao, Helode akatamiwa na wageni wekwekaao ukatiwa nkande ya gooni. Ne mfaume akamwemba mndee niombeza chochose ukundacho nami n'ndanikwenke ²³ Akeisa na kumwamba, chochose wendacho uniombeze n,ndanikwenke, hata nusu ya ofaume wangu. ²⁴ Akalawa, chongoi akamuuza maniakwe, "Niombeze mwai? Akamba, "Mutwi wa Yohana mbatizaji. ²⁵ Na aho aho akengia kwa mfaume akavoka kumwamba, "Naonda un mwe sahani, mutwi wa Yohana Mbatizaji" ²⁶ Mfaume akasininika sana, miya kwa sobabu ya kweisa kwkwe na kwa ajili ya wageni, nke kudaha kuemea ombi dakwe. ²⁷ Ivyo mfaume akatuma asikai gati ya walinzai wakwe na kuwaagua kwenda kumwetea mutwi wa Yohana. Mlinzi akenda kumdumua mutwi uku yu kifungoni. ²⁸ Akaireta mutwi wakwe mwe sahani na kumwenka mndee, na mndee akamwenka maniakwe. ²⁹ Na wahinywa wakwe wekusikiaho ayo, wenda kuodoa mwii wakwewenda kouzika mwe kabui. ³⁰ Na mitume wekonga hamwe mbele ya Zumbe Yesu, wakkamhinya yose wekogosoayo na wekuhinywayo. ³¹ Nae akawamba, "Sooui wenye hantu ha falaga na tihumwiize kwa mda." Wantu wangi ne wekeza na kuhauka wala nkawo kupata nafasi ya kuda. ³² Ivyo wakwea mashua wakaita hantu ha falaga wowodu. ³³ Lya wawaona wakahauka na wengi wawamanya, kwa hamwe wakaguuka wa miundikuawa mizi yose, nao wakanya kubua. ³⁴ Klekubuaho npwani, wakona ulifii mkuu na akawafiia mbazi, kwa koa nee ni inga ngoto wesaokuwa na muisi Na akavoka kuwahinya mbui nyingi. ³⁵ Mda wekuitaho sana, wahinywa wakamwezea wakamwamba, "Hanu ni hantu ha falaga namda usia. ³⁶ Uwaage wite mizi ya hehi na vijiji li wakeguie nkande. ³⁷ Miya , akawamba, "Klenkeni nyuwinywi nkande" wakamwamba, "tadaha kwenda kugoa mikate yeye samani ya dinali mia mbii na kuwenka wada? ³⁸ Akawamba, "Mmo na mikate mingahi? Hitani mkakaue" wekupataho wakamwamba, mikate niishano na samaki waidi." ³⁹ Akaamulu wantu wekea mwe mabonga uanga ya mani mawisi. ⁴⁰ Wakawekaza mwe mabunga: mabonga ya mamia kwa hamsini. ⁴¹ Ne adoa mikate mishano samaki waidi, na kokava mbingoni, akaibaliki nee awenka wahinywa waiike he utifii. Akaawa aho akapanga samaki, waidi kwa wantu wose. ⁴² Wakada wose wakegota. ⁴⁴ Wakadodoa vimanio vya mikate yekusigaayo, ikamema ngahu kumi na mbii na vimamo vya samaki. ⁴³ Nee ni wagosi elufu shano wekudao mikate. ⁴⁵ Hamka akawamba wakwe mwe mashua waite ntendeo ntuhu mpaka Betisaida, ukati ye ekuwaho aagana na makuntano. ⁴⁶ Wekuwako wahauka kae, akaita kwe muima kuomba. ⁴⁷ Zu dekuswaho, na mashua yao ukati uo ne igatigati ya bahali, nae ne yu ukedu kwe si nkavu. ⁴⁸ Akawaona ne wakagaya kutoa makasia kwa ajili ya nkusi yekuwakindiayo, kwekuwaho hehi na keo akawabasa uku enda uanga ya mazi ne akaonda kuwemboka. ⁴⁹ Miya wekumuonaho enda uanga ya mazi, wakengiwa ni uenyee wakafikii ni mzimu hata wakatoa vuzo. ⁵⁰ kwa kua wamuona wakengiwa ni wengee. Hamka akagombeka nao akwamba, wakangafu rimimi?! mwesekua na uengee. ⁵¹ Akengia mwe mashua, na nkusi ikatuia, nao wakehewa kabisa. ⁵² Ivyo nkawokumva maana ya ida mikate. Mana akii zao ziwa na uelewa mdodo. ⁵³ Nao wekudumuaho ng'ambo wabua siin ya Genezaleti mashua ikagea nanga. ⁵⁴ Wekuwaho chongoi kwe mashua, hamka wakammanya. ⁵⁵ Wakaguunka kubiikia kwe mzi mgima na wakavoka kuwaeta watamu mwe mzegazega wekusikiahoeza. ⁵⁶ Hohose ekwengiaho kwe vijiji au mizi au kwesi, wawika watamu he gwiio nee wamhembeeza awaekee wadonte pindo da nguo yakwe. Na wose wekumndontao wahonywa.