¹ Ngako ke, ngesikhatsi singasakhoni kuyibeketelela, besicabanga kutsi kuhle kushiywa wedvwa ngemuva e-Athene. ² Satfumela Thimothi, umzalwane wetfu nesisebenti lebesibambisane naso emsebentini waNkulunkulu evangelini laKhristu, kucinisa nekudvudvuta mayelana nelukholo lwakho, ³ khona kube bete namunye lotawunyakatiswa nguletinhlupheko. Ngoba nani lucobo lwenu niyati kutsi simiselwe loku. ⁴ Ngicinisile, ngesikhatsi sisenani, sanitjela kusengakenteki kutsi sitakuhlushwa, futsi kwenteka kanjalo, njengoba nati. ⁵ Ngalesizatfu, ngesikhatsi ngingasakhoni kubeketela, ngatfumela kutsi ngati ngelukholo lwenu. Noko umlingi unilingile ndlela tsite, futsi kusebenta kwetfu kwaba lite. ⁶ Kepha Thimothi weta kitsi achamuka kuwe futsi asiletsele tindzaba letimnandzi telukholo lwenu nelutsandvo. Wasitjela kutsi ninesikhumbuto lesihle ngatsi, futsi ufisa kusibona njengoba natsi sifisa kukubona. ⁷ Ngenca yaloku, bazalwane, besikhululekile ngani ngenca yelukholo lwenu, kuto tonkhe tinkhatsato nekuhlukubeteka. ⁸ Ngoba nyalo siyaphila, uma nime nibambelele eNkhosini. ⁹ Ngoba ngubani lesingamunika kubonga kuNkulunkulu ngawe? ¹⁰ Sincusa kametima busuku nemini kutsi sibone buso bakho futsi siphelelise loko lokushodako elukholweni lwenu. ¹¹ Shangatsi Nkulunkulu wetfu naBabe lucobo lwakhe, neNkhosi yetfu Jesu, angasikhombisa indlela yetfu kuwe. ¹² Shangatsi iNkhosi ingakwenta ukhule futsi unamatsele elutsandvweni lamunye lwalomunye nakubobonkhe bantfu, njengoba senta nakuwe. ¹³ Shangatsi angacinisa tinhlitiyo tenu khona titoba msulwa ebungcweleni na phambi kwaNkulunkulu na Babe wetfu ekubuyeni kweNkhosi yetfu Jesu nabo bonkhe bantfu bakhe labangcwele.