¹ Inu ni oloza ya uvyazi wa Adamu. Mwe msi ambao Mungu kamuumba muntu, nee kamuumba mwe kiiganyo chakwe mwenye. ² Mgosi na mvyee nee kawaumba. Akawabaliki na kuwetanga Adam ukati wekuumbwaho. ³ Ukati ekuwaho kekaa myaka 130, akamvyamwana mwe sula yakwe mwenye kwa kiiganyo chakwe na akamwetanga zina dakwe Sethi. ⁴ Baada ya Adamu kumvyaa Sethi akekaa myaka mia nane. Akavyaa wana wangi wagosi na wavyee. ⁵ Adamu akekaa myaka 930 akabinda akafa. ⁶ Ukati Sethi ekuwaho kekaa myaka 105, akamvyaa Enoshi. ⁷ Ekubindaho kumvyaa Enoshi, akekaa myaka 807 na akavyaa wana wangi wagosi na wavyee. ⁸ Sethi akekaa myaka 912 akabinda akafa. ⁹ Ukati Enoshi ekuwaho kekaa myaka tisini, akamvyaa Kenani. ¹⁰ Ekubindaho kumvyaa Kenani, Enoshi nee ekaa myaka 815. Akavyaa wana wangi wa kigosi na wakivyee. ¹¹ Enoshi kekaa myaka 905 akabinda akafa. ¹² Ukati Kanani ekuwaho kekaa myaka sabini, akamvyaa Mahalaleli. ¹³ Baada ya kumvyaa Mahalaleli, Kenani kekaa myaka 840. Akawavyaa wana wangi wagosi na wavyee. ¹⁴ Kenani kekaa myaka 910, na akabinda akafa. ¹⁵ Mahalaleli ekuwaho kekaa myaka sitini kamvyaa Yaredi. ¹⁶ Baada ya kumvyaa Yaredi, Mahalaleli akekaa myaka 830. Akavyaa wana wangi wagosi na wavyee. ¹⁷ Mahalaleli akekaa myaka 895 akabinda akafa. ¹⁸ Yaredi ekuwaho kekaa myaka 162, akamvyaa Henoko. ¹⁹ Ekubindaho kumvyaa Henoko, Yaredi akekaa myaka mia nane. Akavyaa wana wangi wagosi na wavyee. ²⁰ Yaredi kekaa myaka 962 akafa. ²¹ Henoko ekuwaho kekaa myaka sitini na shano, akamvyaa Methusela. ²² Henoko akamtongea Mungu myaka mitatu baada ya kumvyaa Methusela. Aliwazaa wana wengi wa ume na wake. ²³ Henoko akekaa myaka 365. ²⁴ Henoko akaita na Mungu, na akabinda akaga kwa kuwa Mungu kamdoa. ²⁵ Ukati Methusela ekuwaho kekaa myaka 187, akamyaa Lameki. ²⁶ Ekubindaho kumvyaa Lameki, Methusela ekekaa myaka 782. Akawavyaa wana wangi wagosi na wavyee. ²⁷ Methusela kekaa myaka 969. Akaawaho akafa. ²⁸ Ukati Lameki ekuwaho kekaa myaka 182, kamvyaa mwana. ²⁹ Akamwetanga zina dakwe Nuhu, akamba, "Uyu neemwenda tenke kuhumuiza kuawa mwe ndima yetu na kuawa mwe ndima ya sungu ya mikono yetu, ambayo kiaga tiigosoe kwa sibabu ya alizi ambayo Yahwe kaiigita." ³⁰ Lameki kekaa myaka 595 akabindaaho kumvyaa tatiakwe da Nuhu. Akavyaa wana wangi wakigosi na wakivyee. ³¹ Lameki kekaa myaka 777. Akawaaho akafa. ³² Nuhu ekubindaho kwekaa myaka miashano akamvyaa Shemu, Hamu, na Yafethi.