¹ Kyali kitilwe bushiku bumo kwebati ba Yesu balu kufembele mupusha imbi. Ili ba pwishishe, Umusambi umo kalabila kuli bo, '' BaShikulu, sambisheni ukutembela fyenka Yowani afujile abasambile bakwe.'' ² Ba Yesu kabalabila kulibo, ''Ili mulukutembela mulabile, '' Tata, Ishina lyanu likindame namushila. Ubufumu bwenu bwinse. ³ Tupeleni shikwa wasiku pabushiku pabushiku. ⁴ Tulekeleniko ukubifya kwesu fyenka tebalekela abatubifya fyebo. Mwetutwala mukweshiwa.'' ⁵ Ba Yesu kabalabila kulibo, ''Mba nonani muli mwebo ulimekibusa, Nakwima pakushi kobu shiku, 'Nokulabila, pelepo bashikwa batantu. ⁶ Pakuchi umunangi elo atuma kumunsebo, kabili takwetepo nangu nikunonka ateyanya kutangile'? ⁷ pano umo mukachi kabasuka ne kulabila, 'Wepakanana pali nemo. Ikibi kyaisalwa kale, Nabana bangi, jinabo pa busashi. Nafwilwa ukwima nokupana shikwa kuli mwebo ⁸ Nalabila kuli mwebo, nangu tabukile nokupana umukate kuli mwebo pakuci muli abanakwe, pamulandu wabwa, mba Akabukapo nokupana imikate iyingi mungu fwaya. ⁹ Kabili nalabila kuli mwebo, Lombeni, kikapelwa kuli mwebo; Fweyani, Ukakisanga; Kokosha, kikesulwa kuli mwebo, ¹⁰ Onse u-wipusha muntu alapokelela; noufwaya umuntu alasanga; noukokosha umuntu aleswilwa. ¹¹ Mba ninani wishinwe, anga umwana alomba isabi, kuti mwa mupela isoka mukifulo kyesabi? ¹² Nangu afwya umukate mulamupela ilibwe? Nangu isabi mulamupela isoka? Nangu afwaya iyekeshi, koti mwamupela akanini? ¹³ Penka, nga mwebo bakita fimbi mulishibile ukupana ubupe ubuweme kubana, Mba shani ba ulishinwe ukufuma mwiulu benga mipela umupashi kuli babo abamuwipusha?'' ¹⁴ Pano ba Yesu balukufumya ba ndemona muli kamama. Ili afuminemo, Noyu muntu katatika ukulabila, nebumba kali kumya. Lomba bamo abantu kabalabila, ¹⁵ ''Ni balasheba, kilolo waba ndemona alukufumya ba ndemona. ¹⁶ Bambi kaba mwesha nokusanga akeshibilo ukufuma kwiulu. ¹⁷ Lomba Yesu alishibele amalangulushi yabo nokulabila kulibo. Ubufumu bonse bulyabanishiwe nokuba ikya lukoso, ne ñanda ilyaba nishiwe nokupona. ¹⁸ Nga satana alyaba nishiwe, anga ubufumu bwakwe kuchi bwa imakana shani? Pakuti mulalabila ati ndafumya ba ndemona na balasheba. ¹⁹ Nga ndafumya ba ndemona na balasheba, mba bakokani benu balafymya mundo? pamulandu wa fifi bakaba bakupingula benu. ²⁰ Lomba nga ndafumya ba ndemona nomwe waba Lesa, penka ubufumu bwa ba Lesa bwaisa pali mwebo. ²¹ No muntu uli na makosa nokuli pekanya nefya bushilika alalama iñanda yakwe, Nafipe filaba bwino. ²² Lomba umuntu ukosele anga bamushil nda, No muntu ukosele balamupoka amala umuaketekela nokonaula ifipe fya bantu. ²³ Naonse uyu tali na nemo alipachile kabili takulipo ubungisha pamo na nemo abaluba. ²⁴ Ili mipashi Yakubipa yafuma mumuntu, nokupita pamushili wakuma papusha nokumona apakutusha. Nokusanga tapali, ifyo kyalabilwa,' kabwelela kuñanda wafumine.'' ²⁵ Pakubwela, kyasangwa iñanda ya fuminepo baibweshapo mumulongo. ²⁶ Pano kakiya mukuleta bambi basanu nababili nokukilapo ukubipa nabo ba Lesa nokwikala mo. Pano ulya muntu ikyakupelako kilakiilamo ukukila itashi.'' ²⁷ Kyalikitilwe kwebati, Ili alabile ifi fintu, umwanakashi umbi kasasulu ishiwi lyakwe pebumba nokulabila kuli ye,'' ²⁸ Lipalwe ipafu ilyakufyele nembele waokele.'' Lomba kalabila, ''Nangu, mwapesha ngabofwa