¹ Kumakya makya pabushiku bwatanshi ubulamulungu, kabesa kukilende, kabalenta ifinukile bwino ifiba pekenye. ² Kabasanga ibwe baliteshako kikilende. ³ Kabengila mukachi lomba tabasangile umubili wabaShikulu Yesu. ⁴ Ili kyanbonekele, ilyo bakili kabafulungene, penka, kwalishile abalalume bobibo kabemakene ne ñgumbo inshakutuba. ⁵ Ilyo banginesu baebekele nokwinama ipumishanbo panshi kabalabila kubanakanshi,'' Mba nindo mukofwaile abatutulu kabafwile? ⁶ Talipo pano Abuka! Langulukeni ifyo bamilaile, ili kakaile, ili kakili muNgalili. ⁷ Nokulabila ati umwana akapanwa mamanboko yabantu ibifi nokumutanika, pabushiku bwabuntatu akabuka. ⁸ Abankanshi kabanuka amashiwi, ⁹ nokwalilika ukufuma kufilende nokulabila fyonse ifi bamwene kubekumi nakamo nabonse. ¹⁰ Pano Maliya Magadala, ni Joana, ni Maliya nyina yakwa Jakobo, Nabanakanshi bambi kabalabila fyonse kubasambile. ¹¹ Lomba aya mashiwi kaboneka kwati yakufisa kabasabile, kabili tabasuminepo abanakanshi. ¹² Pano Petulu kaima nokubutukila kukilende, kabili, nokwimakana nokukebelesha mukachi kamona ulutabo lwafyakufwala fyeka. Penka kabwela ku ñanda yakwe, nokukumya ifyakitwa. ¹³ Bweka, babili palinbo balikuya bweka bushiku kumushi weshina Emau, u-wali netafu makumi yasanu na limo ukufuma ku Yelusalemi. ¹⁴ Balikwambaula umo nomunakwe pa fyakitika fintu. ¹⁵ Kyalibonekele, ili balikwambaula nokulipunsha kabili pamo. ¹⁶ Ba Yesu kalasolomoka, nokuya nanbo. Ameso yanbo kaisalwa pakubula ukukumwishiba ¹⁷ Yesu kalabila kulinbo,'' Mbanisa milandu mwenbo babili mukplabilapo kamilikwenda?'' Kabemakana nokunboneka bulanda. ¹⁸ Naomo mulinbo, weshina lya Kleopa, kabasuka,'' kanshi ulinisa muntu muYelusalemi uyuteshipo ifintu fyakitika malishono shiku?'' ¹⁹ Ba Yesu kabalabila kulinbo,'' Nasa fintu?'' Kabasuka,'' ifintu fyakitikila Yesu wakuNasaleti, uwaliwa kushinika mufintu, neshiwi lya baShikulu nakubuntu bonse. ²⁰ Kabili infangishi nefilolo bamapawa nokumushatisha ukufwa nokumatanika. ²¹ Tusumina kwebati eumo uwalingile ukulubula Isaleli, kine, kukokanyapo bwafika ubushiku bwa butantu epofyakitikile ifintu. ²² Lomba, bamo abanakanshi mulifyenbo batukumisha, ukusangamo kukilende kumacha. ²³ Nokusanga umubili wakwe tamuli, kabesa nokulabila ati kabili bamona ikalamba shalabile kulinbo pabututulu. ²⁴ Bamo abalalume abali nafwenbo kabaya kufilende kaba sanga fweka balabile abanakanshi tabamumwenepo.'' ²⁵ Yesu kalabila kulinbo, mwebambula mano napanini mumitima mukisumini nomulifyonse abakushimika balabila! ²⁶ Kanshi kyaliweme baKilishitu ukupenga palififi, nokwingila mubuleme?'' ²⁷ Kutatika kuli monse naba kushimika, Yesu