¹ Phetro na Johane banyuka baya ethempelini ngelihora lekuthandaza, lihora lemfica. ² Indvodza lebeyikhubatekile kusukela esibeletweni senina bayitsatsa bayiyisa emasangweni elithempeli lelibitwa Ngalelihle. Babombeka lapho kulelithempeli onkhemalanga atokhona kucela labo labangena khona ethempelini sipho semali. ³ Wabona Phetro na Johane batawungena ethempelini, wabacela sipho semali. ⁴ Phetro, wagijimisa emehlo wawabekisakuye, bana Johane, batsi "Sibuke''. ⁵ Lendvodza lebeyikhubatekile yababuka, igadze kutsi kukhona lakatakutfola kubo. ⁶ Kodwva Phetro watsi, ''I-siliva ne golide ngite, kodwva lenginako, ngitakupha kona. Ngegama likaJesu khristu waseNazaretha, sukuma uhambe''. ⁷ Ambambe ngesandla sangasekudla, Phetro wamphakamisa, ngekuphazama kweliso tinyawo talendvodza neticakala kwaciniswa. ⁸ Wase uyachuta uyema, wacatfuta wase ucala kuhamba; futsi wangena naPhetro na Johane ekhatsi ethempelini, ahamba achuta abonga Nkulunkulu. ⁹ Bonkhe bantfu bambona nakamemeta ahamba advumisa Simakadze. ¹⁰ Babona kutsi ngulendvodza lebeyikadze icela bantfu imali esangweni lelihle lasethempelini; basebagcwala kumangala nekutfuka ngalokumuvelele. ¹¹ Asabambelele kuPhetro naJohane, bonkhe bantfu bagijimela kubo endzaweni lebitwa ngekutsi,NguMhubhe waSolomon. ¹² Nakabona labantfu Petro, watsi kubo, ''Madvodza aka Israyeli, nimangaliswa yini? Nisigolotelelani kangaka kwangatsi ngitsi lesimente wahamba ngemandla nebungcwele betfu. ¹³ Nkhulunkhulu waAbrahama, Isaka na Jakobe, Nkulunkhulu wabokhokho betfu, usikhatimulisile sisebenti sakhe lesinguJesu. Lenamuniketa etiphatsimandleni namhlahla embikwe Philatu. ¹⁴ Namala longcwele nacela umbulali kutsi akhululwe. ¹⁵ Nambulala Umtfombo weMphilo, Lowavuswa nguNkulunkhulu kulabafile-tsine sonkhe sibafakazi. ¹⁶ Ngekukholwa egameni lakhe, kucinise lendvodza leniyibonako naleniyatiko. Nekukholwa lokungaJesu kunike imphilo lephelele kulomuntfu, njengobe naninibona nje. ¹⁷ Ngako bomnaketfu, ngiyati kutsi loko nakwentiswa kungati,njengebaholi benu. ¹⁸ Kodwa letintfo letamemetelwa nguNkhulunkhulu kucala ngabo bonkhe baprophethi kutsi khristu, abefanele kuhlupheka, loko sekugcwalisekile ngalendlela. ¹⁹ Ngako bendvukani, nibuyele kuNkulunkulu , kuze kusuleke tono tenu, nitohlambululeka ebukhoneni benkhosi; ²⁰ atokhona kutfumele Khristu logcotjelwe nine, Jesu. ²¹ Nguye lokumele amukelwe lizulu kuze kufike sikhatsi sekugwacliswa kwato tonkhe tintfo, lokwakhulunywa yiNkhosi kadzeni ngemlomo webaprophethi bakhe labangcwele. ²² Mose yena watsi, 'Nkhulunkulu Thixo utawuphakamisa umprophethi lofafana nami kubafowenu. ²³ Nibomulalela kukokonkhe latakukhuluma. Kutawenteka kutsi wonkhe longeke alalele lomuprophethi utawubhujiswa ngalokuphelele esicumbini. ²⁴ Yebo,nabo bonkhe baProphethi kusuka kuSamuela nalabamulandzela, bakhuluma bamemetela letinsuku. ²⁵ Nimadvodzana ebaprophethi nebasivumelwano Simakadze lasenta nabokhokho mkhulu benu njengoba asho ku Abrahama, 'ngembewu yakho yonkhe imindeni yemhlaba itawubusiswa'. ²⁶ Emvakwekutsi Simakadze aphakamise sisebenti sakhe, wasitfumela kini kucala, sitonibusisa ngekuniphendvukisa ngamunye ngamunye nishiye tindlela tenu letikhohlakele.''