ishiwi lya baShikulu balasunga eki.'' ²⁹ ili bumba lyalikukulilako, Yesu katatika ukulabila,'' iki kifyashi kyakubipa. Kilafwaya utwishibilo pano tapalipo ikikapelwa kulibo kani akeshibilo kakwa Yoane. ³⁰ Pakuti Yoane walikeshibilo kabakuninive, napa pano umwana wa muntu akaba keshibilo kakine kifyanshi. ³¹ Nefumu ishanakashi shakukabeta kakubuyeke bakema pabupingushi nabalalume aba kifyashi kumo noku kulengushiwa, pakuti alifumine kupelo ya kyalo nokwisa mufufwa amano yakwe Solomoni, nokumona, umo ukililepo solomoni ali pano. ³² Na balalume ba kuniniva bakemakana kubupingushi ne kifyashi kino nabantu bakashatishiwa pakuti bali laile pakutulisha kwakwe Yoane, kabili nokumona, umo ukililepo pali Yoane ali pano. ³³ Takulipo neli umo, panuma yakwakisha ilapi, Nokubika apafiseme papusha nangu pashi yatube, Lomba peuu ya kitulwapo ilapi, pakuti abengila bengamona ikyeya. ³⁴ Amenso yenu lilapi lya mubili. Ii iliso lili bwino, umubili onse alisule ilapi. Lomba iliso ngalili bipile, Nomubili onse alaba mufishi. ³⁵ Penka, bene abakengeshi kwebati ikyaya ikili muli mwebo kyeba mufishi. ³⁶ Nga kya kwebati umubili onse ali mukyeya ukwakubula ikuputulwa kimo mufishi, pano umubili onse ukaba kwati lilapi lyasana ukukilapo pali mwebo. ³⁷ Ili apwishishe ukulabila, Abafalise kaba mwipusha ukulya nakwe kuñanda yakwe, Yesu kaingila nokulya. ³⁸ Aba Falise kabakumya pakuti Yesu tabalilepo ukusamba pakilyo kyamulalilo. ³⁹ Lomba baShikulu kaba mweba,'' pano penka, mweba Falise mulasafya posonde lya kapu lomba nokushingwila lomba mukati kumwishile ifiko fya kubifya. ⁴⁰ Mweba mbulamano balalume! Kashi u-wapingile posonde tali ewapangile mukati? ⁴¹ Paneni ifili mukati nokufiwamya, Nafyonse fikatuba kuli mwebo. ⁴² Lomba ifingo kuli mwebo abafalise, pamulandu wakyekumi nobupe nafense ifilimwa fyasangwa lomba mulakana ubupingushi nokutemwa ba Lesa. Kiweme ukukita ifiweme nokutemwa Lesa, ukwakubula ukufwilwa ukukita fibi fintu kabili. ⁴³ Ifingo kuli mwebo baalise, pakuti muli temenwe ifipuna kyakutangile mu mushinangonga nokupela imitende mufisakani. ⁴⁴ Ifingo kuli mwebo, mulifilende ifi taba shikile apo abantu benda kwakubulo kwishiba.'' ⁴⁵ Umo wishibile imikambisho kalabila kuli ye,'' mweba sambishi ifyo ulukulabila ulukututuka fyebo kabili,'' ⁴⁶ Yesu kalabila,'' Ifingo kubakasambishi bamikambisho! pakuti mulabika abantu nekipinto ikikosele ukupita, lomba tamwikata kukipinto neminwe yenu. ⁴⁷ Ifingo kuli mwebo, pakuti mulasopa ifilende fyaba kwaula, baShikulu benu ba bepeye. ⁴⁸ Pano muli bakaboni kabili nokukosela kumilimo yabashakulu benu, pakuti kine bali bepeye nokusopa ifilende. ⁴⁹ Pali lili langulushi kabili, amano yaba Lesa yalabila,' katuma kulibo abakwaula naba tumwa, bakaba pesha nokwipaya bamo. ⁵⁰ Ikikifyashi, penka, bakefwa pamilopa ya bonse abakwaula ukutendeka kwa kyalo. ⁵¹ Ukufuma pa milopa yakwa abeli nemilopa yakwa Zakaliya, u-waipaiwe pakyonto petepuli. Nasumina nalabila kuli mwebo, kinokifyashi kikasangwamo. ⁵² Ifingo kuli mwebo abakengeshi mumishilo, mulandu mwafumyapo bakiba milangwe; Tamulingishamo mwebene mulafisa nabalukwingila.'' ⁵³ Panuma Yesu kubasha, Abalebeshi naba Falise kabakana nokupachika naye pa fintu ifingi, ⁵⁴ Ukubepa nokumu bepela, ukuti ukwikata fimo mukanwa kakwe.