¹ Kambi kasuba ba Yesu balimakene kumumba yakishiba kya Geneseleti, abantu abengi balukubashininkisha mukulukumfwa amashiwi aba Lesa. ² Lomba ba Yesu balibwene amato abili ali kumumba yakishiba. Pakuti aba kwipaya isabi balifuminemo kabaya mukulukusamfya utombe twabo. ³ Ba Yesu, Penka balingile mubwato bumbi ubwakwe Simoni, nekumweba ati Simoni sindikila ubwato mumenda, pano balikele mubwato nekulikusambisha amabumba abantu. ⁴ Ili balekele ukulabila, balilabile kuli Simoni ati, ''Kawoba tufike kumenda atali uteye utombe tobe utukulumune.'' ⁵ Simoni naye alibaasukile ati, ''Mweba Shikulu, twali kuyunga ubushiku bonse tatwiketepo fyenangu kamo, Sombi pakuti nimwebo mwalabila, nakuteyo tombe .'' ⁶ Penka ili bakitile, kuti mashiwi ayo babebele balipeye amasabi, akuti ubwingi netombe twabo twalukufwaya ukuputuka. ⁷ Lomba balitile ababyabo abali mubwato bumbi ati iseni mutofweko. Nabo ababyabo balishile nekuesusha amato onse abili lomba amato abili ayo ali apepi nokwibila pemenda. ⁸ Sombi Simoni Petilo, pakubone fyo, alifukeme panshi mukyeni kyaba Yesu, nekulabila kulibo ati, ''Fumenipo pali nebo, mweba, Shikulu, nebo ndi muntu uwakubifya kuli ba Lesa.'' ⁹ Simoni Petilo nababo abo ali nabo balikanakamene, ukwekuti pakuti pabwingi bwamasabi ayo baipeye. ¹⁰ Fyopelefyo nebabyakwe Simoni aba alukupyunga nabo Jakobo na Yoane, abana bakwe Sebedai, bali kanakamene ukwakuti sombi ba Yesu balilabile kuli Simoni. ati witina ukufuma kumpindi ino wakulukwikasha abantu.'' ¹¹ Eli baletele amato abo kumutunta, nabo nukuleka fyonse nekuli kubalonda ba Yesu. ¹² Lomba ili bali mumushi umbi, emwali ne muntu uwanata aenji. Penka ili ababwene ba Yesu, aliwile ubwifuneme nekulukuba kumbetela ati, mweba, ''Shikulu, kani mulukufwaya, muliishi ukumposha ifilonda.'' ¹³ Nabo bali tambikile ukuboko kwabo nekumutila-po nekulabila ati, ''Ndukufwaya fipole penka nemanata nekupulilila ukupola. ¹⁴ Lomba ba Yesu balimufundile ati, ''Tekwesha ukubulako umuntu neli umo ifya fyefyo ifi nakutila, sombi uye ulilangishe bwangu kumupatilishi ukapele nemulambu pakupola kube kuti nifyopelefyo ifi, amufundileni Mose mukabalangisha bonse ati pano uliswetele.'' ¹⁵ Sombi impupo ishakulibo shaliumfwanikile ukwakuti, nemabumba abantu akulu alibungene mukumfwa nekubushiwa kumalwe abo. ¹⁶ Sombi ba Yesu balikumbulukile ukuya mumpanga nekulukutembela. ¹⁷ Lomba akasuba kambi akanshiku isho bali kubasambisha, abantu ne ba Falisi ne bamano amumafunde nabo balikele apepi abafumine kumishi yonse lyamu kyalo kya Ngalili ne kya Judiya Jelusalemi . Nabo ba Yesu bali nemakosa aba Lesa akutendulusha abantu aba lwele. ¹⁸ Penka kwalishile abantu bambi abapintile umuntu uwali kilema, pabulo nabo balukufwaya ati bamwingishe munada umo umwali ba Yesu bamulalike mukyeni kyabo. ¹⁹ Penka pakubulo kubona apa kumwingishisha pakuti pebumba, lya bantu ababungene balininine, peulu pamutenge wañganda nekutibula ikipense epo, bamwingishishe pamo nebulo bwakwe