¹ Penka lyonse ibungano lyabo kabema ne kubaleta ba Yesu kuli Pilati. ² Penka kabatapa uku bashinina bena, ukulabila.'' Fwebo twasanga uyu muntu akolubakanya ikyalo kyesu. Ukubakanya ukupela ukusonka kuli kaisa, ne kulabila ati ena umwine ni Kilishitu, ne mfumu.'' ³ Pilati kaepusha ena, kalabila,'' webo uli mfumu ya ba Juda?'' Ba Yesu kabasuka ena ne kulabila,'' webo walabila ifyeka.'' ⁴ Pilati kalabila na kumupapatilishi umukulu kabili na kumabumba,'' nebo shiwe nemo umulandu mulyu umuntu.'' ⁵ Sombi nabo bali kubalangilila, ukulabila, ''Ena alukubabalamuna abantu, ukubafujisha ukutwalilila lukoso konse kuJuda. Ukutachikila ukufuma ku Ngalili nakuno konse kupusha.'' ⁶ Sombi penka Pilati kaofwa ifi, ena kaepusha mukwebati uyu muntu mwina Ngalili. ⁷ Penka ena pakwishiba ati ena ali mwikalikisha wakwa Elode musambu, ena kamutuma Yesu kuli Elode, uyo umwine kabili ali ku Jelusalemi mulisho ishiku. ⁸ Penka Elode kamona Yesu, ena alyufwile ukutemwa, pakuti ena alukufwaya ukubamona bena pakuti ne italiishita, ena alyufwile ifya pali bo kabili ena kafwaisha ukumona fimbi ifimonwa ifyakichilwe kulibo. ⁹ Elode kaepusha Yesu mu engi amashiwi, penka Yesu kaasuka kuli bena konunangu kimo. ¹⁰ Penka abapapatilishi abakulu ne balembeshi bali makene, ukubashinina ukubakana bena. ¹¹ Elode pamo ne fita fyakwe kaba batupika ba Yesu ukubapufya bena. Penka ne kubafwika bena ifyamatangalo ifyakufwala kubaleta bena mukubabwesha kuli Pilati. ¹² Penka Elode na Pilati balikatene ubulunda kuli umo ne mukwabo mweka mulisho ishiku, pakuti akale bali balwani umo ne mubyakwe. ¹³ Pilati penka kabeta pamo abapapatilishi abakulu ne ntungulushi ne mabumba abantu. ¹⁴ Ne kulabila kulibo,'' mwebo mwaleta kuli nebo uyu muntu ali muntu uyo ulufyakanya abantu ne kumona, Nebo jikwete ubwipusho kuli mwebo ilyo, nasanga umulandu muli uyu muntu ukulingakana fyonse ifintu ifyo ifi uyu ashininwa ena. ¹⁵ Koku, neli kukita Elode, penka ena kamupita naye ukumubwesha kuli fwebo, ne kumubona, takulipo ikitu ikibipile ikya kumuletela ifwa ikyo ikiakita ena. ¹⁶ Nebo pali fyopele fyo ukumupanika ena ne kumufumya ena. ¹⁷ ''Penka ifiweme ifikulu ubapamo tatu kwetepo Luku 23:17, Penka Pilati ali bele ne kulangulukile ukubafumishapo umu Juda umo ukakilwe pa mpindi yachitenje. ¹⁸ Sombi bena balibilishe ukwakuti bonse pamo, ukulabila,'' mukukululeni uyu uyo muntu ne kumufumya kuli fwebo Balaba! ¹⁹ ''Balaba ali amuntu uyo uyu baposele mujelepafitu fimbi ifyabupaba akakile mulyuu mushi kabili ali kwipayangana. ²⁰ Pilati kabunganya bonse libili, ulukufwaya ukubakakulula ba Yesu. ²¹ Pakuti nabo balibilikishe, ukulabila mutanikeni ena, mutanikeni ena. ²² ''Naye kalabila kulibo ishita shitatu, ''Mbanindo,mba ikibipile uyu muntu akita? Nebo nasanga takuli umulandu ashininwa ukumutwa kufwa muli ena, fyopelefyo komupanika ena, nebo kabili komukakulula ena. ²³ Pakuti bena balibele nekusokomoka ne mushiwi akulu. Ukukambisha kulibo mukwe ati banutanike. Penka lukoso amashiwi kamwikata Pilati. ²⁴ Penka Pilati kasumisha ne kupwisha ukukambisha kwabo. ²⁵ Ena kakakulula na umo bena baipwishe uyu uyo wekababikile nu jele pakuti pabupuba ne kwipayañgana, penka ena kabakakulwila ba Yesu kuli fyo bali kufwaya. ²⁶ Penka kabatangila abene ukuya, penka bali kete umo, Simoni uwakukileni, kafumina mu kyalo. kabili penka kamutwika umu taliko kuli ena ne kipita, ukulonda ba Yesu. ²⁷ Penka ilikulu ibumba ilya bantu, kabili ne banakashi abo abalikubalila ne misowa kulibo bali kubalonda bena. ²⁸ Pakuti balyalulukile kulibo, ''Mwebana abanakashi abaku Yelusalemi, mba nindo mulukundilila nebo, pakuti kamulilila mwebene kabili ne bana benu. ²⁹ Penka moneni, penka mushiku