¹ Yesu ekuaho akenda kuawa mwehekalu yumwe gati ya wahinywa akamuuza, Mhinya kaua maiwe aya yakududnduwaa na mazengo. ² Akamwamba, wayaona aya mazengo makuu? Nkakuna hata iwe dimwe ndido disigae uanga ya mweziwe ambado hadinadigwise sii. ³ Nae aknaho kekaa uwanga mwe mwima wa mzeituni nyuma ya dia hekalu, Petuo, Yakobo na Yohana ma Andwea wamuuza kwa sii. ⁴ Tambie mbui izi aya lindayawe Ini? Na utangio wakwe mmbwai. ⁵ Zumbe Yesu akavoka kuwambia muwe meso kuwa mntu yoyose asekumizaganya. ⁶ Wangi mndaweze kwa zina dangu wakamba, Nee mimi na mndawaza ganywe wangi. ⁷ Ndiho msikie nkondo na mng'uno wa mkondo na mng'uno wa mkondo mwese kuogoha, mbui izi ni kizima ziawie akini kuheeo nkakizati. ⁸ Taifa nndadenuke mhitu na taifa tuhu, ufalme mhitu na ufalme. N'ndahawe na Zingizo, ntendeo mbaimbai na saa ni vokeo da usungu. ⁹ Muwe meso, N'ndamwegalwe mpaka baazani na nndamuemewe mwe masinagogi, Nndamgooswe mbele ya watawala na walme kwa ajii yangu ing ushuhuda kwao. ¹⁰ Akini injili lazima basi ibiikiwe kiwe kwa mataifa yose. ¹¹ Ndiho mgwiwe na kwenkiwa mwesekuogola kuhusu kia ndicho mtamuie. Mwe mda uwouwo mndamwehigwe mbui ya kutamuia; wala nkamnamuwe nywini. Loho mtakatifu. ¹² Ndugu m'ndamuahe mdugu kukomwa, tate na wanawe wandawagooke mhitu na tati zao na kusabisha kukomwa. ¹³ N'mdamuemewe ni kia muntu, kwa ajii ya zina dangu hia ndiye azizimize mpaka kiheo muntu uyo n'ndaaokoke. ¹⁴ Ndiho muone mbifya ya unanasi igooka hado desaho kukundigwa kugooka (Msoma na amanye) ne ndiho weumo mwe Yuda wagukie kwe miima. ¹⁵ Naye mwe uwanga ya nyumba asekusea sii yanyumba, au kudoa chochose chekuwa cho chongoi. ¹⁶ Na amneuko tanga asekugotoka kudoa vazi dakwe. ¹⁷ akini ole wao wavyee wenye ndaa ha waonkesao mwe misi iyo. ¹⁸ Ombeni kwamba yesekulawiia ukati wa mpeho. ¹⁹ Kwani n'ndakuwe na sumba nkuu, ambayo nkayazati kulawiataukia Muungu ekugosoaho dunia mpaka sasa, nkakuna wala nkavina vilawei vituhu. ²⁰ Mpaka Bwana ndiho ahunguze misi, nkakuna mwii ndiyo uohonkeakini kwa ajii ya wateule, mdoo awasague, andaahunguze mamba ya musi, ²¹ Ukita uwo inga muntu yoyose andaawambe, kauwa kwistu yu aha au kauwa yu hada mwesekuamimi. ²² Kwani wakwistu wa umbea na mamabii nea imbeya wandawalawie na wandaavye utangio na vihii ili kwamba wawahufye yamkini hata wateule. ²³ Muwe mseao! Nkiwambia kae aya yose kabla ya ukati. ²⁴ Akini baada ya suumba za mwisi iyo zua n'ndadiyew e kiza, mwezi nkauna uavye ung'azi wakwe. ²⁵ Ntoondo n'ndazigwe kuawa uanga na nguvu zeuko mbinguni n'ndazisingizike. ²⁶ Ne ndiho muone Mwana ya Adamu akeza mwe mazunde kwa nguvu nkuu na utukufu. ²⁷ Ne ndiho n'ndaagie malaika wakwe na n'ndaawakonge hamna na wateule wakwe kulawa upande nkuu mwe za dunia, kuamia kiheo cha dunia mpaka kuheo cha mbingu. ²⁸ Kwa mtini, mwehinye inga tambididahavyo kulavya na kuikakinyanyi mani yakwe, mee ndiho mmanye kiangazi kuhehu. ²⁹ Ne yeivyo, ndiho muone mbui izi zikalawiia manyani kuwa yu hehi na nyuvi. ³⁰ Kwei namyambia, uvyazi unu nkauna womboke hae kabla ya mbui izi mkazizati kulawia, ³¹ Mbingu na sii n'ndavyomboke, akini mbui zangu nkazimezomboke kamwe. ³² Akini kuhusu msi woo au saa, nkakuna mmanya, hata malika ya mbinguni wala mwana, ila Tate. ³³ Muwe melo kauwa kwa sibabu ukammanya ni mda uhi yonda hoyalawie (Tozeeza: mstari unu muwemeso, kauwani na ombeni kwa sibabu......" nkaumo mwe nakala za kae) ³⁴ Ne inga mntu muita mtambo, akabada nyumba yakwe, na kumwiika mtumwa yakwe kuwa mtawala ya nyumba, kia yumwe na ndima yakwe. Na kumwamuu mlinzi aekusinka. ³⁵ Kwa iyo muwe mesoso! kwa nkammanya ni in mwenye nyumba ndih agotoke . Yadahika ni guoni, kio kikuu, ukati zogoo ndiho dikeme au keokeo. ³⁶ Ati akeza kwa hamka asekukubwia, kugona, ³⁷ Kia nigombekacho kwako, nakigombeka kwa kia muntu. Cheezani,