¹ Penka umuntu umo uweshina lya kwa Lasalo alilwele. Alukufuma ku Betania, kumushi wakwa Maliya nekanshi yakwe Malita. ² Wali ne Maliya u-wasubile baShikulu amafuta ya mala nokushimuno amolu nemishishi, euyo indume yakwe Lasalo alwele. ³ Ali inkanshi yakwe yakokele ba yesu, nokulabila,'' baShikulu, moneni, uyo mutemenwe mulwele.'' ⁴ Ili ba Yesu baufwile, kabalabila ati, ''Ukukulwala talipo kufwa, lomba kwebati ubuleme bwaba Lesa bumoneke umwana waba Lesa apelwe ubuleme palifi.'' ⁵ Pakuti ba Yesu balitemenwe Malita inkanshi na Lasalo. ⁶ Ili aufwile ati Lasalo mulwele Yesu kaikala inshiku shibili shimbi mupusha umo ali. ⁷ Pakupita ifi kalabila kubasambile ati, ''Twendeni ku Judiya nalibili. ⁸ Abasambile kabalabila kuli ye ati, ''Labi, penka pano abaYuda bakomweseka ukumitoba amabwe, kabili mukoya panuma nalibili?'' ⁹ Yesu kabasuka,'' kansi tamuli amakumi abili natune twapindi mukasuba kamo? Ngaumo aleenda mupindi yakasuba, Tekuti alitutule patu akoenda nokunbona nekyeya kyo kyalo. ¹⁰ Nkingaba nififyo, ngamwaenda ubushiku, koti mwalitutula pakwebati ikyeya takulimuli mwembo.'' ¹¹ Kalabila ifi, pakupita ifi fintu, kabalabila kulinbo, ''Umunesu Lasalo waponena mutulo, lomba nkoya mubushe mutulo.'' ¹² Pano abasambile kabamweba ati, ''Bashikulu, nga alilele, ali nokufwabwino.'' ¹³ Lomba ba Yesu kabalabila pafwe yakwe, nobo balikulanguluka pakulala utulo twakutusha. ¹⁴ Ba Yesu kabalabila apatubile,'' Lasalo wafwa. ¹⁵ Pano nasekele, pakufwaya kwenu, shaliko pakwebati musumine. Twendeni kuli ye.'' ¹⁶ Tomashi, u-waleitwa ati Didumo, kalabila kubasambile babyakwe, ''Tulukuya pakwebati tufwile pamo na Yesu.'' ¹⁷ Ili Yesu aishile, kasanga Lasalo alikele mu kilende papita neshiku shine. ¹⁸ Pano Betania wali pabwipi na Yelusalemi apali itafu ikumi na shisanu. ¹⁹ Nabengi aba Juda kabesa kuli Malita na Maliya, kubatekenesha mulandu wadumeyanbo. ²⁰ Penka Malita, ili aufwile ati ba Yesu balukwisa, kaya mukumukisha nokumukumanya, Maliya alikele muñanda. ²¹ Ali Malita kalabila kuli Yesu, ''Bashikulu, nga mwakiba kuno, indume yangi ngataifwile yoo. ²² Nangu nipano, Naishiba ati kyonse mukalomba ukufuma kuli ba Lesa kiikapelwa kuli webo.'' ²³ Ba Yesu kabamweba ati, ''Indume yobe ilinokwima libili.'' ²⁴ Malita kalabila kuli ye, ''Ndishi ati alinokubushiwa pabushiku bwakupelako ubwakusangula,'' ²⁵ Ba Yesu kabamweba ati, ''Ninemo ukusanguka nobumi; onse u-wasumina muli nemo, nangu engafwa, alinokwikala umumi; ²⁶ uyo-onse u-waikala muli nemo nokusumina muli nemo takafwe. Mwasumina muliki?'' ²⁷ Naye kalabila kulinbo, ''Kine, Bashikulu, Inasumina kwebati mwenbo muli ba Kilishitu, umwana wa ba Lesa,ukoisa mukyalo.'' ²⁸ Ali apwile ukulabila, alile nokwita umwanike wakwe Maliya kufiso. Nokulabila, ''Kasabilisha alipano alekwita.'' ²⁹ Ili aufwile ifi, Alibukile bwangu nokuya kuliye. ³⁰ Pano Yesu taishile mumushi ali kupusha akumenye Malita. ³¹ Penka aba Yuda abali muñanda yakwe abalemutekenesha, kaba mona Maliya kaima bwangu nokufuma posonde, kaba