¹ Penka ba Yesu, pakwisulwa no mupanshi uswetele, kaba bwela ukufuma kunika ya Yodani. kabili kabatangililwa nomupanshi uswetele mulubasa, ² Umo bali inshiku amakumbi ane mukweshiwa no mulwani satana. Tabalilepo neli kamo mushiku shilya, napakupwa kwapindi kabofwa isala. ³ Nekibanda kakibasuka, ''Nga uli mwana wa ba Lesa, kambisha amabwe aluke mukente. '' ⁴ Ba Yesu kabasuka, '' kililembelwe, '' umuntu takekale nobumi no mukante weka.'' ⁵ Penka kibanda kakimya ba yesu nokuba mwenesha amabufumu onse pakyalo pakapindi kanini. ⁶ Ali kibanda kakibasuka nibo,'' Ndukukupela isambu nobuleme bonse pakuci bwapelwa kuli nemo, kucinapala onse nengafwaya. ⁷ Pano, ngakya kuci ufukami ne nokupupa nemo, kikoba kyobe.'' ⁸ Lomba Yesu kamwasuka nokulabila kuliye, ''Kili lembelwe, ''Uli nokutota baShikulu Lesa, nokubalama.'' ⁹ Penka ikibanda kakitwa ba Yesu ku Yelusalema nokubabika peulu apene pakyebo kye tempuli pañanda, nokulabila kulibo, ''Nga uli mwana waba Shikulu, liponse we mwine pano. ¹⁰ Pakuci kili lembelwe, ''Ali pelwe isambu shaku kabisha ba malaika ukulingana nawebo, kubukingo webo,' ¹¹ ali,' benga kwimya peulu mumaboko abo, pakwebati wengabula ukunyanta ifipanda pabwe.''' ¹² Pakumwasuka, ba Yesu kabalabila, ''Kili labilwe,' Weli kwesha baShikulu Lesa obe kumesho.''' ¹³ Ili kibanda kyapwishishe ukwesha ba Yesu, kakiya nokubasha nokufika kupindi imbi. ¹⁴ Ali ba Yesu kababwela ku Ngalileya mumakosa yamupanshi, namashiwi yabo kaufwanika umwailile umushi washingulukite umushi. ¹⁵ Penka katatika ukusambisha mu maShinangonga nabonse bali mutotele. ¹⁶ Alishile ku Nazaleti, Uko akulile, nomwailile ififyashi, Alingile mumashinangonga pa buShikulu bwa sabata nokwima kana pakuci enga belenga neshiwi ilikulu. ¹⁷ Akamufungilo kakwa Isaya uwakwaula kapelwa kuli ye, Aliswile akamufungilo nokusanga apokilembelwe, ¹⁸ ''Umupanshi waba Shikulu ali pali nemo, pakuci asuba ukubila amashiwi ayaweme kubalandu. Ali tumine ukutulisha kuafungwa nokupela amenso kupofu, ukukakula abanashilwa. ¹⁹ Ukututulisha umwaka wabaShikulu u-waluse.'' ²⁰ Penka kafunga akamafungilo, nokubwesha kubasangilwepo, nokwikala. Ameso mumashinangonga ali pali ye. ²¹ Katatika ukulabila kulibo, '' Lelo amashiwi aya wemene afikilishiwa mukufwa.'' ²² Onse mulya kalabila ifyalibwino ayaluse aya yalikufuma mukanwa kakwe, kabasuka,'' Uyu tali mwana wakwa Yosefi?'' ²³ Kalabila kulibo,'' kine muli nokulabila kishipi kuli nemo, ''Bashinangonga, litendulusheni mwebene. muli fyonse twaufwile ifi mwakicile mukapenama, fikiteni mumushi wenu.'' ²⁴ Lomba kalabila, kine nalabila kuli mwebo, Takulipo u-wakwaula bapokelela mumushi wakwe. ²⁵ Lomba mukishika na mweba mwebo kwebati muli bamukafwilwa abengi mu Isaeli mupindi yakwa Eliya, Ili akasuba kabili mukupona pa myaka itantu ne mweshi kwali shile ikipowe pa kyalo kyonse. ²⁶ Lomba Eliya walituminwe tali kulibo, lomba kuli Zalepha mu Sidona, kuli mukafwilwa walikwikala kulya. ²⁷ Muli ubulwele bwa manata mu Isaeli mupindi yakwa Elisha u-wakwaula. Lomba takwalipo neli umo mulibo u-watendeleshiwe kani lukoso Namani wa Kusilya.'' ²⁸ Bonse abantu mumashinangonga baliswile nobukali ali baufwile ifi fintu. ²⁹ Balimine nokumutafya ukufuma mumushi, kabili bali baibakile umushi wabo, kwebaci bwnga muposa mushi ya kyulu. ³⁰ Lomba kapita pakaci kabo nokuya kukyende imbi. ³¹ Ali alile kuka penama, umushi mu Ngalileya, nokutatika ukuba sambisha pabushiku bwa busanu na bubili. ³² Balikumishe pa busambishi, pakuchi alukulabila ne sambu. ³³ Pano mumashinangonga mwali umuntu u-wali nemipashi yaba ndemona, kabili kabilika neshiwi ilikulu. ³⁴ ''A! Mba twinga kitashani pali uyu muntu, Yesu uwaku Nazaleti? Mwaisa mukutonaula? Namwishiba-Abashilile ba Lesa!'' ³⁵ Yesu kabasuka ba ndemona, nokulabila,'' mwelabila! fuma muli ye!'' Ili ba ndemona bafumine mumuntu kapona panshi pakachi kabo nokufuma muli ye. Kabili tabwele muli ye libili. ³⁶ Nabantu bonse bali kumishe, Bali lwalilile ukulabila palififi kuli umo nomunakwe. Bali labile,''Isa mashiwi aya? U-ukambisha impashi yakubipa nesambu namakosa kafifuma.'' ³⁷ Penka amashiwi kaufwanika ayaliku labilwa pai ye Mose mufiputulwa ifya shingulukile mupusha. ³⁸ Ali Yesu ashile amashinangonga nokwingila muñanda yakwa Simoni. Pano abako ba kwa Simoni balukulwala ipepo, ³⁹ Ali bamupapachile ye kulubali lwakwe. Pano kaimakana kutangile yakwe nokukalipila ipepo, nokutendeleshiwa. Penkapo kaima nokutatika ukulama. ⁴⁰ Eli akasuba kabele kingulo, Abantu kabaleta kuli ba Yesu onse u-walwele nama lwele ayapusene. Alitanikile amaboko pali onse umulwele nokutendeleshiwa. ⁴¹ Ba ndemona nabo kabafuma mulibo abengi, nokulila nokulabila,'' uli mwana waba Lesa!'' Ba Yesu kakalipila ba ndemona nokubalekesha ukulabila pano bali shibile kwebati ali ni Kilishitu. ⁴² Ili bauakile kafuma nokuya mumupashi yakufwana. Nebumba lya bantu balikumupembelela nokwisa kupusha uko ali. Bali mukenya ukuya. ⁴³ Lomba kalabila kuli bo.'' Ndi ne kutulisha amashiwi ayaweme aya bufumu bwa ba Lesa kumishi imbi, pamulandu wakwebachi akyo natuminwe pano.'' ⁴⁴ Ali atwalilile ukutulisha mumashinangonga monse mu Yuda.