nekumuselushisha pakuti kabantu mukyeni kyaba Yesu. ²⁰ Lomba ili bamwene ukuketekela kwabo, ba Yesu balilabile, ''Kumuntu uyo ati, ifyakubifya fyobe fyafitulukilwa wekibusa kyangi.'' ²¹ Lomba abasambishi bamafunde pamo neba Falisi balukulabilishanya, ati, ''Mba ninani uyu muntu ulukulabila? Fyapufya ba Lesa. Tapalipo umuntu umbi ungafitulukila ifya kubifya sombi ni ba Lesa benka.? ²² Lomba ba Yesu, balishibile fyo ifi balikulanguluka, nekulabila kulibo ati, ''Mba nindo mulukulangulukile fyo mumitima yenu? ²³ Kani kilipubile ukukilapo ukulabila ati, 'Ifyakubifya fyobe fyafitulukilwa ukukilo' kulabila ati 'buka wende'? ²⁴ Kanshi lekeni mulangisheni mwishibe ati nebo ne mwana wamuntunshi ndi ne makosa pano pakyalo kyapanshi akufitulukila ifyakubifya,'' pano kabalabila kumuntu yo ikilema ati ''Ndukukubula ati, buka, ubule nebulo bobe ulukuya kunanda yobe.'' ²⁵ Impindi iyo yopele ne bantu bonse balimubwene uyo muntu abuka abula nebulo ubu aleepo alukuya kwabo kumushi ili abalemya ba Lesa. ²⁶ Penka abantu bonse balikankamene ukwakuti nekuba nemwenso, nekulukubalemya ba Lesa. Ili balabile ati, lelo twabona ifintu ifyakukankamana.'' ²⁷ Pakushile fyo, ba Yesu balifuminemo muñganda nekusangana umusonkeshi ishina lyakwe ni Lefaialikele muñganda yamusonko, nabo nekulabila kuli ye ati, ''Undonde nebo.'' ²⁸ Naye Lefai alilekele fyonse nekwima, neubalonda. ²⁹ Penka Lefai alibepikile ba Yesu. Ifyakulya ifyakitenge muñganda yakwe lomba bumba lyabasonkeshi pamo nebantu bambi balishile nekulukulya pamo. ³⁰ Sombi aba Falisi pamo nebasambishi, bamafunde, bambi abali bamwibumba lyabo balukulilishanya nekwipusha kubasambile ba ba Yesu ati ''Mba nindo mulukulila nekunwinapamo nebasonkeshi nababa bantu imbifi?'' ³¹ Pano ba Yesu nekulabila ati abakosele tabafwayapo umulaye, sombi abalwele ebafwaya umulaye. ³² Nebo nshishile mukubeta abalungeme, sombi ndishile mukwita abakubifya ati baluluke kufyakubifya fyabo. ³³ Penka kabalabila kulibo ati, ''Abasambile bakwe Yowani uwakwibisha balukulikanya kulya libi libili nekutembela balukutembela, nebasambile ba ba Falisi nabo balukukefyenkefya. Sombi abasambile benu balikalile kwenko kulya nekunwa lukoso.'' ³⁴ Ba Yesu nekubasuka ati, ''Kani mwebo mulishi ukubakanyo kulya abantu abetikukitenge kyakyupo ili bakili nakwe uwakupa. koku? ³⁵ Sombi akasubakakesa ili uwakupa bakamufumya pali bo, eli bakalukulikanya kulya.'' ³⁶ Nakabili ba Yesu balilabile kuli bo, ''Ikyakupalanya iki ati tapalipo umuntu neli umo ukwamuna ikyakufwala, ikyabukumo nekubambika. ³⁷ Kabili tapalipo umuntu ulongela ifisunga, mufyakulongela ifyakale, pakuti kani akilefyo ifisunga ifya bukumo fingatoba, ifyakulongelamo ne fisunga, nekwitaika nafyefyo ifyakulo ngelamo nekonaika. ³⁸ Sombi ifusunga ifyabukumo filyelelwe ukufilongela mufyakulongela ifyabukumo. ³⁹ Kabili tapalipoumuntu ufwaya kunwe fisunga ifyabukumo kani afuma mukunwe fisunga ifyakale, pakuti angalabila ati ifisunga ifyakale efiweme.