¹ Popele panuma yafuintu ifyo, ba Shikulu balisalulwele amakumi asanu na abili bambi, ne kubatuma babili babili ukubatangilila kumishi na kumipunda yonse uko bali apepi ukuika abene. ² Nabo balibebele kulinbo ati, ukutebula kukulu, lomba aba milimo bakepa. Pakuti pali fyefyo, kamulombo abene bakutebula ati batume abamilimo mukutebula kwabo. ³ Kamuyeni. Boneni, ndukumitumeni kuti banaba mbelele pakuti ka mimbulu. ⁴ Tekupinta neli kafukuta kandalama neli litumba, neli ninkwabilo, tekubasekela abantu munshi neli umo. ⁵ Penka munanda shonse umo mukengila, mukatange mukalabile ati, umutende wikale muli yiyi nanda!' ⁶ Lomba kani umwana wamutende ene ali, umutende wenu ukalikwikele pali ye sombi kani tamuli, ukabwelela kuli mwebo. ⁷ Mukalukwikele mopele umo munanda, ukulya ne kunwa ifyo funtu ifi ba kapela, pakuti umupyangishi alyelelwe ukulambulwa kwakwe. Tekutantauka mananda. ⁸ Mumushi yonse umo mukengile, kani ba mipokeleleni, mukalukulya fyopele ifyo bakali ku mipekanishisha. ⁹ Mukalukubatendulula abalwele aba limo, ne kulabila kwibo ati, ubufumu bwaba Lesa bwapalamina apepi pali mwebo. ¹⁰ Sombi mumishi yonse umo mukengila ne kubulo kumipekeleleni, mukaye mumisebo ne kulabila, ati ¹¹ 'Nelukungu lonse ulwa mumushi wenu ukwimi kumakasa esu lusumunwe kuli mwe kuli mwebo! Lomba mufishibe ati: Ubufumu bwa ba Lesa bwapalamina. ¹² Ndukumyabeni ati pali kalya kasuba fikaba fyansuminino ku sodoma ukukila napa uyo mushi. ¹³ Amalwa kuli webo, Kolasini! Amalwa kuli webo Besaida! Pakuti imilimo iyo ikulu ikitilwe muli mwebo nga yali kitilwe mu Tulo namu sidono, nga kaleba alulukile, nekulu kwikala mumasakana mumatoi. ¹⁴ Lomba kikalukuli kikatesha makosa ku Tulo na ku Sidono pa bupingushi ukila pali mwebo. ¹⁵ Webo, we kapanaumi, ulukulanguluka ati ukasuntwiwa kwiulu? Toweuka bweshiwa panshi ku Syeoli ¹⁶ Uyo onse umikutikeni mwebo alakukutika nebo, kabili uyo onse umikaneni alakana nebo, kabili uyo onse uwunkana alakana abo abantumine. ¹⁷ Naba amakumi asanu na abili balibwelele ne kusemba, ne kulabila ati, Bashikulu ne fibanda nafyo fya kinakila fwebo mwishina lyenu.'' ¹⁸ Ba Yesu bali labile kulibo ati, Nalikubo Satana ukupona ukufuma kwiulu kuti kampeshi- mpeshi. ¹⁹ Boneni namipeleni amakosa akunyanta napa nsoka napa tumini, ne kutila pa makosa ya mulwani, kabili pape nili kintu ikikamisomasheni neli panini. ²⁰ Nangabe fyo mwisemba pakuti muli fifi fyenka,ati imipashi yaliminakile mwebo, sombi sembeni ukukulu pakuti amashina enu alilembelwe kwiulu. ²¹ Pampindi iyo yupele bali sembele ukwine mumupashi uswetelele nekulabila ati, nekulabila ati, Ndukumutoteni mwebo, Batata, mwebo Shikulu ba kwiulu napa kyalo kya panshi, pakuti mwalifishile ifi fintu kuba kalango ne ku ba kufyumfwikisha kabili ne kufisulula kuli babo aba tabasambilile, kuti tukeke, ikine, Tata, pakuti ifyo fyalyelelwe paenso yenu. ²² ''Fyonse ifintu filipelwe kuli nebo kuli ba Tata, Lomba papo muntu neli umo umwishi