isho shikesa isho bakalikuli ne kulabila,' Balishukele abo abashika kabili na mumanda umo tabali ne kufyalwa, kabili na kumabele ayo tabali ne koshako. ³⁰ Penkapo bali ne kutachika ne kulabila na kumapili,' poneni pali fwebo,' kabili na kumitumba,' Tufimbeni fwebo. ³¹ Penka ilyo bali nekukita fyonse ifingi anga ku kichi ikitalele, kikaba shani penka kuli iki ikyumine? ³² ''Abantu bambi, babili abepayañgana, bali batangilile ukuya pamo nabo ukubabika mukwipaiwa. ³³ Penka lukoso kabesa na kupusha ukobeta ati'' ni likobongo,'' kweka kulya eko babatanikile bena kabili nabo abalikwipayañgana- umo nao kulwine kabili umo nao kukipiko. ³⁴ Ba Yesu kabalabila,'' Tata, bafitulukileni bena, patu tabeshibile ikyo balukukita,'' Penka lukoso kabafula uposa. ukulyabanya pamo ikyakufwala kyakwe. ³⁵ Penka abantu bali nakene ukulikuta mba penka ne tangishi nasho shali kubatupika bena, ukulabila,'' Ena alikupulusha bambi, lekeni ena alipulushe umwine, nga ena ali ni ba Kilishitu kuli ba Lesa, penka kasalapo umo.'' ³⁶ Penka abashilikale nabo kabamuseka ena, ne kwisa kuli ena, ukumutambika ena finega. ³⁷ Kabili ukulabila,'' nga kyakwebati webo uli mfumu ya ba Juda, lipulushe webo wemwine. ³⁸ ''Penkapo kwali ne keshibilo peulu pali ena,'' uyu ni mfumu ya ba Juda.'' ³⁹ Umo uyu imbifi uyo uwali uwatanikilwe, penka lukoso kabatangaula bena mu kulabila ati,'' mwebo tamuli ba Kilishitu? Lipulusheni mwebene kabili na fwebo. ⁴⁰ ''Pakuti na umbi kamukanya ena, kabalabila,'' mba nindo webo tauchi na ba Lesa pakuti webo taulipamo na fwebo mukukakwa mukukululuka kopele? ⁴¹ Fwebo ikyakine ukwikala pano filitwelelwe. Pakuti fwebo tulilingile ukupoka kwatinifwebo ukulambulwa ukwelelwe kufya kukita kwesu fwebene, pakuti uyu muntu takichilepo nangu kimo ikibipile. ⁴² ''Penka naye kalabila,'' ba Yesu, mukanganuke nebo penka mwebo pakwisa mweka mu bumfumu bwenu.'' ⁴³ Ba Yesu balilabile kuli ye ati,'' Ikyakine nebo kolabila kuli webo,'' Lelo webo uli nanemo mu Paladaiso.'' ⁴⁴ Penka yali kwati nipampindi ya shikisanu na limo impindi, kabili ifishi kaisa ponse uku kumana ikylo ukufika na kusanu na ane impindi. ⁴⁵ Ilyo ne kasuba kaalukile ukufita, penka ne kipembe kya mwitempuli kyalya benemo fibili. ⁴⁶ Kalila ne shiwi ilikulu, ba Yesu kabalabila, ''Tata, natula maboko enu nebo ukupana umupashi wangi,'' ⁴⁷ Penka ne kilolo kakimona palifyo ifya kichilwe, kyena kakibatota ba Lesa, ukulabila,'' Ikyakine uyu ali mulungami muntu.'' ^{48 49} Penka lyonse ibumba lyo kalisa lyonse pamo mukikita bumboni kumeso ukumona ifintu ifingi ifyo ifyakichilwe bena kabwela ukuli kulipuma pafifuba fyabo. Pakuti bonse abo aba mwishibele ena, kabili ne banakashi abo abali kulonda bena ukufuma ku Ngalili, kabemakana ne patalamukile, mukukebesha fyonse ifingi fintu. ⁵⁰ Liteyanyeni, penka kwali umuntu uweshina lyakwe ni Josefi uyo uwali mwibumba ilyo kwibuñgano, Nawo ali muweme kabili umuluñgami muntu. ⁵¹ Uyu muntu ena talikusumisha kufyo bali kupangana kabili kufyo bali kukita, Ena ali fumine kuAlimatea, umushi wa ba Juda, kabili ena ali nekukebesha kufya mubumfumu bwa ba Lesa. ⁵² Uyu muntu alilemukumona Pilati, mukwipusha kufya mubili wa ba Yesu. ⁵³ Naye kapita nokubika pashi, ukumupombana musalu ya lineni, kabili ukumubika na mukilende ikyo ikibali kuteta mwibwe, umutamwali nangu umo umu tabangalalikamo. ⁵⁴ Ubu bwali bushiku abwa kulyashika kabili ubwe Sabata bwali pakuti bwali bwakutanga. ⁵⁵ Penka banakashi abo abalukwisa pamo na ba Yesu ukufuma ku Ngalili bali kubalonda ne kubona ne kilende napo uyu mubili bali ne kuulalika. ⁵⁶ Penka kababwela na mukukita ifinukile bwino amafuta ukubasuba. Penka nakwi Sabata bena kabatusha ulingana na kumafunde.