¹ Kwakunedvodza libito layo kwakungu Ananias, kanye na Sapphira umkakhe, batsengisa incenye yemuhlaba wabo, ² wabese ugodla incenye yalemali (nemkakhe abati ngaloko), baletsa incenye yalemali labayitfola bayibeka etinyaweni tebapostoli. ³ Kodvwa Peter watsi, ''Ananias, yini Sathane agcwabise inhlitiyo yakho ngekutsi ucambe emanga ku Moya Longcwele nekutsi ugcina incenye yemali lenitsengisa ngayo umhlaba wenu? ⁴ Ingakatsengiswa, beyingasiyo yenu yini, noma seniyitsengisile, beyingeko etandleni tenu na? Kwenteke njani kutsi nicabange intfo lenje enhlitiyweni yenu? anikacambi emanga kubantfu, kepha kuNkulunkulu.'' ⁵ Asalalele lamavi, Ananias wawa phansi waphefumula kwekugcina, kwehla kwesaba lokukhulu etukwabo bonke labeva lamavi. ⁶ Bafana basondzela bamgochota bamtfwala bamyisa ngephandle kuyomugcwaba. ⁷ Emva kwemahora langaba matsatfu, umfati wakhe Ananias wafika, angati kutsi kwentekeni. ⁸ Peter watsi kuye, ''ngitjele kutsi nitsengise lomhlaba ngalemali lena.'' Watsi, ''Yebo, ngiyo leyo.'' ⁹ Peter wase utsi kuye, ''Kuye ngani kutsi nivumelane nobabili kutsi nilinge uMoya waNkhosi? Bheka, tinyawo talamandvodza lagcwabe indvodza yakho bangalapha emnyango, batokutsatsa nawe bakukhiphele ngaphandle.'' ¹⁰ Ngalowo muzuzu wawa phansi waphefumula kokugcina. ¹¹ Uma labantfu labasha babuya, bamtfola asafile, bamtsatsa bahamba bayomgcwaba enceleni kwendvodza yakhe. Kwesaba lokukhulu kwehlela lonke libandla kanye nabo bonke labeva letitfo. ¹² Tibonakaliso netimangaliso letiningi tatentiwa emkhatsini kwebantfu ngetandla tebapostoli. Bebakanye kanye egumbini laSolomon. ¹³ Akutanga kube khona lababa nesibindzi sekuhlanganyela nabo; konje, baphakanyiswa kakhulu bantfu. ¹⁴ Kwakungeteka lamanye emakholwa bangetelwa eNkhosini, tigidzigidzi temadvodza nebafati, ¹⁵ kangekutsi baletsa bantfu labebagula babaletsa emigwagcweni babalalisa emibhedzeni netitulo, kute kutsi Peter natokwengca, sitfuti sakhe simane siwele kubo. ¹⁶ Kweta bantfu labanyeti bavela emadolobheni la abakhelane neJerusalem, baletsa bantfu labebagula nalabo bebanemimoya legcolile, bonke baphiliswa. ¹⁷ Kepha umpristi lomkhulu wasukuma, kanye nabo bonke labebanaye (labo belicembu leba Sadducee); ¹⁸ bagcwaba ngumona base babamba bapostoli, babagcina phakatsi ejele. ¹⁹ Ebusuku igelosi yeNkhosi yavula iminyango yelijele yase iyabaholela ngaphandle, yase itsi, ²⁰ ''hambani, nime etempelini nikhulume nebantfu bonke onke emavi alempilo.'' sebeve loku, bangena etempeleni etsatsa kusa bafundzisa. ²¹ Kepha umpristi lomkhulu wefika, kanye nalabo bebanaye, wabita baphatsi, nabo bonke labadzala bakaIsrael, batfumela bantfu kutsi baye ejele balandze bapostoli babaletse kubo. ²² Kepha letitfunywa taya tangabatfoli ejele, taphindzela emuva kuyobika. ²³ ''Sitfole lijele livalwe gci nabogadzi beme eminyango, kepha uma sesivulile, asitfolanga muntfu ngekhatsi.'' ²⁴ Uma siphatsimandla selitempeli nebapristi labakhulu beva lombiko, bacakeka kakhulu kutsi nyalo sekutokwentakala njani. ²⁵ Kwase kufika lomunye wabatjela kutsi, ''lamandvodza lebeniwavalele ejele amile etempelini futsi afundzisa bantfu. ²⁶ Ngako ke siphatsimandla selitempeli sahamba kanye netisebenti, bababuyisa emuva, ngaphandle kwekubaphocelela, ngoba bebasaba kutsi bangahle bagcotjwe ngematje. ²⁷ Nase babalandzile babamisa phambi kwalabadzala. Umpristi lomkhulu wabagweba ngemibuto, watsi, ²⁸ ''Siniyalisisile kutsi ningafundzisi ngaleligama, kodvwa senigcwalise iJerusalem ngalemfundziso yenu futsi nifisa kuletsa ingati yalendvodza etukwetfu. ²⁹ Bo Peter nebapostoli baphendvula batsi, ''kufanele silalele Nkulunkulu kune bantfu. ³⁰ Nkulunkulu wabo babe betfu wavusa Jesu, yena lona lenamubulala ngekumubetsela emtsini. ³¹ Nkulunkulu wamuphakamisa wamubeka esandleni sakhe sekudla kutsi abe iNkhosana neMsinidisi, kutsi anike sive sakaIsrael kuphendvuka neketsetselelwa kwetono. ³² Sibofakazi bato leto tintfo, nekutsi Moya Longcwele, lo Nkulunkulu wanika labo labagcina imiyalo yakhe. ³³ Emalunga etikhulu akuva loko, atfukutsela afisa nekubabulala bapostoli. ³⁴ Kodvwa umfarisi ligama lakhe lingu Gamaliel, labengu thishela wemtsetfo labehlonishwa ngibo bonke bantfu, wema wayaleta bapostoli kutsi bakhishwe kwesikhashana. ³⁵ Wase utsi kubo, Mandvodza akaIsrael, kunakisiseni loko lenifisa kukwenta kulabantfu. ³⁶ Ngoba emalangeni lengcile, Theudas wavuka asatsi atenta umuntfu lomcoka, emandvodza langaba ngemakhulu lamane, amulandzela. Wabulawa, bonke labebamlandzele basakateka umhlaba wonke loko abekukhuluma kwabalite lelite. ³⁷ Emvakwalendvodza, Judas wase Galilee wavuka nalabanye kulawo malanga ngemalanga elubalo wadvonsa labanyenti kutsi bamlandzele. Naye washabalala, nabobonke labebamlandzele basakateka. ³⁸ Ngitsi kini, sukani kulabantfu nibayekele bodvwa, uma lomsebenti uwe muntfu, utoshabalala. ³⁹ Kepha uma uwa Nkulunkulu, kute loyokhona kuwuchima; ningatitfola senilwa naNkulunkulu. Base bayababonisa. ⁴⁰ Base babita bapostoli babashaya base bayabayala kutsi bangakhulumi ngeligama laJesu, base bayabakhulula kutsi bahambe. ⁴¹ Batishiya letikhulu bajabula kutsi babalwele kulabo labahluphekele lelibito. ⁴² Kusukela lapho, onke emalanga, etempelini futsi bahambela imiti ngemiti, bachubeka kufundzisa nekumemetela livangeli lelitsi Jesu unguKrestu.