umwana ifi ali kani lukoso ba wishi benka kabili tapapo ubeshi ba Tata ifi bali sombi kani umwana enka nakuli babo abo umwana asala ukubonesha kuli bo.'' ²³ Penka balyalulukile kuba sambile ne kulabila kulibo mubumfisolo ati, Balishukile abo abalukubona ifintu ifi mwebo mulukumona. ²⁴ Pakuti ndulukulabila kuli mwebo ati, Abakushimika abengi ne mfumu ishingi shalikufwaisha ukufibona ifi fintu ifi mulukubona mwebo. Lomba taba fibweienepo, kabili ne kufwaya ukumfwa ifintu ifi mulukumfwa mwebo, sombi taba fyunfwilepo. '' ²⁵ Moneni, umuntu umbi uwamilangwe iyamafunde alimine nekubesha, ukulabila ati, ''Mweba sambishi, mba nkitendo nebo mukupyana umweo uwa muyayaya?'' ²⁶ Ba Yesu balilabile kuli ye, '' mba nifindo ifi lambelwe mwifunde? ulafipenda shani?'' ²⁷ Popele alibasukile ne kulabila ati, '' ukalukubatemwa ba Shikulu Lesa bobe ne mutima abe onse, ne mweo obe onse, ne makosa obe onse, ne milangwe yobe yonse, ne mubyobe kuti kuli temwa we mwine. '' ²⁸ Ba Yesu balilabile kuli ye ati, '' waasuka bwino. Ulukukite fyo, kabili ukalukwikala ne mweo. '' ²⁹ Sombi naye, pakuti pakufwa ukulilungika, alilabile kuli ba Yesu ati, mba ninani umubyangi? '' ³⁰ Ba Yesu bali mwasukile ne kulabila ati, '' Umbi umuntu alukuya ukufuma ku Jelusalemi ukuya kuJeliko. Lomba alikumene ne tupondo, abamumupama, ne kumusha kuti ufwile. ³¹ Lomba palibele umbi umupapatilishi alukuya kuli yopele yo ishila, penka pa kumubona, alimuseshe ne ku mupitilila. ³² Nakabili fyopelefyo, ne mwina Lefai naye, pakufika penka po pakifulo nekumubona, alipitilile ne kumuseshe ne kupita kumbi lubali. ³³ Sombi umbi umu Samalya, ili alukwenda, alifikile epo ali, eli amubwene, alibele ne nkumbu. ³⁴ Alike kuli ye ne kumukaka po na pa filonda yakwe, ili aitilepo amafuta ne mfaina. Nekumwikalika panama yakwe umwine, ne kumuleta kuñanda ya bensu, ne kulukumulama. ³⁵ Akasuba akakunkelepo alibulile amakobili abili, ne kuyapela ku mwine wa nanda, ne kulabila ati, nga mulama bwino, lomba fyonse ifyo ifi mwakuposa nafimbi, nebo ilyo nkabwela, nkamilambuleni! ³⁶ Mba ninani palibabo batatu uyu ulukulanguluka ati ali bele muyakwe kuli uyo uwakumene ne tuponda? '' naye alilabile ati,'' ³⁷ Niuyo uwa mukitile inkumbu. '' Ba Yesu balilabile kuli ye ati, '' koya ukalukukita fyopele fyo. '' ³⁸ Lomba ili balikwenda, ba lingile mumushi umbi, penka umwanakashi umbi uwashina lyakwe ni Malita ali bapokelele munanda yakwe. ³⁹ Naye ali ne mukwabo ishina lyakwe ni Maliya, uwaikele ku makasa ya ba Shikulu nekulu kumfwa kwishi lyabo. ⁴⁰ Sombi Malita ali pangatile ne kukutabataba ukwingi ukubapekanishisha ikyakulya. Alile kuli ba Yesu ne kulabila nebo ati umukwasu andeka ati ndukutabataba nenka? Mumubule lomba ati onse fweko. '' ⁴¹ Sombi ba Shikulu bali mwasukile ati, Maliya Malita, ulukubambisha umutima nkulikatasha pafintu ifingi. ⁴² Sombi ikintu kimo kyanka ikilukufwaikwa. Maliya aslulula ikyo ikiweme, lomba kyo takyapokololwepokuli ye. ''