kalumbulula kulinbo nokusanga kweti banakanshi ifibalabila lomba tabamubwenepo.'' ²⁸ Ili bapaleme kumushi ukobalukuya, ba Yesu kabamoneka kweti balukuya apatali. ²⁹ Kaba mukobetela, nokulabila, ''Ikala nafwebo, pakuti kyapalama inkingulo nobushiku bwapita.'' Ba Yesu kabaya nokwikala nabo. ³⁰ Kyalimonekele, ili aikele panshinanbo nokulya, Alibulile umukate, nokumupesha, nokumutebula, nokupana kulinbo ati balye. ³¹ Penka ameso yambo kaisuka, nokumwishiba, pekapo kashimangana kumeanbo. ³² Kabalabila umo kumunakwe,'' Imitima taitutile yoo, ili alukulabila kuli fwebo mushila, Ili akisula kuli fwenbo nokutulisha?'' ³³ Kabema yekailya mpindi nokubwela ku Yelusalemi. Kabasanga abekumi na nakamo balikele nabalya alinambo, ³⁴ nokulabila ati,'' Bashikulu babuka ikine, nokumoneka kuli Simoni.'' ³⁵ Penka kabalabila ifintu ifyamonekele mushila nefyo Yesu aishibanikilwe kulinbo pakutebula shikwa. ³⁶ ili balabile amashiwi ba Yesu kabemakana pakuchi kambo, nokulabila kulinbo,'' Umutende abe kuli mwenbo.'' ³⁷ Penka balino mweso nokwisula nomweso, nokulabila ati twamona ikipuku. ³⁸ Ba Yesu kabalabila kulinbo,'' Nindo kyamikatansha? nindo mwimisha ifipusho mumitima yenu? ³⁹ Moneni amanbokonafipamba fyamolu, nineka nemo. Ngikateni nokumona pakuti mupanshi ta kwente umunofu nangu mafupa, ifimwamona,'' ⁴⁰ pakupwisha ukulabila, kamwenesha amanbo ne fipamba fya moluyakwe. ⁴¹ Mulandu wakusangalala tabasumine, kabili bali kumishe. Yesu kalabila kulinbo,'' mulikwente nangu fimo ifykulya?'' ⁴² Kabamupela Isbi lya kipifwa. ⁴³ Kabili katola nokulabila kulinbo, ''Ifi efyenbo nalabile kuli mwebo ili nali namwembo. kwebati fyonse ifyalebelwe mumishilo yakwa monse naba kushimika mumalambo fifikilishiwe, ⁴⁴ Eli balabile kuli bo ati,'' Aya mashiwi angi, analabile kuli mwebo, ili nkilinenu, atiukwelelwe ati ifintu fyonse fikonshiwe, ifilembelwe mumafunde akwe Mose namubakushimika namuMasamo ifyakuli nebo. ⁴⁵ Kaisula amano yambo, kwebati bofwishe bwino amashiwi ya ba Lesa. ⁴⁶ Kalabila kulinbo,'' pantu kililebelwe, kwebati Kilishitu akapenga nokwima ukufuma kubafu pabushiku bwabututulu. ⁴⁷ Ukulapila nokufitulukila kwa fibipile kushimikilwe mwishina lyakwe kumutundu, kutatika ku Yelusalemi. ⁴⁸ Muli mboni pafintu ifi. ⁴⁹ Mboneni, ndukumituma ifyandaile baTata. penka shaleni mumunshi kana kamifwika ikifwalo kyamakosa ukufuma kwiulu.'' ⁵⁰ Penka Yesu kabaleka kani kaba palama kubwipi nomunshi wa Betania. Kaimya namanboko no kubapala. ⁵¹ Kyalikitilwe, ilyo alukubapala nbo, kabasha nokuoitwa mwiulu. ⁵² Kaba mutebela nokubwela ku Yelusalemi ne sanalashi. ⁵³ Kabatwalilila kumutebela, nokubatota ba Lesa.