mukokela, nokulanguluka ati alukuya kufilende mukulila. ³² Lomba Maliya ili aishile ukwali Yesu nokumona kaponena kumolu akwe nokulabila kuli ye, ''Bashikulu, nga mwakibapano, indume yangi nga taifwile.'' ³³ Ili ba Yesu bamumwene kalukulila, naba Yuda abo aishile nanbo kabatatika ukulila, kapitwa ukukilapo mumupanshi wakwe nokukatashiwa; ³⁴ kalabila, ''Nikwepi mwamwamubika?'' Kabalabila kuli ye, ''Bashikulu, twendeni mukabone.'' ³⁵ Yesu balukulila. ³⁶ Penka abaYuda kabalabila, ''moneni ifyo atemenwe Lasalo!'' ³⁷ Bamo kabalabila, ''Kanshi uyu muntu, u-wa isule amenso impofu ukumona, kabili alenga uyu muntu ukubula ukufwa?'' ³⁸ Ali ba Yesu kabili, nokwishiwa nokwenda umwine, kaya kukilende. Mwalinimulukelo, nebwe atulileko. ³⁹ Ba Yesu kabalabila, ''Fumyeniko ibwe,'' Malita, ikanshi yakwa Lasalo u-wafwile, kalabila ati kuli ba Yesu , '''Bashikulu, pali ino mpindi umubali wabola, pakuti papita neshikushine apoafwilile.'' ⁴⁰ Ba Yesu kabamweba ati. ''Nakikweba ati nga wasumina, wukumbona ubuleme bwa ba Lesa?'' ⁴¹ Penka kabafumyako ibwe. Ba Yesu kabemya amenso nokulabila ati, ''Tata, Nanitoteni pakuti mulangufwa. ⁴² Jishi kwebati mulangufwa, pakuti mulandu webumba lyaimakana ukushinguluka nemo akyonalabila ifi, kwebati basumine ubati nimwenbo mwatumine.'' ⁴³ Panuma yekulabila ifi, kabilika neshwi likulu makosa, ''Lasalo, fuma posonde!'' ⁴⁴ Umuntu u-wakufwa kufuma posonde; kalukwenda kwenda namanbo kakakilwe nesalu, nepumi yakwe nayo nesalu. Ba Yesu kabalabila, ''Mukukuleni nokumuleka akoya.'' ⁴⁵ Penka nabengi aba Yuda abaishile kuli Maliya nokumona ifyakitile Yesu, kabasumina. ⁴⁶ Na bamo kabaya nokweba aba Falisi nokubeba ifintu Yesu akita. ⁴⁷ Ali abakulu abapapatilishi naba Falisi kabekala pamo nokulabila ati, ''Tulukukita shani? Uyu muntu akinta ifipapa ifingi. ⁴⁸ Nga tumuleke bushimwa fyekefi, bonse balukusumina muliye; Aba Loma balukwisa nokupita ipunsha ne kyalo.'' ⁴⁹ Lomba, umo palinbo, kaifasa, umukulu wa bapapatilisha mu mwaka ulya, kalabila kuli nbo, ''Tamishiponeli kimo. ⁵⁰ Tamwishipo ukulinganya ikiweme pali mwenbo umuntu umo kafwa pabuntu ukukila ikyalo ukushila.'' ⁵¹ Talabile palwakwe bushi mwa bwakwe. Lomba, nga umupapatilishi umukulu muilya mpindi, ka-aula ati Yesu alilingile ukufwila ikyalo. ⁵² Talilukoso mulandu wakyalo, pakwebati abana bakwa Lesa abasalanganinemo bali nokubabika malikukimo; ⁵³ ukufuma pali bwulya bushikukabafwaya apakumwipaila Yesu. ⁵⁴ Kufuma penka pali mpindi ba Yesu tabaendelepo apasetelu nabaJuda, kufuma nokuya mufyalo ifili mufiselebwa mumushi u-witwa Efilayimi. Kulya eko aikele nabasambile. ⁵⁵ Penkapo ikyakukilila kya ba Juda kyali kubwipi, nabengi kabaya ku Jelusalemi kukyalo tabungafika bushiku bwakukililwa, pakwebati bawente abene. ⁵⁶ Balukufwa ukumona Yesu, nokulukwambala umo nomunakwe ali baimakana mwetempuli, ''Nifindo mulukulanguluka? Pakwebati ebula-ukwisa kukyakukilila?'' ⁵⁷ Lomba abapapatilishi naba Falisi ba pene umukabisho nga umo kamwishiba ukuli Yesu ukuali, kwebati benga mwikata.