¹ Ukati Sabato yekusiaho, Maliamu Magidalena na Maliamu mamiakwe da Yakobo, na Salome wagua manukato matana, ili wadahe kweza na kuusisa mayuta mwii wa Zumbe Yesu kwa ajii ya uzisi. ² Kiokio msi wa bosi wa juma, waita kwe kabui weati zua dekuawa ho. ³ Wakatambaisa wowo kwa wowo," n'dai ndie aditongoose iwe kwa ajii yetu ili tenge'e mwe kabui?" ⁴ Ukati wekukauana ho, wamuona muntu kutongoosa kae iwe, ambado ne n'kuu sana. ⁵ Wakengia mwe kabui ne wawona mbwana kavaa joho ding'aado, kekaa n'tendeo za kuume na wakehewa. ⁶ Akawamba, "Mwesekuogoha. Mwamwondeza Zumbe Yes, wa Nazareti, mwekusuubiwa. Kafufuka! Nkayuho aha. Kaua hantu hada wekuaho wawiika. ⁷ Hitani, mkawahinye wahini wakwe na Petuo yakua kawaongoea kuita Galilaya. Uko n'ndammuone, inga ekuanyo kamyambia." ⁸ Wakahauka na kuguuka kuawa kwe kabui, waleazingiza na kwehewa nkao kuandua chochose kwa muntu yoyose sibabu waogoha sana. ⁹ (Tozeeza: nakala za kae nkazina Mako 116:9-20) mapema mwe msi wa basi wa juma, ekubindaho kufufuka, kamuawiia bosi Maliamu Magidalena, Kamuavya n'pepo saba. ¹⁰ Kahauka na kuwaambia wada ambao newahamwe nae, ukati wekuaho wakasizinika na kuavya mesozi. ¹¹ Wasikia ati mgima nakaonekana nae, mia nkaokumwamini. ¹² (Tozeeza: nakala za kae nkazina Mako 16:9-20) ekubindaho akeaviiza mwe namna tofauti kwa wantu watuhu waodi, ukati wekuaho wakenda mwe sii. ¹³ Waita nakuwamba wahini watuhu wekusigaao mia nkaokumwamini. ¹⁴ (Tozeeza: nakaa za kae nkazina Mako 16:9-20) Zumbe Yesu neeaviiza kwa wada kumi na mwenga wekuaho wagamia mwe meza, na kawakemea kwa kwesekuamini kwao na ugumu wa myoyo, kwa sibabu nkaokuwaamini wada wekumuonao ekuaho kafufuka kuawa kwa watakufa. ¹⁵ Akawamba, hitani ulimwenguni kose, na kubikiia injii kwa viumbe vyose. ¹⁶ Yoyose mwamini na kubatiizwa n'daaoholwe, na yule mwesekuamini n'ndaahwe. ¹⁷ (Tozeeza: nakaa za kae nkazina Mako 16:9-20) utangio unu undaotomjeane na wose waminio kwa zina dangu n'ndawaavye npepo; N'ndawambeke kwa luga mpyaahamu. ¹⁸ N'ndawatoze nyoka kwa mikono yao, na hata wakanywa kintu chochote cha kuzuu nkakina kiwazuu. N'ndawaike mikono kwa watamu, nao n'ndawawe wagima. ¹⁹ Ekubindaho Bwana kupombeka nao, akadoigwa uanga mbingunzi na kekaa mkono wa kuume wa Muungu. ²⁰ Wahini wakahauka na kubiikia kia hantu, Ukati Bwana akagosoa ndima nao na kui sisitisha mbui kwa mijuza na utangio zikatongeana nao.