¹ Weza mpaka ntendeo ya bahali kwe mzi wa Gelasi. ² Na hamka ukati Zumbe yesu ekuaho akaseeo, mwe uda mtumbwi muntu mwenye loho nchafu nee eza akawiia kwe makabui. ³ Muntu uyu nee akekaa kwe makabui ntakuna mwekudaha kumuemeza nkakuna hata kwa minyololo. ⁴ Nee katahwa mwande kwa npingu na minyololo kadumua minyololo na npingu zakwe zikadumulwa nkakuna hata yumwe mwekuae na nguvu za kumvota. ⁵ Kio na musi ekuaho kwe makabui na kwe miima nee akaia na kwesenga mwenye kwa maiwe yakoayo. ⁶ Ekwendaho kumuona Zumbe Yesu hae nee amguukia abinda akenama mbele yakwe. ⁷ Kaia kwa kukema, "Wondo nikutende vii vili Zumbe Yesu mwana ya Muungu mwe uwanga sana? Nakuombeza kwa Muungu mwenye wesekunisuubu. ⁸ Kwa ajii kamwamba, "Muawe uyu muntu wee loho ya uchama. ⁹ Nae nee amuuza, "Wetangwa ndai neee amtambaisa, "Netangwa legion kwa ajii ti wangi. ¹⁰ Akamhembeeza kaidi idi esekuwegaa chongoi ya mzi. ¹¹ Naho nee kuna bunga kuu da nguuwe dekuado dikaiswa kwe miima. ¹² Woo nao nee wamhembeeza wakam, "Mtiagiie kwe nguuwe tengie mwe mii yao. ¹³ Savyo akamwenka uhusa loho wachama wakawaawa nee wengia mwe nguuwe, nao wakaguuhiasi ya miima mpaka mwe bahali nee nguuwe inga elfu mbii, wadidimia nwe bahali. ¹⁴ Naho wada waisi wanguuwe nee waguuka wenda kuwambia chekuawiiacho mwe mzi mgima nee wantu wangi waawa kwe kukaua chekuawiiacho. ¹⁵ Nee weza kwa Zumbe Yesu nee wamuona muntu mwekukwewa ni npepo mwekuawe na bunga da maasikai kekaasi kahambwa nahodu ana akii yakwe nee waogoha. ¹⁶ wada wekuonao chekawiiacha kwa Yuda mwekukwewa ni npepo wakawahiya chekuawiiacho kwakwe kuhusu nguuwe. ¹⁷ Wavoka kumhembeeza ahauke kwe ida si yao, ¹⁸ Naho ekuaho akengia mwe mtumbwi, muntu mwekuae kakwewa ni npepo akamhembeeza waite wose. ¹⁹ Mia nkekumluhusu akini kamwamba'hita kaya na Zumbe na lehema ekukwenkayo." ²⁰ Savyo akaita nee avoka kubiika mbui nkuu ambazo Zumbe Yesu akamfosoea mwe Dekapoli na kia moneka kamaka. ²¹ Na ukati Zumbe ekudumuaho ntendeo yakaidi mwe mtumbwi umati mkuu wekonga kutamwia ekuaho nkanda nkanda ya Bahali. ²² Naho yumwe ya wada viongozi wa sinagogi mwekwetangwa Yailo, keza na ekumuonaho nee agwa mwe miundi yakwe. ²³ Ne atakusongwa ni kumhembeeza, akamba "Mwanangu ya kivyee mdodo yu hehi na kuumbwa mzima. Nakuhembeeza weze umuikie mikokno yako uwanga yakwe ili kwamba adahe kupata afya na ugima. ²⁴ Savyo nee waita wose, bunga kuu dikamtongea uku wakanifinta hehi na kumzunguuka. ²⁵ Nee hana mvyeengwa mwekuwa akajoomokwa ni npome kwa nyaka kumi na miidi. ²⁶ Kasuubika mno mwe waganga wangi naho katumiakia ekuacho iya nkekuhonywa n'chochose mia badii yakwe nee asongwa n'kuhuma. ²⁷ Kasikia mbui za Zumbe Yesu, nee eza nyuma yakwe ukati ekuaho akuaho mwe umati nae nee adonta vazi dakwe. ²⁸ Kwa ajii kwamba "Ati nikadontadu mavazi yakwe n'ndanihone. ²⁹ Ekumdontaho npome nee yaeka kuawa, Nee eonea mwe mwii wakwe kahonywa kuawa mwe suuba yakwe. ³⁰ Na hamka Zumbe Yesu nee amanya ati nguvu zakwe mwenye zimnawa. Akahituka uku na uku mwe dia bunga da wantu akauza, ni ani mwekunidonta mwekunidonta vazi dangu? ³¹ Wahinywa wakwe wakamtambaisa, "Wadiona bunga idi dakufinta dakuzunguuka, nawe wamba ni ani mwekukudonta? ³² Mia Zumbe Yesu nee akaua uku na uku ili amanye mwekumgosoa via. ³³ Mvyee Yuda akamanya chekuawiiacho kwakwe kaogoha na kuzingiza, Keza nee agwasi mbele yakwe akamwambia kwei yose. ³⁴ Akamwamba "Mndee imani yako ikuhonya," Hita npeho na uhonywe mwe utamu wako. ³⁵ Ekuaho akatamwa wantu kumwe nee weza kulawa kwe viongozi wa sunagagi uku wamba "Mwanao ya kivyee kuambwa mzimu kwa ajii yani wasongwa ni kumpisha mwaimu? ³⁶ Mia Zumbe Yesu ekusikiaho wekukigombekacho akamwamba Yuda kiongozi ya sunagogi "Wesekuogoha aminidu" ³⁷ Nekumluhusu yoyose kutongeana nae Petuo, Yakobo na Yohana nduguye da Yakobo. ³⁸ Weza nyumbai kwa kiongozi ywa sunagogi naye kaona ngavu ngavu kuia mno kweyayata. ³⁹ Ekwengiaho nyumbai nee awamba "Kwa mbwai msininike na kwa mbwai mwaiya?" Mwana nkekuumbwa mzimu iya kagona." ⁴⁰ Waseka uja yee akawaavya wose chongoi akandoa tatiyakwe da Yuda mwana na mami yakwe na wada wekuawo hamwe nae akengia mda nyumbai ekuamo Yuda mwana. ⁴¹ Akaudoa uda mkono wa mwana akamwamba "Talitha koum." ambayo ni kwamba "mndee mdodo nakwamba enuka," ⁴² Hamka mwana akenuka na akenda (kwa via nee ana ika da myaka kumi na miidi) Hamka nee wamaka. ⁴³ Akagombeka kwa nguvu ati nkakuna yoyose mkundwa amaye kuhusu idi. Nee awagiia wamwenke nkande.