¹ Ili nshiku shisano na buno ta shinga fika pa mpindi ya muciliko, ba Yesu kabesa ku Betani ukwali Lazalo, uyo ba Yesu babushishe kufuma kubafwile. ² Penka ka bamupangila umulalilo kulya, na Malita alikupekanya ifya kulya, Lomba Lazalo ali umo uwaikele pamo naba Yesu kwitebulo. ³ Penka Maliya kabula botolo lya mafuta anuka bwino aya pangilwe ne fyamutengo wa patali, kaasuba amolu aba Yesu nawo mafuta enka, ne kushimuna amolu abo ne mishishi yakwe. Iñanda kaisulamo ne kunukila kwa mafuta. ⁴ Sombi Yuda Isikaliote, umo mubasambile bakwe, umo uwa kumusolola ye, kalabila ati, ⁵ ''Mba nindo aya mafuta kubulo kushitishamo ndalama iñanda itatu ya ndenali kabili ne kupela kuba pengele?'' ⁶ Pano kalabila ifi, tepa mulandu wa kwebati alisakamene abepangele, Lomba kya ndalama kabili ali kwibamo ifyabikilwemo. ⁷ Ba Yesu kabalabila ati, ''Mulekeni umwanakashi akite ifyo akwatile akasuba ka kushikwa kwangi. ⁸ Mukalukuba naba pengele lyonse. Lomba tamukalukubapo na nemo lyonse.'' ⁹ Penka ibumba likulu lya ba Yuda kabomfwa ati ba Yesu bali kulya kabili balishile, tali enka Yesu bakonkele, sombi na mukubona Lazalo, uyo ba Yesu babushishe mubafwile. ¹⁰ Abapapatilishi abakulu kabomfwana pamo ati benga mwipaya Lazalo; ¹¹ pantu kyali ni pa mulandu wakwe ikyalengele aba Yuda abengi ukusumina muli ba Yesu. ¹² Napabushiku ubwakonkelepo ibumba ilikulu kabesa kumutebeto. Ili baufwile ati ba Yesu balukwisa ku Yelusalemi. ¹³ Kabapinta fipukesa kyalukindu ne kuya mukumukumanya ne kubilika ati, ''Hosana! Ali shukile uyo uli kwisa mwishina lyaba Shikulu, Imfumu yaba Isaeli.'' ¹⁴ Penka ba Yesu kabasanga imbongolo kabili kwikalapo; kwati ifyo kilembelwe ati, ¹⁵ ''Wiba ne mwenso we mwanakashi waku Ziyoni; mona, Imfumu yobe ileisa, ili ikele pa mwana wa mbongolo.'' ¹⁶ Abasambile bakwe taufwile ifi fintu pakutampa; Lomba ili ba Yesu ba lemeshiwe, kabanukamo ukwebati ifi fintu fyalilembelwe pali ye. Kabili kabakichila ifi fintu kuli ye. ¹⁷ Penka ibumba kushimika ukwebati bali nabo ili baitile Lazalo ukufuma kunshishi ne kumubusha kubafwile. ¹⁸ Nipa mulandu wakiki ukwebati ibumba kaliya mukumukumanya, pantu balyufwile ati balikitile aka keshibilo. ¹⁹ Aba Falise penka balitampile ukuli labilisha mukati kabo ati,' ''Mona, tekuti ukitepo akantu neli kamo; mona, ikyalo kyonse kyamukonka ye.'' ²⁰ Kabili aba kiliki bamo bali mukati kababo abalikuya mukutembela pamutebeto. ²¹ Aba kabaya kuli Filipo, uwafumine ku Besaida uwaku Ngalili, ne kumwisha, ukulabila ati, '' Shikulu, tulukufwaya ukuba mona ba Yesu.'' ²² Filipo kaye ne kumubula Andeleya; Andeleya kaya na Filipo, ne kubabula ba Yesu. ²³ Ba Yesu kababasuka ne kulabila ati, ''impindi yaisa iya kilemeshiwa kwa mwana wa muntu. ²⁴ Ikine, kine, ndelabila kuli mwebo, kani uluseke lwa Lunku kalubula ukupona pamushili ne kufwa, lulafyala ifisepo ifingi. ²⁵ Uyo onse utemenwe umweo wakwe akauposa. pakuti uyo upatile umweo wakwe muli kikino kyalo akaulama umuyayaya. ²⁶ Uyo umpyungila