¹ Kwekugcina, bazalwane, siyanikhutsata nekukuphakamisa eNkhosini Jesu. Njengoba nemukela imiyalo kitsi ngekutsi kumele uhambe njani nekujabulisa Nkulunkulu, futsi hambani ngalendlela, futsi nente njalo kakhulu. ² Ngobe niyati kutsi miyalo yini lesaninika yona ngeNkhosi Jesu. ³ Ngoba lena intsandvo yaNkulunkulu, kungcweliswa kwenu, kutsi nibalekele tinkhanuko tenyama, ⁴ ngamunye ngamunye wenu uyakwati kutsi uwugcina njani umtimba wakho ebungcweleni nekuhlonipheka, ⁵ hhayi enshisekelweni yenkhanuko (njengebetive labangamati Nkulunkulu). ⁶ Akubete umuntfu lowonako nalowona umzalwane wakhe kulenkinga. Ngobe iNkhosi ingumphindziseli kuto tonkhe tintfo, njengoba saniyalisisa sanifakazela. ⁷ Ngoba Nkulunkulu akasibitelanga ekungcoleni, kepha ebungcweleni. ⁸ Ngako ke, loyo lolahla loku akalahli umuntfu, kepha Nkulunkulu, losipha Moya Longcwele . ⁹ Mayelana nelutsandvo lwebazalwane, ute sidzingo sanome ngubani kutsi abhale kuwe, ngoba nawe lucobo lwakho ufundziswe nguNkulunkulu kutsandza labanye. ¹⁰ Ngempela, wentela bonke bazalwane labaseMasedoniya. Kepha siyanikhutsata, bazalwane, kutsi nente loku kakhulu. ¹¹ Kepha siyanikhutsata kutsi nitimisele kuphila ngekuthula, nakekela tintfo takho lonikwe tona, futsi usebente ngetandla takho, njengoba sanitjela, ¹² khona nitohamba kahle phambi kwalabangakholwa futsi ningabi sekudzingeni noma ngukuphi. ¹³ Asifuni kutsi ningatiswa, bazalwane, ngalabo labalala, khona ningatodzabuka njengalalabanye, labete litsemba. ¹⁴ Ngoba uma sikholwa kutsi Jesu wafa phindze wavuka, kanjalo Nkulunkulu utobaletsa naJesu labo labafe naye. ¹⁵ Ngoba loku sikusho ngelivi leNkhosi, kutsi tsine labaphilako, labasele ekubuyeni kweNkhosi, singeke sihambe phambi kwalabo labafile. ¹⁶ Ngoba iNkhosi lucobo lwayo iyakwehla ezulwini. Utawuta ngenhlokomo, ngeliphimbo lengelozi lenkhulu, nangelicilongo laNkulunkulu, nalabafe bakuKhristu batovuka kucala. ¹⁷ Bese tsine lesiphilako, labasele, sitawuhlwitfwa kanye kanye etulu emafini kuyohlangana neNkhosi emoyeni. Ngalendlela lena siyohlale sineNkhosi. ¹⁸ Ngako ke, dvudvutanani nganankha emavi.