nemo, lekeni akonke; kabili nekondi, eko akaba umupyungila, baTata nabo ba kamulemya. ²⁷ Pano umutima wangi wakatashiwa kabili findo nakulabila? ²⁸ ''Tata, mumpulushe kuli ino mpindi?'' Pakuti pali kiki ekyo naishile kuli ino mpindi. Tata, ngamulemye ishina lyenu. ''Penka ishiwi kalufuma mwiulu ne kulabila ati, ''Nalilemya kabili nkalilemya libili.'' ²⁹ Penka ibumba ilya imakene apepi kabili ne kumfwa kabalabila ati kilulumo. Bambi ati, ''Ba malaika kabalabila kuli bo. ³⁰ Ba Yesu kabasuka ne kulabila ati,' ''Ili shiwi talyaishile nemo, lomba mwebo. ³¹ Pano ekupingulwa kwa kino kyalo: Pano imfumu ya kino ili ne kuposwa pesonde. ³² Ili bakangimya peulu kufuma pa kyalo, ndi ne kubungisha bonse kuli nemo ne mwine.'' ³³ Kalabila ifi mukulangisha isa musango wa lufu ali ne kufwa. ³⁴ Ne bumba kali mwasuka ati,; ''Twa umfwa kufuma mwifunde ukwebati ba Kilishitu bakekalilile. Kuti mwa labila shani ati,'Umwana wa mumuafwile ukusuntulwa?' Ngo uy mwana wa muntu ninani?'' ³⁵ Penka ba Yesu kabalabila kuli bo ati, ''Ukutuba kukali kuli na mwebo pakapindi kanini. Endeni ili kulyu kutuba, ukwebati imfishi ingabula kumutangilileni. Ulya onse uwenda mumfishi teshibapo uko alukuya. ³⁶ Ili muline kutuba itabilene mukutuba pa kwebati mwingaba abana bamukutuba.'' Ba Yesu kabalabila fi fintu kabili kafumako ne kuli fisa kuli bo. ³⁷ Nangu ba Yesu balikichile utwishilo utwingi ku menso abo, Lomba taba ketekelepo muli bo. ³⁸ Pakwebati ishina lyakwa Isaya uwakushimika linga fikilishiwa, umo alabile: ''Shikulu, mba ninani uwasumine ifyo twalabile, kabili ne kuli nani uko kuboko kwaba Shikulu kwafisululwa?'' ³⁹ Pa mulandu wakiki tabasuminepo, pantu Isaya naye kalabila ati, ⁴⁰ ''Apofola amenso abo, kabili akosesha imitima yabo; pakwebati benga mona ne menso abo ne kumfwa ne mitima yabo, ne kwaluluka, kabili ndine kubatendulusha.'' ⁴¹ Isaya kalabila ifi fintu pantu ali bwene ubuleme bwaba Yesu ne kulabila palwakwe Yesu. ⁴² Nangu kyali fyo, intangishi ishingi kashiketekela muli ba Yesu; lomba pa mulandu waba Falise, tabaliso lwelepo ukuchina ukubatamfya mumaShinangonga. ⁴³ Kabatemwa ubuleme ubufuma kubantu ukuchila ubuleme ubufuma kuli ba Lesa. ⁴⁴ Ba Yesu kababilika ne kulabila ati, ''Uyo uwaketekela muli nemo, taketekelapo muli nemo nenka lomba na muli babo abantumine, ⁴⁵ naulya onse uwamona nemo amona nabantumine. ⁴⁶ Naisa kwati kutuba muno mu kyalo, pakwebati ulya onse uwa ketekela muli nemo enga bula kushala mufinshi. ⁴⁷ Nga kya kwebati umuntu aumfwa amashiwi angi ne kubulo kualama, shimupingulapo; pakuti shishilepo mukupingula kyalo, lomba mukupulusha ikyalo. ⁴⁸ Uyo onse uunkana kabili utapokapo amashiwi angi, ali newakumupingula. Ishiwi nalabila likamupingula pakasuba kakupelako. ⁴⁹ Nshali kuli labilila ne mwine, lomba baTata abantumine, abapele funde pafya kulabila ne fyo ningeba. ⁵⁰ Njishi ati ifunde lyakwe emweo wamuyayaya, kanshi ifi efyo ndabila - kwati ifya labile baTata kuli nemo, efyo ndukulabila.''